سامرية جديدة

السلام عليكم ورحمة الله وبركاته

سامرية جديدة للشاعر : ثامر الحمـــــارسي الوبيري [poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]



سيدي يا سيد سادات البشر = يا صخيف الزول ملهوف الضوامر

يا شعاع الشمس يا نور القمر = يا بدر يا كوكب بالليل سامر

يا زهر بستان يسقيه النهر = يا ربيع الكون يا ريف المضامر

اشتكيلك صرت نقطة بالبحر = يعني ان الموج غطى فوق ثامر

والمهم اليوم يا جاك الخبر = تفهمين العشق للعشاق دامر

ارفقي بي مل جفني من السهر = خوفي الله شوفي عيوني مجامر

واسعفيني قبل اموت من القهر = بددي الهم اللي بالصدر كامر

ليه قلبك قاسي مثل الصخر = ما يلين ولا يعين ولا يغامر

وتشرهين ابقى معك طول الدهر = واعتمد بامرك لتنفيذ الاوامر

ما تحسي حسي احساس الوتر = واختلفتي يوم زمر كل زامر

ما يعيش الزرع لا فات المطر = العوض بالله مهو بالعون عامر

والهوى استثمار والعشق الثمر = غامري بعمرك وانا بعمري بغامر

شاركيني بالسعادة والكدر = لا تخليني لحالي بوضع دامر

حسسيني بشي يلفت للنظر = واشرحيلي كيف جمر الشوق جامر

انزلي بالارض عن سطح القمر = خلي العالم وصدي يم ثامر

قدري لوعات ظرفي والسفر = واذكري كم ليله بالخط مسامر

لعنبوك ارجوك لي حول الشهر = تقبلين ابقى مدى عمري مغامر

ما يدوم الظلم يا الريم العفر = واعرفي ان الظلم تسانه دام دامر

ما يصير اتعب واعاني من السهر = يوم وضعي شان وضعك صار عامر

السلامة لك وانا لي الخطر = زعم انا المامور وانتي زعم الآمر

اسمعيني عاد ابعطيك الخبر = خاف اموت ولا فهمتي قصد ثامر

احفريلي قبر عندتس بالحفر = وادفنيني ميت مستشهد ضامر

واكتبي قصة وفاتي للبشر = خلي خلق الله تعرف العشق دامر [/poem]

عز الله خوش سامريه
صح لسان اللي كتبه واالي نقله << السجع يأتي من اولوياتنا:)

عزالله مبطين عن السامري:za3lan:

كل التحية لك يالعزوه
احمد الوبيري

صح بدنك يا العزوة

متى تعرس نبي نترنح لنا شوين
عنديلك سامريات يحبهن قلبك

مشكور على مرورك يا الغالي

بيض الله وجهك ياسعدون على هالنقل لشاعرنا ثامر ال****سي وياليت ياسعدون ولاعليك أمر


تجيب لنا قصايد لثامر الحمـــآرسي وأعزموه بهذا :)






أحمد تبي تلعب سامري أنت وسعدون متهيضين هالعصر :315r:



يااعرست ان شاء الله اعزمكم عقب عشر سنين :qannaj:

يا لبى شدوقك يا يوسف

اعرس يا البناخي ترانا متحدين هههههههههههههههههه

مشكور على المرور يا العزوة

صح لسان الشاعر
وتسلم يدين الناقل

زميلي الجوف
مشكور على المرور

صح الله لسان الشاعر ال****سي
.........
.............. ياسعدون (( اذا اعرس يوسف نبي نقوم الرزفة ))
؛؛؛؛؛؛؛ بس ماهقوتي يسويه ,,,,,,,,,

منيف
عز الله يبشر باللي يقوم عرسه

بس هو ما يبي العرس هههههههههههههههههههههه

مشكور يا العزوة على المرور