[poem=font=",7,crimson,normal,italic" bkcolor="black" bkimage="" border="none,4," type=1 line=0 align=center use=ex num="0,black""]
دهورني الله مع المقرود=اللي سبا الحال مافاده
بأول شبابه صغير نهود=لواعنا القلب واجهاده
اموت ياسلهمت بالسود=عدي على نار وقاده
ادومبي القاع يالمجحود=يعل عشرتك ماعاده
ماترحم العاشق المسرود=رجله على الرجم معتاده
اطرق على بابك المسدود=غلاك ماينفك طراده
قمت احتري يومي المشهود=قرب الاجل حان ميعاده
حمدان ايصل نعيم العود=اللي مثل وصف جلاده
يادرهمت والنقا مردود=يزهيبه الطوق وقلاده
اعيذها بالله المعبود=ياجت مع الشعل وراده
تشوش ياركبله المشدود=من السطر تقل هداده
يازين زوله تقود القود=بعلو فيحان مداده
لادود من يحسده لادود=حظ الصيايد ماصاده
عسى الغضي يفهم المقصود=الفاتنه ليبها راده
والله مااذخر عنه مجهود=لو زاد سومه على حداده
نحاني عنكم قليل الزود=ونفسي عيوف ونقَاده
محدود عن شوفته محدود=لو حاربت عيني ارقاده
صبرٍ صبرته مهو محمود=ولا عين الخير قصاده
عدي عن العافيه مطرود=علي اصروف الدهر زاده
مظهود من سبته مظهود=كانه عن الحال نشاده
الله بيومٍ يجود الجود= يحط كفه لي وساده
في سنة الله منا مردود=مع نهج الاسلام واعباده
الشاعر: نداء الدويهم "الهجـ 112ـــــان"
[/poem]
