السلام عليكم
ومساكم الله بالخير
قصيده رائعه قرأتها ولا ادري منو شاعرها فقلت امتعكم بها وينورنا الي يعرف شاعرها بس الي
اعرفه انه شمري لان من القصيده مبين
اترككم مع الابداع
يابنت يلي فوق كفوفك نقاريش
بالله كلمه يالغضي تبري الجاش
قالت ودون مواخذه بس معليش
انا اصيله وانت مدر من اياش
حتيش لو الشعر مغويك حتيش
مدريب الجد ولا على ماش
قلت اشربي من علم يروي المعاطيش
لاوالله الا جيت اورد لها كاش
ربعي ليامن قابل الجيش للجيش
كم عجتن في ساحة الموت تعتاش
وربعي ليامن طوحن اللواليش
يردون حوض الموت عجلين وعطاش
ربعي وربعي مرويين المرابيش
وكم واحدن من ذارف الدم طشاش
يوم الردي جنبه على مسند الريش
مكسب غنايمهم على روس الانماش
يالعنبو دارك ليا قلت ياغويش
خطلان الايدي يوم يقصر بها الاش
ربعي طنايا كالسباع النواهيش
ياما حكمناها من الطاش للطاش
حنا عيال الطيش في ساعة الطيش
زهيد بعنا الروج للمجد ببلاش
نتعب عدانا يوم شيل النواعيش
وكم شيخ قوم ليا طعناه ماعاش
شمر ليا هاج البحر مالهم قيش
لهم ملبيس الفخر تاج وقماش
ريف الركايب بالمسا والمغابيش
والضيف له بعيوننا لحاف وفراش
وان شح بيدين الملا لقمة العيش
ضيفانا تقلط على حيل وكباش
نفرح ليا شفنا زوال المطاريش
والشمري شوفه الضيف يهتاش
جتك العلوم الصامله دون تشويش
تاريخهم يابنت مثل ابيض الشاش
نقشت حرف المدح بالشعر تنقيش
تقل عقود اللول بيدينطواش
وان كان عندك شك يابوعكاريش
انشد . . وتلقا العلم مع كل مطراش
