رؤوس الشر .. والعيش المر ...بطولة الشبت والشله

اليوم ياشطار راح اروي لكم حكاية عن الأطفال الحلوين ولأطفال الشينين للي يكذبون على أهليتهم ويحسبون ربي يبي يخليهم ....
من يبي يستمع يرفع يده ومن مايبي يطس الله لايحفظه
كان يامكان في قديم الزمان كان فيه عائله من العوائل التي نشأت وترعرع افردها في إحدى الحارات الداخلية لمدينتنا حائل ....حلوه لمدينتنا راح أكثر منه أعجبتن الثقافة إلي إنا عايشه به ...
المهم ياشطار الفلاويه
العائلة السعيدة تتكون من الأب ولام ولابن الكبر شبت والشغالة ميري ...ولابنه شبثونه ولابن الصغر شبثون وكان الشبت لابن لأكبر للعائلة لم يبلغ لأحلم حتى لان ولكنه يحلم بان يكبر ..وما على الله عسير يمكن يجي يوم ويكبر ..
كان مطيع لولديه جدا لولا شله الحارة التي تزرع الشر ينما كانوا وأعضاء هذه الشلة شله الشر وشرير هم كالتالي مصيول وشنقل وريال الفسحة ويوسف الزعيم لأكبر ولأب الروحي للشلة والمغلوب على أمره حمود الناصر التابع لها الشلة وأبو خلوف الذي ليعمل ولا يدرس وماله داعي بها الدنيا ....
وكانت هذه الشلة لها صولات وجوالات بحارتهم من أعمال لتليق بمجتمع البشر وهي التراشق بالرضم ...ألعن أم لغة ضاعت ...قصدي الحجارة
بينهم ...
وضرب لأجراس لبيوت الجيران ثم الهروب ...نوع من أنواع الشقي الله ليشقينا.....
وكذلك هواية تكسير السيارات القادمة من الحارات لآخري...
نعم نعم قبل أن أنسى ضرب البنقاليه والهنود وأخذ مافي جيوبهم من تتن أو بعض النقود الله اعلم بهم ...
وكانت هذه الشلة يعيشون طفولة سعيدة هذه بالشوارع
وكان الشبت من بينهم وكان هو الزعيم وأيضا من بينهم حمود الناصر الفتى الطيب المغلوب على أمره ويوافق على أفكارهم حتى لو لم يكن مقتنع بما يفعلون
وهكذا امضوا حياتهم بين الحواري يعيشون بسعادة ويرفلون بالشر
وفي يوم من أيام شعبان ....نادي والد الشبت الشبت .أو بالأصح سحبه من الشارع من وشوشته .وقال له: ياولدي أنت عارف إن مبقى لرمضان شي وش رأيك تصوم معنا ها شهر ولك جائزة مني وهي كالتالي """"200ريال إذا تحملت وصمت معنا......
أعجبت الفكرة الشبت وقال لولده أنت تأمر أمر ياحبيب عفوا بابوي ..وابشر بصومه بس أنت جهز ل200 أخر الشهر ...
وقال لأب لأبعد راح أشر يلك ملابس داخليه من دروش وثوب صيني وش تبي بعد...
خرج لأب لام وهو يتبسم فرحا بابنه الذي لم يبلغ الحلم..وهو يقول ابشري الشبت راح يصوم معنا هالسنه..
وكان هدف لأب سامي وهو تعويده على الصوم وجعله قدوه حسنه لآخوه لأصغر ..ولكن لم يكن هدف الشبت سامي كان منيل بستين نيله وهو ال200ريال يعني النية ماهي لله ..
وخرج الشبت ليله دخول شهر برمضان المبارك لشله ليتباهى إمامهم إنه سوف يصوم هذا الشهر بكامله وأول صيامه بكرا...1 رمضان
ولكن الشلة طالعتاه ونضارته برؤوسهم وكانت رؤوسهم كالرؤوس الشياطين ..وقال يوسف أفااااياشبت وشلون تصوم وتخلينا ..ثم نظر ريال الفسحة لشبت نظره ناقد وقال:افااا ياشبت تبي تصوم وتخلي الفمنتوا عفوا (الفمتوا)
الظهر....ومن ثما طلع لسانه إمصيول كنايه عن لاستهزاء بالشبت وقال :ياحبيبي وشلون تبي تصوم وتخلي العسكريم ...ومن ثم نظر شنقل له وقال:ياحبيبي ياشبت لاتمصع أنت ووجهك لي تقل ساطوره داقين به إعظام ذبيحة
وهنا لعبوا هؤلاء الشياطين برأسه غير حمود الناصر المغلوب على أمره وهو يقول في نفسه نو نو نو ياشبت لتطيعهم لكنه لم يستطع نطقها خوفا من عن يطردونه من الشلة...
ولكن الشبت بين والده والمكافأة وبين الشلة والذي لأحب مخالفتهم وكانت بين عينيه ال200ريال وشلون يبي يخسره علشان هال وجيه لي تقطع الرزق.....؟
وهنا قال مصيول هه هه هه هه الحل عندي وأنا ابوى هندي .....؟
تابعونا في حلقات ...رؤوس الشر والعيش المر

