مرثية سعد البطي في أخوه سلطان
السلام عليكم ورحمة الله وبركاته
هذه المرثية للشاعر سعد بن بطي السرحاني الوبيري ( أبو عقاب ) على اخوه سلطان رحمه الله وأسكنه فسيح جناته .
[poem=font="Times New Roman,6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بادي ٍ بالله الهي يالعظيم=منطق ٍ هاكالثلاثه بالفطام
واحدٍ فردٍ صمد محيي الهشيم=عالي ٍ متعالي ٍ فوق الغمام
خالق ٍ كل الخلايق يارحيم=ذوالجلال الكامل الرب السلام
خالق ٍ كل شي من عدم ٍ عديم=مبدع ٍ بالخلق والمخلوق تام
يا إلهٍ ما يظام ولا يظيم=العزيز ومن لفاه فلا يظام
يا إلهٍ كل أمره مستديم=ياخبير ٍ ياجليل ٍ ذو انتقام
ياعليم ٍ ما بعد علمه عليم=هادي ٍ من وسط الاخدود الغلام
يا إلهٍ ماله بملكه غريم=لا شريك ولا خشير ولا يلام
مرسل ٍ جبريل بالذكر الحكيم=ياموكّل ما تشاء من المهام
مستعيذٍ بالإله من الرجيم=وارثي اللي ما قعد بين اللئام
مسندي لا من نخيته بالصريم=جا يبيع العمر ما يرضى يسام
جيتك اقرا يا إلهي حاء ميم=واطلبك يارب راعي هالمقام
جيتك اكتب كل حرفٍ يستهيم=كل حرفٍ اكتبه بك يستهام
باء تاء وثاء حاء وخاء جيم=عين غين وفاء قاف وكاف لام
طالبك يارب زمزم والحطيم=يا إلهٍ سامع ٍ دبي الهوام
طالبك بالصبح والليل البهيم=والضحى والمغرب وبعد العسام
طالبك يامحيي العظم الرميم=يا إله الكون يارب العدام
طالبك يا منوّم اصحاب الرقيم=فتيةٍ عيّوا عن احلال الحرام
طالبك يارازق العبد العقيم=يامجيب الدّاعي بليل القيام
طالبك يا مغني ٍ حال اليتيم=تِسكن اللي مات جنّات الكرام
يالله انّك ترحم القلب السليم=مات اخوي وروح روحي والحزام
ادفنوه وشفت قبره يالحليم=مات اخوي وقلت لله الدّوام
ما يدوم الاّ العزيز الاّ الكريم=شفت قبره موحش ٍ طلس ٍ ظلام
نوّره يارب عيسى والكليم=ووسّعه يارب حام وربّ سام
واسكنه جنّات عدن ٍ والنعيم=وارفعه يارب من عندك مقام
واهد سلطان لسراطٍ مستقيم=مظلم ٍ موحش مثل حد الحسام
وبشّره يارب بالخلد المقيم=جنةٍ وسطه تحيّتهم سلام
ونجّ اخوي من العذاب اللي أليم=واقبل اعماله صلاته والصيام
وضلّله يوم الخطب يصبح جسيم=يوم لا ضلّ الا ظلـّك بالزحام
واحفظه يوم الأمم عندك تليم=واحفظه من خلف ظهره والأمام
واجعله من صحبة محمد حشيم=حاشم ٍ محشوم من ضمن الحشام
اجعله مع رفقة الهادي لزيم=يا مكمّل ما تريده بالتمام
مع ابو القاسم نبيّـك والزّعيم=وزوّجه حور ٍ ملامسهن غرام
وابعده عن كل خوّان ٍ أثيم=واجعله بين الفواكه والطعام
وابعده عن كل همّاز ٍ نميم=واسعده يوم الخلايق بالخصام
يوم يؤتى بالعتلّ وبالزّنيم=ويوم يؤتى في جهنّم بالزّمام
واغفر لعبدٍ عقب موته سقيم=والليالي خلّتن ضمن السقام
موتتك ياخوي طعنه بالصميم=لو تشوف اليوم حالي ما تنام
عبرتي هلّت تقل هلاّت ديم=وضاقت القاع الوسيعه بالأنام
عقبك الدنيا غدا صبحه ظليم=وآتفكّر وآتذكّر كل عام
وآتذكّر كل قولك من قديم=واقفت الذكرى معك وسط الكتام
وآعذابي يوم لجّنّ الحريم=انطرمت وراح عقلي والكلام
الحفر يبكي لياحد القصيم=والرياض وسامطه وديار يام
والليالي وجههن عقبه كظيم=والنهار اصبح عقب نوره ظلام
يالله انّـك ترحم القلب السليم=مات اخوي وقلت لله الدوام
طايعين ٍ يا إلهي ما نشيم=نذكرك اعداد ما طار الحمام
وصلّـوا اعداد ابتهالات العقيم=وعدّ ماسبّح لالهه واستقام
وعدّ ما قالوا نشى بالجوّغيم=وعد تبشير الخلايق بالغمام
كل ما يذكر نبيه والحميم=الرسول اللي لخلق الله امام
[/poem]
