ناجي سعد الصندلي السبيعي مواليد 1358 في الاملح من
ضواحي مدينة رنيه 00
عاش 45 سنه بحايل وعندما كبر بالسن عاد الى رنيه ولكنه
لايزال على صلة في حائل واهلها لاسيما ان اولاده بقوا في
حائل التي ولدو فيها وعاشوا حياتهم في ربوعها00
وهو شاعر مخضرم من طبقة عبدالله بن عون وبدر الحويفي
ورشيد الزلامي ومن هو في شاكلتهم وشعره قوي وجذاب وله
مذاق خاص لايشاركه فيه احد وقد كنت استمع الى اشعاره عن
طريق ابنه محمد الذي يحفظ جميع اشعار والده فتأسفت لكون هذا
الهرم الشعري المخضرم لم يجد شعره للنشر سبيلا على الرغم من
جماله وروعته00
مثل قصيدته التي ارسلها الى عبدالرحمن الخويتم ومنها:
[poem=font=",6,black,bold,normal" bkcolor="white" bkimage="" border="none,4," type=2 line=0 align=center use=ex num="0,black""] على حد الهباج من الزراجي=رقيت بمرقبن عال المحاجي
طويلن شامـخـن شــم عـمـرد=كما قـال الـرشـيـدي بالنتاجي
يزل الريح من عـالـي ركونه=زليل النبع من تحت الملاجي
مهيفن هـايـفـن فـي جال قاره=ملاذن عن معاصير العجاجي
رقيته واعـتـلـيـت بحـيد راسه=بكهفن يفرح بشوف الزراجي[/poem]
وذات يوم كان معه حمود صالح الفنخان معه بمشار وتهيض قائلا:
[poem=font=",6,black,bold,normal" bkcolor="white" bkimage="" border="none,4," type=2 line=0 align=center use=ex num="0,black""] ياحمود وصلني مشارف بزاخه=با اويق في روس الهضاب المشاديخ
عيطاء مراقيها عـسـار ومداخه=في عرضها بيض الدغادغ مفاريخ
باشرف عـلـى حـي بعـيد مناخه=وراء العدام ويم ذيك المرابيخ
عسى السحاب الغر يسقي رخاخه=تنوخ عليها غر الامزان تنويخ
حتى يجي لام الحوار الـدمـاخه=في حاجرن فيه الخزاما مشاليخ
وجدي عليهم وجد راعي مـشـاخه=ربعه قليل وفلسوه المطانيخ
ينوض بالجـنـحـان والوقت ناخه=وتوطته جرد اليدين المجاويخ[/poem]
وله قصيده موجهه الى عبدالله بن عون ومنها:
[poem=font=",6,black,bold,normal" bkcolor="white" bkimage="" border="none,4," type=2 line=0 align=center use=ex num="0,black""] رعى الله رجمن ربع الاحباب قاسمه=وطاه الزمان ولا بقى الا مراسمه
تقافن عـلـيه احـداث الايام وانـدثـر=عليه غراب البين بالنحس واسمه
لحى الله يـومـن فـرق الشمل بيننا=ولحى الله دارن عقب الاحباب عاسمه
تخـيـلـت بـيـتـن لـلـسـديـري محمد=ياكن فيها ساعة الحـشـر حـاسـمـه
الا يـاربـوع الــدار وراك هـكــذا=وانـتـي مـن اول للمحـبـيـن باسـمـه[/poem]
وقصيدته التي وجهها الى زيد السماري من شيوخ عتيبه في بلدة
دغيبجه شمال الطايف ومنها:
[poem=font=",6,black,bold,normal" bkcolor="white" bkimage="" border="none,4," type=2 line=0 align=center use=ex num="0,black""] مضى الليل كله مابقى منه كود ادنى اش=وانا ابيع في سوق الهوجيس واكتالي
خسرت وربحت وبعـت بالغايـبـه والكاش=طلع ربع الاربع ناقصه ربع روبالي
توارد عليه من الـخـزايـز وهـن عطـاش=ولا شـرعـن فـي حـوضهن كود نهالي
اصفي جواهرهن ذهب واعطي القـمـاش=من اللي بقى واللي بقى تول وحثالي
بعد ماصفى الصافي فتح للمجـال قراش=سـيـاجـه حـديـد وبـه كـوالين واقفالي
وبعد مامضى هـود مـن الليل يالخـمـاش=توكل على الله وانت ياسيف مرسالي[/poem]
وله قصيده غزليه جميله ومنها:
[poem=font=",6,black,bold,normal" bkcolor="white" bkimage="" border="none,4," type=2 line=0 align=center use=ex num="0,black""] قـطـعـنـا عـلـيـه ديار شمر ودار مطير=والصبح بدري ديرة سبيع قربها
صوت المراوح والكتاوت وحس السير=خلاخيل عذرى عندها من يلاعبها[/poem]
ويبقى هذا الشاعر من اعلام شعراء حائل الذين عاشو في ربوعها
واثرو الساحه الشعبيه بالشعر الجزيل القوي الذي يسير على النهج الاصيل
والبعيد عن حداثات هذا العصر000
