قصيدة وقصتة

السلام عليكم ورحمة الله

اخواني رواد هذا المضيف بقيادة الأخوين خلف الرويتع و طلال صعفق الزحيم


احييكم كلن بسموة ,,,

من مبطي يوم انا وغد سمعت قصة وقصيدة من بعض الشيبان

ويوم كبرت الشيبان الله يغفرلهم ....

ودورت عليه ولا لقيته لا بالكتب ولا المراجع اللي مرّن علي

ونا حافظ بس بيت ولاني متوكد منه..

القصيدة اللي ادور عليه راعيّه مات على الشداد يوم قاله...

البيت يقول بزعمي انه هاللون

وش هقوتك مداد من نقرت ايوب 00000 ماتهقى يمسي حول الغزالة



اللي يعرف عنه شين هي وقصته يسعفن به


تحياتي وشكري لكم



اخوكم ابن جشعم

اخي ابن جشعم

ابشر غالي وطلب رخيص انا سمعته وهي موجوده عند واحد من الشيبان
وهي قصه ابن هذيل عندم مات قهر عندم سمع قصيده وحيشه الشمريه

تسلملي والله يابو رويتع

ايه هذي اللي ابيه

اسعفن به يابعدي

اخي العزيز ابن جشعم هذه القصه التي طلبتها
وهي قصه ابن هذيل

لقد مات قهر واسباب ذلك ان وحيشه الشمريه ارسلت له هذه القصيده تنخاه على العربان الذين ضايقوهم على مراعيهم بسقف جنوب حائل


[poet font="Arial,16,black,normal,normal" bkcolor="" bkimage="http://www.altanaya.com/vb//backgrounds/14.gif" border="double,4,gray" type=0 line200% align=center use=sp char="" num="0,black"]
قالت وحيشه ياملا وليه ما شيب **** ألشيب انا أشوفه على قذلتي لاح
يا غيبت ابن هذيل يا غيبت الذيب **** ياعقاب مرقابٍ على مذرفه راح
يراكبٍ حمرا تجيبه تحاضيب **** تجدع يديها تقل زناح
حمرا هميماً من خير المناجيب **** اكواعها عن لمسة الزور طفاح
حمرا لينيشه بروس العراقيب **** اسرع من الشيهان لاشاف ملواح
ركابها من عزوتي منقع الطيب **** ضد الحريب ليصاح با لنزل صياح
أربع ليال صدق ماهي تكاذيب **** تلفي على إبن هذيل كساب المداح
قل يبكيك سقفٍ يا ذعار الاجانيب **** يضوي عليه من الشعب كل مصلاح
جانا ضعنهم مع دبشهم جناديب **** صار الخطاء منهم علينا بالارواح
عجل علينا يا حصان الأطاليب ***** يلي مركابك على الخيل مسراح
من خشم عرنان لريح تدريب **** حامينها العصلان في عرض الارماح


[/poet]


وعندما وصلت القصيده الى فايز إبن هذيل وكان في العراق في مكان يقال له نقرة ايوب


[poet font="Simplified Arabic,14,black,normal,normal" bkcolor="" bkimae="http://www.altanaya.com/vb//backgrounds/43.gif" border="double,4,gray" type=0 line=200% align=center use=sp char="" num="0,black"]
وش هقوتك مداد من نقرة أيوب
يالربع مايمسي حوال الغزاله
فوق أشقحاً طلق الذراعين مرعوب
أسبق من الشيهان معلف عياله

وبعد ذلك حط راسه على الشداد وهي الحطه ومات من القهر

اخي ابن جشعم ارجو اني قد وفقت بذلك تقبل تحياتي

[/poet]

الأخ خلف الرويتع



عزالله انك وفّيت وكفّيت وبيض الله وجهك وكثر الله من امثالك


والرجل المناسب بالمكان المناسب


مشكور على تجاوبك معي وعلى تعبك يالعزوة


هذي اللي ادور عليه من هكالحين ومشغلتن مخّتي


تسلم يالغالي

وهذا اللي اقدر اقوله


تحياتي لك

ما قصرت كما هي العاده يابو/ عتيـــــــــــــق

أذا تكرمت منينهو أبن هذيـــل ومنينهي الشمريه ( من اي فخذ) ومن هم الأعداء.

السالفه مثّمنه لذلك ودي أعرفه كامله.

جهودك في هذا المنتدى لا يعلى عليها. أتمنى لك التوفيق.

للجميع التحيه: مخيــــــــلب

اخي الغالي

ابوعتيق

بيض الله وجهك وفعلا الرجل المناسب في المكان المناسب

وهذا العشم يالغالي

مشاركه رائعه

والبركه باخي ابن جشعم لانه هو السبب بعد الله في اتحافنا بها

......ورحم الله اهل النقا وهذه الحميه الحقيقيه

............

رداً على اخي مخيلب

ابن هذيل من العمود من شمر .

تقبلوا تحيات اخوكم الصغير

ابوسلطان

السلام عليكم ورحمه الله

اخي العزيز مخيلب اسف على التاخير كنت مسافر وتوني راجع

رداً على اسئلتك كما قال لك اخي العزيز الراسي بشير ابن هذيل من العمود اما صاحبه القصيده هي وحيشه الشمريه ( او المشلحيه حسب ما سمعت من بعض كبار السن ويمكن المشلحيه يكون اسم عائلتها وقد سمعت من احد الروات انها من الدغيرات وقد تكون غيثيه ارجو من جميع الاخوان او من يعرف عنها شي اتعقيب واضافه المعلومه الحقيقيه
اما العربان الذين ضايقوهم على مراعيهم فهم من قبيله عنزه

الاخ خلف الله يعطيك العافيه انت والشباب الي معك.
نعم كل ماقلت صحيح اما وحيشه المشلحيه فهي من الدغيرات من الحسين من عبده ولها قصه ثانيه وهي دليل على ان فيه علاقه جماله قديمه بينهم والدليل هذه القصه
عندما اتو مضعنين اي (انهم رحيل) وكنت وحيشه راعية غنم تمشي خلف اهلها ولما رات قبور العمود ذبحت عند كل قبر ذبيحه ولم يبقا معها غير القليل . وعندما وصلت اهلها شاهد ابها ومن كان عنده من الحضور الناقص الواضح من غنمها فقال ابوها للحضورترو وحيشة ذبحت عند كل قبر ذبيحه. فلما قربة سالها والده عن باقي غنمه وهل ذبحتيها عند قبور العمود فجوبته بهذه القصيدة:-

يعيال يالي بالزبارة جلوسي *** يالي على غبن الليلي مقيمين
ربعاً لاهلنا يوم خبث النفوسي *** ربعاً لاهلنا من قديماً وغالين
وهي اطول من ذلك, وهذا على مايدل ان فيه جماله قديمه بينهم



اخوكم الراوي

والله يحفظ الجميع

الاخ خلف الرويتع

الحمد لله على سلامة الاسفار

بيض الله وجهك ووجوه كل الحاضرين



اخوكم الحربي