تدرين ليه الكلمه ما تطلع

تدرين ليه الكلمة ما تطلع ..

تدرين ليه حروفي مسروقة ..

وليه الكلمة في جوفي مخنوقة..

ما تطلع ولو بالدف.. ما تطلع .. يا مطفوقة..

تدرين .. انك مثل أول والى هالحين .. مطفوقة

**********************

تدرين .. ليه الأم من صوتك تتحسس

وليه الأب عليك منك يتوجس..

سئمت الناس .. ومثلك تبلد عندي الإحساس

سئمت الصوت والصورة

رجيت الياس.. و مارجيتك.. ومن يرجي سراب مشهورة؟

ولا ودّي .. ودّي لو كنتي مغمورة..

عشان الجمر تحت الرمل أحر من لهب ناره

وانتي بعد.. بركان .. مستورة و فوّاره



*********************

تدرين ليه مثل بغداد اتسائل..

زمان أول أو هالحين ياجاهل

بين البعث.. وبين العبث.. نهر دجله يتأوه

بين الجسر .. وبين النسر .. شعب بغداد يتأمل وش سوى

شاف النور وما شافه.. وبين الشوف .. هي الغيمة أو النوة

تدرين .. ليه الكلمه ما تطلع .. عشان عيون .. مثل عينك ما تدمع

ياسمي السراب ما عرفتك من عرفتك.... وما تبيّن لي بغضك من غلاك


كلما بشرت نفسي بالحياة بشرتني صحبتك بالهلاك


ياشبيه الظلام.. جامع(ن) قمرا وشيطان وملاك



ليت منهو يجهلك .. ليت منهو نساك

**********************************

مــــا ألومك.. لو ضحكتي ضاحك(ن) معك القدر


مـــــا ألومك يا أميـــــــــــــــــــــــــره.. لو تخيرتي أسيرك بين كهل(ن) وغلام


حـــــــــــــــــــــــــــــاشــــــــ ــــــــــا لله الملام..


يهتف المقــتول باسمك


معجبك حكمـــك وقســـمك ..



من تجــــــــــــــــــــــــرأ بالكـــــــــــلام


ترفع الأيـــــــــــــــدي لأجلــك..



فلتعيــــــــــــــــــــشي يا حمامــــات السلام

يالضمير الغايب ليه محذوف ... و كيف انحذف في زمن كله أقوياء

من سأل وشلون خلوه الضعوف ... يرتشف فنجال الشهاده مع الأغبياء

ماغدر بك يابعد حي غير الحروف... لعنبوا حرفن غدر بك دون الخوياء

من يقول ان الحرار مثل الخشوف... ومن يقول ان المصابين اسوياء

عشت يا نجمن تعالى عن الجروف... لو حثاك الخد انت مع الانبياء