...العمر خمسين ... نصيحه

رائعه


ومعبره

[poem=font=",6,white,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يالعين صيري دايم الدوم تبكين =على مدار أربع وعشرين ساعه
ارثي لعمر فات و انعيه يالعين =و ابكي على ما فاتنا من طماعه
اليوم كملتي من العمر خمسين = تلعبك اوهام الغرور ومتاعه
يا ما خدعنا الوقت بالمظهر الزين = و اليوم ياعيني عرفنا خداعه
ما ندري إن الوقت له باطن شين = الا بعد ما قام يسقط قناعه
و ان ما انتهزنا تالي العمر فالدين = ولا خسرنا ما لنا من بضاعه
باقي العمر في علم رب الثقلين = تماكني تاليه قبل انقشاعه
مع هجعه اوباش الملا لا تهجعين = احيي الدجا ذكر وتوسل وطاعه
اليا بقى ثلث ومضى منه ثلثين =وقت يربح باذرين الزراعه
لا ناموا اللي فالملذات لاهين =تضرعي لله باكف الضرعه
ويا الاذن في قول الخنا لا توحين =والذكر والنصح انصتي لاستماعه
اليا استمعتي للذكر و الصحيحين =يصير عنك ضد غيره مناعه
و يالرجل لوحيتي الندا لا توانين =اليا دعا داعي صلاة الجماعه
وياالنفس مع درب الهوى لا تميلين =بيعيه مثل اللي زهد به وباعه
الخمسة الاركان لازم تلبين =بتوحيد و اخلاص ويقين وقناعه
عسى بتال العمر ثقل الموازين =كود يتعوض ما مضى من ضياعه
سالين كنا دايم الدوم حيين =ولا دامت الدنيا لراع الشفاعه
والانبيا والاوليا والسلاطين =و اهل المروة والكرم و الشجاعه
العبد مهما عمر أحقاب وسنين = له ساعة فيه يطوي شراعه
يرحل وخلانه وربعه مقيمين = وتثير فرقا الشمل بعد اجتماعه
وصلوا على المبعوث جد الحسنين =ما نبت من نبت وما ازهر طلاعه [/poem]


--------------------------------------------------------------------------------

جزل ولتجيب الا الجزل يابن جعيثن
وصح لسان قايلها ....

وتراني شرهاً عليك يالغالي ......
انت من الناس اللي يهمني رايهم,, وأعدك أخ كبير بالنسبه لي وأنزل قصايدي وتمر مرور الكرام لاتعليق ولاشيء الله يعافيك مع أني ويعلم الله أني اتلهف لتعليقك وتعليق أي شخص يقرأ قصايدي ....
مع ذلك تبقى لك مكانتك يالغالي وأخ عزيز وغالي طال عمرك,,,,,

تسلم مجدداً على هذه الرائعه اللي اتحفتنا فيها بصراحه وصح لسان قايلها..

تقبل تحياتي
((عبدالله بن غيث))

عبدالله الجعيثن


سلمت يمينك على هالنقل


قصيده شامخه

صح لسان شاعرها

صح لسان الشاعر نصيحه رائعه وباسلوب
جميل جدا ..


\


لاهنت يابوغازي

اهلا وسهلا بالاخ عبدالله

كعادتك متميز في نقلك :thumb: ابيات تحمل في طياتها الكثير من الحكمه ..


تحياتي لك
شموخ