ياطير يلي بالجناحين رفاف

سلام عليكم هذي أول مشاركة عندكم بالمضايف
ودي أخذ رايكم بقصيدة من محولاتي الشعرية
ويليت ماحد يجامل أبي رايكم بصراحة


ياطير يلي بالجناحين رفاف
مانكلك غبن الرجال المسافير
ياطير يلي بالسماء تقل حياف
الذايرة حيلك لاوصيك يامغير
يطري عليا كفختك تقل كساف
حست الحباري كلها كالمغاوير
تبري هوى قلبن من العشق ملهاف
قلبن تولع كيف ياكيف بيصير
صبرن صبرتة مايشيله بسياف
صبرن ثقيل ثاقلوه المناعير
ومالوم عيني لغدت تقل جفاف
بعذرها من سكب دمع المعابير
على وليفن والف الروح ولاف
وغلاه عندي مايقيس المعايير
أم العيون الي كما عين مرهاف
تجرح صويب القلب جرح الخناجير
وخدودها من ناعم الجلد لاجاف
أبيض ****ن دوروه المسايير
وردوف ردفن رادفاتن بمرداف
لوجست من ثقل حمل المعاسير
منحوف خصرة كما دق نحاف
ولا كما دله بجال المصا فير
ولا كما غرون تغنج بالاطياف
سادت وجادت فوق كل المشاهير
أم الجديل الي كما موج هداف
وليا تمايل مد موجه مجازير
منعومه الكفين حلو المهياف
ورمان جوزن ماتفارق مباكير
يالعنبو سيدي وسيدة ياسناف
وشلون خلن ماتعاشر معاشير
ودي بشوفه يازمن ليه كلاف
ودي بها نسرح و نرعى المغاتير
ونعلم الخلان حياة من لاف
في روض ربلن والخزما مزاهير
حوله قاعن قفر مابه مطياف
غضى ورمثن مد شوفك مخاضير
ودلال بغدادن تشخل بالالياف
صفوف صفن تقل صف الطوابير
يالله ياعالم بخلقك والاصناف
أنصف سهيرن طال ليله مساهير

صح لسانك,,, وياهلا ويامرحبا بك بيننا يالغلا


يامرحبا ترحية تسبق الفار====لاصار في دربه ثلاثين بســه

وقصيدتك يالغلا روعه كبدايه جداً جيده وفالك التوفيق بس نصيحتي لك كثرة الأطلاع على قصائد الفحول والاطلاع على معاني الكلمات اكثررررر,,
والمبادره منك على كثرة الكتابة الشعريه وعدم الاستسلام ....
قصيدتك هذي حلوة لكن تعاني من نقاط الضعف الشعريه ((الوزن))((الحشو))((جبر الكلمات على حساب القافيه)) ,, مع أني متأكد بأنك قادر على أن تتخطا هذه النقاط..


أتمنى لك التوفيق من كل قلبي....
تحياتي
((كحل المحاجر))

الله يعطيك العافية
وما قصرت

يس ياليت توضح الابيات المكسورة

الله يعافيك يالغالي ويوفقك ...

أنا ماوضحت أبيك انت تجتهد يالغلا..
بس عندك مثال هالبيت
في روض ربلن والخزما مزاهير
((حوله قاعن قفر مابه مطياف))
هذا مكسور يالغالي

والله يوفقك يارب والله أعجبني قدومك وأصرارك أتمنى لم التوفيق من كل قلبي
تقبل تحياتي