(جمر الغياب ) من المويهي لكم للعماش
[poem=font="Al Moharib Anbopi Ibrahim,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صديت ... لكن عيونك صوبي تناظر = وفيها لمحته حزن \ من قبله افراقي
وحسيت شي بـــ \ ضلوعي وده يغادر = كن سكرة الموت مرت عمري الباقي
قضّيت عمري احبك \ واثرك تكابر = كابرت في شوق \ حطّم كل اشواقي
كنّك معي بالمحبه داخل اتغامر = بالحظ تلعب ودمعي يحرق احداقي
المشكله ماقدرت اقسى ولا قادر = اصد ... \ وادري تبيها لحظة اغراقي
ياصاحبي كان فضّلت الجفا باكر = يبقى بك القلب ينبض لك وخفاقي
عذرت ناسٍ ولا عندي لهم خاطر = وش عاد باللي سكن حبه بالاعماقي
انتا سماي وفيك عشقي غدا طاير = عشق بدويٍ نهاره حزة اشراقي
من عادتي مـــ \ اشكي الا لخوي نادر = اللي يحس بقسى وقتي من اوراقي
اللي له بخاطري بيت الغلا عامر = عنده تصيب الهقاوي وصاحبه هاقي
اشكي فلاح الحظ \ والحظ بي عاثر = اشكي لـــ \ ابن عمّاش واعطيه ميثاقي
واليابغيت الحقيقه ماني بـــــ \ صابر = عنّه .. \ ولا الناس تشبه لحظة افراقي
الناس فــــ \ البعد تنزف دمع وتْجاهر = وانا نزيفي احسه شق معلاقي
بنْصَحْك .. \ وانتا تعيس الحظ ياشاطر = يجيك يوم وتمنى لحظة اشراقي
مازلت واقف انا !!؟ لا اْ يغرك الظاهر = ( جمر الغياب ) ايتفنن حيل بـــــ \ احراقي
[/poem]