مشكوره يا ابلت الفلس




تعيش(ين) وتغطين على بالمختصرههه

وأنا مركى منكب عليه فيمتو بهاذا :148r:وليه ماأطريتن هاه وليه هالحين أنا ماعمرهم ذكروا الفله إلا وأنا أولهم:148r: وليه ياملا زنوبة الهندي اللي تضرب ريال مع العلبا:puzzled:

اجل ابوي هندي :a: ــــــــــــــــــ لا ووجيهنا تقطع الرزق بعد :151r: <<<<< لسان حاله يقول خلوني عليه :):)



انتا سوي لحس مخ مال انا :surprised



اللحين مراسلكم من حايل والكتابه بصيغة مؤنث :):)






اللي يسمع حتسيك يقول ماكنن على شبيثان بداية صومه :)


ابد كأنك شايفه :):)




تبيني احرق عليك السالفه واكمله خصوصاً اني احد اللي عاصروه <<<<< مصدق عمره :7ayyoh:





بالله لاتوخر علينا بتالي الاجزاء :) ـــــــــــــــــــــ ياخوفي يبي يحطم مسلسل الحلاقين :) <<<< يذكرونه وصل حروة الميتين حلقه :(



واهم شي لاتنسانا من اخر حلقه " ماشفتوه " :a: ــــــــــــــــــــــ ودي اشوف اخطاء التصوير :):)







الا سناعيس وينهو ؟؟



شكله ما انولد هكالحين :tongue:





بالله تكفى لايحذفون الرقابه مشهد اللي يوم حنا قالطينن على تمايمه :7ayyoh:







هذا ويعلك سالم :thumb:













همسه ــــــــــــــــــ بالله يالعزوه باعد بين السطور علشان نقدر نقرا انت ولون هالفجل :( !

تخبر سالفة اكتب على سطر واقمز سطر :) ــــــــــــــــــــ انت اكتب على سطر واقمز ثلاثه :tongue:




تمسمس

والله غديت وانا اقرا تقل إيراني خواله جيازنة


أنتي بينتس وبين حرف الألف عداوة؟؟؟

لعنبو طاعونتس مافيه سطر مابه حرف ولا اثنين ناقصين

أنا أبي أعرف الأبلا الهبلا اللي خالفت ظميره واعطتس درجة النجاح بالاملاء

مادري ليه مهو لايق على البنت تكون ضعيفة بالإملاء

يعني الولد مقبولة
نقول صايع بهالشوارع نقول اربع وعشرين ساعة لابد بالسطح يدخن نقول داشر تسلاب

لكن البنت وشو عذرة؟
كانت تغيب عشان تشوف فلونة الصبح
‏_‏_____________________________

أسمعي يامراسلتنا من حايل

نبي نتابع الحلقة الجاية ونشوف تاليته بس بشرط

تعطين سناعيس دور بالقصة ويكون دور مهم ومؤثر

يعني مثلا خبل الحارة ولا شخص في بداية القصة يطلع من بيته وتدعسه سيارة ويموت



مراسلتنا
شكرا عفوا على هالسالفة وبإنتظار الجزء الثاني

‏ ‏:

الشبث صار الشبت ... :3ajeeb:



والله ان الصيام لاعبن بتس :)


مراسل من ديرتي لا تعوقين علينا بالسولافتي :)


عشان ابو طروق ماتذبحوه الشفايه :)



:thumb:

[align=center]
المقرود واللي داعيتن عليه امه يجي هنا عند مهبل الفله


خخخخخخخخخخ



لعنبو بليسكم تلاقطتوا البنيه <<< ابدلعه مع انه عجيز



بس تبون الصدز


بعذركم به


بالاول

خطه تقل لون فجل على قولة مصيول


وسارقتن لون ابو طروق هههههه




يالمراسله


اعجلي علينا نبي نشوف الشبث شلون صام بأول عمره >> تسنوه مهو انا




خخخخخخخ






وتقلدوا تحيتي
[/align]

أعوذ بالله منكم كلتوني بثيابي للي يقول اخطاء لغوي مع إني كتابته بورد ومصححته باتصحيح لاملائي ولغوي من أدوات يعني الخطأمو مني من الكمبيوتر بعدين ياحبايبي ترني تخصص لغه عربيه يعني أنا صح لو كنت غلط وشهادتي تشفعلي ...وبعدين سناعسيسو أبحشرك كومبارس ممكن لانك داخل بالمسلسل بواسطه مصيول ...المهم لون الخط اخضر وش اعمل بمنتدكم لي ما يبين به خط ..الله ياساتر منتدى لونه أسود ماصارت إلا عندكم ....خلاص ولا تزعلون راح أكمل وبعدين ابو طروق كل هالحقد على علشان ما دخلتك بالمسلسل ترك أنت للي تصور المسلسل لاتزعل ياعل هالوجيه بعدك ....خلاص راح أكمل القصه شكله أعجبتكم .زبس حقوق الطبع محفوظه ....
تقهوو تحياتي

أقول انتبهي لاتكون لغة الوورد عندتس أوردو مهي عربية يا أبلة العربي

يخلف الله على بناتن انتي ابلتهن

:

هين يابو طروق انت ليش متسلط على هذا وانا امدحك وقول خووووووووووش ولد اتريك منت كفو لغتي لغه أردوا ...أنتبه ليكنن بناتك عندي بس ....وموت حرررره ماني مدخلتك بالمسلسل ....حتى لو دور خبل وتدعسه سياره ....ويموت ...........
تقهوو تحياتي