مدينة المحله بعد ان اسقطت صورة مبارك تدفع ثمن الاضراب وحدها وتتصدر الصحف العالميه
http://www.masrawy.com/News/DynamicServices/PIC/4.jpg
لم يمر اضراب 6 ابريل فى مصر بسلام
لقد دفع ثمنه اهالى المحله
واصبحت من وجهه نظرى محاصره مثل غزه
بعد ان اصبحت مدينة المحله خلال يومين حديث الجرائد العالميه
ولا اصدق ما يحدث فيها ولن يصدق احد ان هذه المدينه هى ثالث اكبر مدينه بعد القاهره والاسكندريه
وان الوضع اكتر من خطير
http://www.masrawy.com/News/DynamicServices/PIC/7.jpg
يروى احد سكان مدينة المحله مشهد لن ينسااه
موقف لن انساه طول عمري حصل النهارده الساعه 5 مساء في اكبر ميادين المحله .اكثر من عشرين الف متظاهر يلتفون حول قائم من الصلب يحمل صوره ضخمه لحسني مبارك بالحجم الطبيعي ويحاولون تحريكه من مكانه وذلك في حراسه خمسه الاف فرد من الامن المركزي ومباحث امن الدوله والمخابرات.وفجاه تحرك القائم الصلب وبدا يتهاوي ببطء ومعه تسقط الصوره في سيناريو شديد الشبه بسقوط صوره صدام حسين ومع سقوط الصوره بعنف سمعت صياح عشرين الف مصري في وقت واحد وساعتها حسيت بفرحه ورعشه في جسمي كله وذلك في حراسه رجال الحكومه لانهم بيخافوا بسرعه جدا وده اللي اتعلمناه اليومين اللي فاتوا وصدقوني اوعوا تخافوا منهم بعد كده .صاحب القضيه دايما بيبقي اقوي.المهم اليوم اسقطت المحله صوره اكبر راس في البلاد ورمز الفساد ولله الامر من قبل ومن بعد ولا حول ولا قوه الا بالله وسبحان الملك
لا تصدقوا الافتراءات بان المتظاهرين يقومون باعمال شغب
فالكثير يروى ان الشرطه هى من تستفزهم للاحتكاك بهم
احنا مش عاوزين غير انهم يوقفوا العنف ده بدل ما الوضع يسوء الى اكثر من ذلك
ياريت حد من المسئولين الكرام يحل مشاكل الناس البسيطه ده بدل ما يقتلوهم
بلغ عدد المعتقلين فى اليوم الاول 181
وفى اليوم التالى 150
ده بس الارقام الى صدرت رسميا واعتقد ان الحقيقه اكثر بكتير
وذكرت الاخبار ان الامن استخدم الغاز المسيل للدموع بالاضافه للرصاص المطاطى
واصابة اعداد من المواطنين وافراد الامن و وفاة صبى بعمر 15 عاما
http://www.masrawy.com/News/DynamicServices/PIC/19.jpg
تحياتى الى اهل المحله بالرغم من احتمال ان يكون وراء الشغب ايدى خفيه لكن يكفى انهم لم يستسلموا وهم وحدهم يواجهون الامن بالحجاره
حسبنا الله ونعم الوكيل
مصدر الصور والخبر www.masrawy.com
