ياشقر (ن) جاك اشقر (ن)

جميع الاعضا حفظهم الله


استفسار عن القصيده كامله وماذا مناسبتها ومن شاعرها



ياشقر (ن) جاك اشقر (ن) ميهابك لاتنهظم هذا صعوط المجانين

ندخل على الله ماهضمنا حسابك انتم مربيه اليتاما القديمين



وشكرا لمن استجاب

مرحبآآ
بحثت وها الللي لقيته
اتمنى اني افدتكـ
لاهنت
http://www.mrkzy.com/uploads/6e81a9917d72.gif



ذهب ناس من اهل نجد سفر للتزود بالطعام والمؤن من العراق
وفيه تاجر مشهور بالعراق اسمه "شاهين" ويلقب الطعام "بحب شاهين" اي التمن العراقي.
وعندما وصلوا السفر الي العراق منعهم الشيخ سعدون ابن سعدون "الأشقر"
حاكم منطقة ذي قار في جنوب العراق من التزود بالطعام
وأبلغ بالسالفه الأمير عبدالعزيز بن متعب الرشيد
حيث أن السفر رجعوا بدون الحصول علي طعام بسبب ابن سعدون.
ولذلك غز الأمير عبدالعزيز الرشيد البيرق وامر
بتجهيز الجيش لمحاربة ابن سعدون وعندما أقترب
جيش شمر من نهر الفرات ونزل بالخميسيه وتل جباره.
تناطح الجيشين ابن سعدون من جهه وشمر من جهه
وصارت الواقعه ثم أنتصروا شمر بقيادة الأمير عبدالعزيز المتعب
علي ابن سعدون وكانت هذه المعركه ردع له لكي
لايمنع هو أو غيره المؤونات والأرزاق عن أهل نجد من العراق.
أثناء المعركه أنطلق الأمير عبدالعزيز الرشيد علي
الشيخ سعدون الأشقر ولا هو ردى فيه وأسره.
ومن ثم أقتاده الأمير عبدالعزيز الي مضيفه بأحترام وتقدير
وسئل أبن رشيد الجالسين من شمر وين الشاعر التبيناوي
وأرسل مرسال ليأتي بالتبيناوي وعندما ذهب مرسال ابن رشيد
لأحضاره لم يجد من التبانا الا صبي عمره 16 سنه
وذهب به المرسال الي مجلس الأمير وعندما وصلوا،
قال الأمير لحسن التبيناوي (الصبي) هل تعرف هذا الشيخ
ويشير الي ابن سعدون وقال التبيناوي أحضارا علي الفور:

http://www.mrkzy.com/uploads/6e81a9917d72.gif

سعدون جاك الضاري اللي حكابك = ياويل ياسعدون من نطلبه ديـن
اما بنـو الخيـر مـا ينحكابـك = انتم معيشة اليتامـي القديميـن
من العام والله طاحنينن زهابـك = انتم شيوخن مار حنا ضريريـن
اسكت وحط حصوتن حدر نابـك = ياللي تقول محرمن حب شاهيـن
علي الخميسيه نوسـم ركابـك = وعب الشبيبيه نحـط المحاقيـن
يااشقرن جاك اشقرن مايهابـك = لاتنهظم هذا صعـوط المجانيـن
أشقر ليا ضف الجناحين جابـك = علي دماغك موقعك بالصعانيـن

http://www.mrkzy.com/uploads/06dd022d89e9.gif

القصيده لحدى التبانا ناس يقولون اسمه عساف وناس يقولون براك يوم عبدالعزيز يغزي الأشقر بالعراق يوم هو يمنع حدرات شمر لا تكتال من العراق ويتهدد عبدالعزيز وهو بحايل يقول والله الا اغزيه . هزمه عبدالعزيز بالخميسية وطلب التبانا ولا لقوا الا هذا ويوم دخل شاف الأشقر محدد وعبدالعزيز جالس بالصيوان قصد هالقصيده .


سعدون جاك الضاري اللي حكابك == مــوفي الوعيد أليا هـــرج قايلٍ شين
من يوم سرنا طاحنينٍ زهابك == واويل ياسعدون من نطلبه دين
يـــا أشقر جاك أشقر مــا يهابك == لاتنهضم هذا صعوط المجانين
يــا تايه الأشوار هذا عقابك == مدم المخالب مـودع الخرب قبعين
زين المناكب طير شلوى عذابك == من ماكر فعله بالأضداد مرضين
يــاعاد منبوز الردايف هقابك == لامنكم ما تردفون المزايين
على جوادك مرحله بعقابك == اتقيت راك يوم جوك الغلامين
يامحد وش لك بالمياهيف كابك == قبل تراقون الضياغم سلاطين
بنا تمحرش يوم قرب خرابك == ياما طنينا وأول الحين من حين
باداك حلوه سطةٍ يوم اصابك == سقم العداء خلى جنودك سيادين
وعلى الخميسيه نوسم ركابك == وعلى الشبيبه نحط المحاجين
قضــاء للمسة خبزنا سد بابك == ولا فعل الا فعل عدل الميازين
ناتي بـزبزوم الطنايا رعابك == ياشفت (أبومتعب) تخلي السوادين
ضـفى خياله يـوم ضيح سحابك == وسميةٍ منها تلم الشعابين
نــو ٍ على البوقان حلوا اصابـك == يرمي اليقين وتوها نامت العين
ودهم ٍتطير ماسكر من ترابك == وقبايلك ماخززوهن بعارين
وحوشات جبناهن وصار الهبابك == ونركي على كبد الحريب المصاخين
وغادٍ دليل اللي يدور الذرى بك == عن شيخنا ياما فرق من محبين
حر ٍ ليا ضم الجناحين جابك == على دماغك ماقعك بالصعانين
مار انت خبــل"ينزع الله شبابك == قبلك لعيَين المخاليق مطنين
دونك حصاة ٍ بس عضه بنابك == ياللي تقول محير ٍ حب شاهين
واما بنو الخير ماينحكابك ==انتم مربية اليتامى القديمين
ندخل على الله ما دهمنا حسابك== انتم ضواري مار حنا ضريرين

هذا اللي اعرف منه وارجوا المعذرة .. اخوك المطني

المطني

ياملا العافيه،،،،،ماورى هذي شين

بيض الله وجهك

خزامى

المطني

لحن الوداع

انا شاكر لكم وممنون لستجابتكم وهذا اندل على شي يدل على معرفتكم واهتمامك

في القصص والقصايد الثمينه وهذا اعتبر وجود عضويتكم في هذا المنتدى ناجح ومفيد

للجميع وتقبلو احترامي

مشكور اخوي الحيمري على اثارة الموضوع0

ولي اضافه بسيطه وهي ان الشاعر هو حواس التبيناوي الذي قال القصيده

وان الجنازه اطلق سراح الاشقر بعد هذه القصيده وقال تكفيه00

فواز الغسلان شكرا جزيل يابو فهد

انت منور جميع اقسام منتدانا

اخوي الحيمري
تجد الجواب الشافي هنا وبالتفصيل

http://www.altanaya.net/vb/showthread.php?t=50001