أنشودهـ .. نزعل و نتكبر و حنا من الطين ..!
.
.
بسم الله الرحمن الرحيم ..
السلام عليكم و رحمة الله و بركاته ..
..
القصيده /
نزعل و نتكبر و حنا مـن الطين
و الكل منـا صـدّ لا أقبـل خويّـه
نفخر نقول إنا على الصـد قاويـن
و هي علينـا فـي الحقيقـة قويه
نشفق على الطيبة و كسب الكريمين
و هـذي بنـا لاشـك فعلـة رديـه
ننسى نهايتنا و على ويـن ماشيـن
و ننسى الزمان اللي جمعنا سويـه
المشكلة ماهـي بـ حاجـة لتخميـن
و لا هي بعد ياناس صعبـة القضيـه
دق الرقم كيفك هلا فيـك و أهليـن
أنا الخـوي اللـي مزعّـل خويـه
قلّه : تغيب و صورتك داخل العيـن
و يبقى لـ حبـك فـي خفوقـي بقيـه
أخوان حنا لو يجـي بيننـا شيـن
و مانفتـرق دام المحبـة نـديـه
خلك قـوي لا تحتكـرك الشياطيـن
قبل الفوات و قبـل وقـت المنيـه
كلّم خويك بـ أطيب الهـرج والليـن
و أعرف جميل الهرج يمسح رديه
هذي هي الدنيا من الحيـن لـ الحيـن
لابد بين النـاس تحصـل خطيـه
و من لا يقدّر غلطة أحبابـه الحيـن
يقـرأ حروفـي و يعتبرهـا هديـه
باكر تمر سنيـن و سنيـن و سنيـن
و الكل يرحل في الـدروب المديـه
صدقني تندم و أذكر حروفنـا زيـن
تندم على خلـك إذا غـاب ضيّـه
دنيا غريبة و أكثر النـاس ماشيـن
و كم صاحـبٍ والله دفنتـه بيديـه
كلمات: نواف الــشــمــري
ألحان و أداء : محمد الركبان
لـ الإستماع /
[rams]http://www.zshare.net/audio/514927245f58f702/[/rams]
أو على هالرابط /
http://www.qassimy.com/nu/voices-act...ow-id-2753.htm
.
.
