-
% سفريه تجيب الهم %
يالربع
اليوم الصباح طلعت من رفحاء بأتجاه الرياض كأي مواطن عندوه دوام باتسر
طبعا طلعت من رفحاء الساعه ثمان الصبح علشان اوصل للرياض بدري
والله يوم خذيت هنااااااااااااااااااااااك
هناااك تعني حدود مية كيلو او تسعين او ثنين وتسعين ( مهو منوه هالدقه من اللي جرالوه )
والله وهو يقوم يفلت قير السياره
ياربيه
وش القصه
وامر الشعبه قالوا مالك لوا
وامر الهجر اللي وراه قالوا مالك رجاااا
بهاللحظه جلست بمطعم علشان افك الريق
ابي اعيش كفايه ضيم يانااااس
وانا افتح اللاب تب وعلى المضايف
واقوم اتضيم بشريط الاهداءات تقل رملا الله يدفع البلا
يوم خلصت وانا ادق على شنقل
وعلى يوسف
وريال فسحه
ادري ما بيدهم شين
بس احس ودي اسمع اصواتهم قبل اموت
( قام يفلت مثل قير سيارتوه )
والله وادق على واحد من الزقرت
وانزل السياره بالورشه ونطلع لبيت الرجال
وادخل المضايف من بيت الرجال
ياعيب الشوم يالربع
لقيت الربع مرسلين لي رسايل خاصه يبون يفزعون لي
وه يابعد خشم ركبتي انتم
الا وحده
ندووو هذي
بعد وجه ياهي
تقل سطب ديتس وجهه
متولجتن وتسذبن عند العربان
قسم بالله بغيت اخذ قدر ضغط واطبخ راسي بوه من المغثه
الوكاد رحت للورشه يوم جيتهم قالوا مالك سنع عندنا لازم تروح للرياض
يالربع بغيت ابتسي من القهر
والله واتكل على الله
واشحن السياره بالبسامي
واشحن نفسي مع راعي تكسي
وتنطلق الرحله الساعه خمس العصر
مكونه من سواق ( فاطس يمشي )
اثنين بنقاله ( ابو ريحه كريهه )
شبيثان ( هيجت ذكراك حبي واستبد بي الانين )
والله وافتح النت واقوم احتسي عليكم بشريط الاهداءات
بس مايدوم الا وجه العزيز الحكيم
خلصت اهداءاتي
وشحن الجهاز خلص
وقمت اقرقر مع ابو هنود
حتى حفظت الاعداد من واحد الى خمسه والله العظيم
حتى شوفوا
ايك = واحد
دو = اثنين
تين = ثلاثه
تشار = اربعه
بنش = خمسه
ان شاء الله سفره ثانيه احفظ كل الارقام
مالكم بالطويله من كثر ماقمت امون عليهم
يوم وصلت لاهلي امي هربت عني تحسبن سباك بنقالي
وه ياعيشت الضحوك عنز ابوي
وتقلدوا تحيتي
-
خخخخخخخخخخخخخخخخخخخخخخخخخخخخخخ
انت طيعن وانتحر احسن لك :)
اقول
عطنا تشار ريال خبز <---بنقالي ماسك سرا بخباز :)
-
بندو ادراو
ادراااااو
بوتاكينامو
خخخخخخخخخ
ريالوه
الفقه
وتقلد تحيتي
-
هههههههههههههههههههههههههههههههههههههههه هههههههههههههههههههههههههههههه
هههههههههههههههههههههههههههههههههههههههه
شف هو من نآحية تستآهل فانتــ تستآآهل ونص
وانا اصلن المفروض ماارد عليك لمده ذكرتها بردي لك بالفيتي <<ياليل الطويله
بس لانك بغيت تشوف الموووت
قلت يعني
<<بدآ المنه
شبووثــ
هههههههههههههههههههههههههههههههههههههههه ههههههههه
ههههههههههههههههههههههههههههههههه
اهم شئ سلآآمتكـ
انا لو اني منك مرهـ بالشهر اعتمررررههههههه
شبيثان ( هيجت ذكراك حبي واستبد بي الانين )
وتفتق القلب المتيم في هوآكـ اتشعرين
له له له لآلآآآ
لا اضنكـ تذكرينhttp://gif.vip600.com/smiles/3/004.gifhttp://gif.vip600.com/smiles/3/004.gif
:)
ههههههههههه
ميرسي
مانيب متقلده شئ للمده هذيكـ
يالشآآيب
-
8
8
خخخخخخخخخخخخخخخخخخخخخخخخخ
خزامى يالعنبو الجهط ياشيخه
صدقتي انتس عجوز يا وررررعه خخخخخخخخخخخخخخخخ >> مايعرف يصرف
خخخخخخخخخخخ
خزامى ( سليم سليم ويش اسوي بمحبوبي )
خخخخخخخخخخخخخ
لاهنتي على هالمرور
وتقلدي تحيتي
-
هههههههههههههه
مقروووووووووووووووود
اشوف السالفة بالاهداءات وتوقعت انك بتسولفها بالفلة :)
تعيش وتاكل اللي اكبر منها :)
-
ابوماجد أجل بديت تكلم بنقالي ؟؟
يوم أنا صغير مقرود أشوين .. دريت أن معنى كلمة (بندر) بالهندي يعني (قرد) وأنتم بكرامة ..
ولا عندنا عامل هندي بالمزرعه غشيم على قولتهم (خبل أمتعافي) وأنا أتقبله أقوله أنت بندر ؟؟
وهو ينحمرن أعيونه ويغولن ملعون الرقبه .. ما فكنا منه ألا صعيدي عندنا .. بس أعلمك أنه برد تسبدي أجلده الصعيدي يما عاف البطنه ..
ابوماجد تقبل مروري ..
-
الحمد لله على سلامتك ابو ماجد
بالحديد ولابراسك
.
.
الله يخليك لماجد
-
متى تموت وتفكنا من شرك :(
لعنبو العدو وش هالحياة ياخوي انتحر أزين لك :)
وحاول تخلي موتتك غرق ولا حريق علشان تروح شهيد :)
أبو ماجد الحمدلله على السلامة <_ يبي يتشمت :)
توسد إحترامي
-
هالحين يللي ماتخاف الله تعنيني من حايل ، وأجي للحفر مالاقيك ،،،
واثريك شاحن سيارتك للرياض !!!
وكل اليوم وانا ادور عليك ، ومارجعت من الحفر الا عقب الساعة بنش ببطأ
بس هين ... تطيح مكينتك المرة الجاية وشوف من يسعفك !!
ياعلّك ماتشوف شر ياهالوجه
