عبدالعزيز العبيدي شبه خلي

تل قلبي من اقصى ضامر الروح تله

نشت الحال من عقبه طواها الهيام ِ

قلب يا اللي تذكر في الهوى صاحب له

بو قرون ذوايبها تعدى الحـــزام ِ

كن قلبي على الملة عشيري يملـــه

لا طرى لي عشيري ما اهتني بالمنام ِ

بو عيون هدبها فوق خده مظلـــة

مجهمات تشادي يش ربد النعــام ِ

وخدها كنه البراق في مستهلـــه

مزنة من حقوق السحب فيها كتــام ِ

شبه خلي خشيف ٍ والحجر مدهل له

خشف ريم رتع بقفول خد وســـام ِ

يا نديبي الى جيت اريش العين قل له

قل ترى الحال نشت ما بقى الا العظام ِ

كيف انا بالبحر والترف نجد محله

حيل بيني وبينه و ارمسن العـــلام ِ

ليت من شافني عقب البطا طارش له

واتيسر لداره مع ربوع حشــــام ِ

شوف خلي طماشة صاحب ما نملـه

وكل من حب خله ظنتي ما يـــلام