~مشكلة وهم~

والله ياجماعة الخير مادري وش اقول لكم ولاادري شلون ابدأ

موضوعي هذا المفروض احطه بمضيف هموم ومشكلات لكن قلت احطه عند ربعي اهل الفلة اللي فاهميني وفاهمهم ويحسون بمعاناتي



السالفة وما فيها نجيماتي الخمس اللي تحت اسمي واللي تعبت وشقيت يما جمعتهن

واللقب (فارس المضايف) اللي ماجا من فراغ وما خذيته إلا بعد غزوات وحروب ومعارك في سبيل مضايفنا

كل هذا يبي يروح بعد كم مشاركة وبكل بساطة إذا وصلت 2500مشاركة!

وبدال الخمس نجوم يبون يحطون لي نجيمة وحدة لا وزرقا بعد يعني ياليته الماسية كان تنبلع

وعقب ما انا فارس المضايف الذي لايشق له عجاج ابي اسير من حيالله ويحطون لي لقب (مضايف شمر)

وش هالظلم ياناس وش هالقهر
هذا بدال ما يرقوني!!!!!

تصدقون طرا علي قول الشاعر:-
(عقب الكدالك وتشكيل الفرود~ في زحمة السوق سرت امشي قدم)

والله مادري وش اسوي لكن الظاهر إني ابي اوقف مشاركاتي حفاظا على نجيماتي ولقبي اللي هن كل ما أملك بهالمضايف

إلا إذا ابوسلطان حطلي خمس نجوم زرق أو عطاني (خمس ورقات زرق) وعوضني بلقب يليق بمقامي وشخصي الكريم


بالله وش رايكم وش الدبرة

مابي احد يقول ههههههه أو خخخخخ ابي شورن طيب بهالمشكلة اللي طيرت النوم من عيني وطلعت براسي نخلة



وسلامتكن وتقلدوا تحية الشبث مع تحيتي


شفتوا من الغبن نسيت أقول السلام عليكم في بداية الموضوع

لكن يالله مع السلامة واسمحولي بالقصور

:

..
1

عمي ابو طروق

اهي اهي اهي >>مهي ضحكه بتسوه

ليه ما يرقونك

واله ودي لو يحطونك مشرف الرياضي بدالي بس انت من دخلت المضايف ما دخلت الرياضي

يعني ما تصلح بها المنصب

اتمنى انهم يحطونك المشرف العام على الفله

وياليت بعد يحطولك اربع نجوم كبار ولا تنساني معك

دمت بخير

ياملا العافية ياحمود ومبروك حضورك الأول

لاتبتسي وانا عمك وخلها بالقلب تحرق مابقى

أنا مابي اصير مشرف ياحمود الثالث
أنا مابي غير نجيماتي اللي مزينات كتوفي


شاكر لك تفاعلك وتعاطفك مع همي وعساك قوي

:

هههههههههههههههههههههههه

مالك الا حل واحد وهو اني احذف لك ميتين مشاركه من اللي بالفله
وارجع زي اول هههههههههه


شرايك احذف ؟ :)


طيب اسمع

رح لمضيف الشكاوى وتكلم قل النجمه هذي مهي مميزه
وراح تجد كل الترحيب من ابوسلطان ويمكن يكون زعلان
بهكالساعه ويعطيك باند على العلبا :)

شرايك باللي حدر اسمي ؟:)

كلن على هموووه سرى :)
زي ما قال لك ريال رح للشكاوي واكتب لك موضوع بس المشكله تكون صكيت 2500مشاركة ككككككـ

[align=center]
ياخوي يابو طروق


تجبر بالله



وشد حيلك شوين وانا ابي اطالب لك بلقبن طيب





وتقلد تحيتي
[/align]

[align=center]
خذ بدلتي مليانتن نجوم
[/align]

ياحول يابوطروق تبي تصير ملازم أول عقب (ألي فوق الثلاث نجوم ما أدري وش يقاله )

وبعدين لمنك كملت الخمس ألاف ينزلونك سلتوح همن بعد أيام تحول على التقاعد .

والله يابوطروق أني عشت معك المصيبة بس عاد ما باليد حيلة ودي أنهم أقل الأحوال يخلونك حارس أمن ،

بدل التقاعد .

تمشكرات على الموضوع ألي أحسن من منتاز .