بعض قصائد الشاعر خلف المشعان .......
بسم الله الرحمن الرحيم
امل ان تحوز هذه القصائد على اعجابكم
القصـيدهـ : (( هذا جزايه ))
ياخالـد الشتفـان .. قلـي وش الـراي
ماغيـرك لياحتـرت .. دورت رايــه
رايك سراجي .. فـي دهاليـز ظلمـاي
قبل الشعـر يبحـث خفـاك .. وخفايـه
كنت اول اللـي يقتنـص لـي خطايـاي
بس آخـر اللـي .. يفرحـون بخطايـه
ياكثر مااشكي لك .. وتسمـع لشكـواي
وياكثـر مااشقيتـك ، بسـبـة شقـايـه
قلبك على قلبـي .. وممشـاك ممشـاي
كـم لـي بقلبـك ماتزحـزح .. غلايـه
بالرغـم .. مـن كثـر الرفاقـه بدنيـاي
إلا أنك اصـدق ، مـن يلبـي .. ندايـه
يامحزمـي بالوقـت الاقشـر ويمـنـاي
يااعـز مـن يدفـع.. رضـاه لرضايـه
ماجيت أغني لـك لجـل تسمـع غنـاي
ولاجيـت أبرهِـن بالقصايـد .. وفايـه
جيتك لأنك عـارف أقصـاي ، وادنـاي
وابخص من عيونـي بشـوف اخويايـه
تعبت ياخالـد .. وجيتـك مـن اقصـاي
تايه .. ولاني عـن نصايحـك .. تايـه
مرات أحس القاع .. تضحك على اخطاي
ومرات احس اخطاي .. تضحك ورايـه
ماعدت اميز صف ربعـي مـن اعـداي
ياكم .. عـدوٍ .. كـان أعـز اصدقايـه
ماكـان يحلـم فـي حياتـه بلقـيـااااي
وأقصى طموحـه يـوم يمشـي معايـه
واليالتقابي .. واكتشف طيـب ملقـاي :
رقى علـى متنـي .. وهـذا .. جزايـه
مافادنـي ظنـي وطيبـة نـوايـاي ..!!
صرت الوسيلـه .. بعـد ماكنـت غايـه
ياخالـد الشتفـان .. قلـي وش الـراي
ماغيـرك الياحتـرت .. دوّرت رايــه
-------------------------------------------------------------
القصـيدهـ : (( عرفت وجيـهـ ))
ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حزه
ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه
ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه
ورجلٍ .. بليّا ما توصيـه .. كـزه
من لا فرش .. للمرجله .. ماتغطيـه
ومن لايخز .. الناس .. محدٍ يخـزه
ان كنت تعرفني فهي .. عرفة وجيه
مو شرط لك بالقلب قدر .. ومعـزه
------------------------------------------------------------------------------
المخـــيـــلــه (( من أجمـل قصـائد الشـآعـر ))
إن كنت تنشـد يالمسيكـي .. عـن الحـال ... مالـي علـى .. كتمانهـا عنـك .. حيلـه
الصبـر عـن بـوح الاحاسيـس .. قتـال ... والبـوح فـي بعـض المواقـف ، فشيلـه
لـو كـل مايطـري علـى البـال ينقـال ... ماكـان شفـت ان الثقيـلـه .... ثقيـلـه
ابطيـت اكافـح ضيقـة الـبـال بالـبـال ... وادفـع بـلا .. هاجوسهـا كـل .. ليلـه
ليـن اقبلـت مثـل .. السحابـه بهـمـال ... تشفـي غليـل اللـي .. تـزايـد غليـلـه
طاحت ، ولاْوفـق مـن حنايـاك منـزال ... وابطلبـك .. يابـدر ( تكمـى ) المخيلـه
ان قيل ترعد .. قلهـم : صـوت زلـزال ... وان قيل تبرق .. شـف لهـا ادنـاة حيلـه
مابـي .. تناقلهـا هـل القيـل والـقـال ... وتصيـر مـن بعـد القصيـره .. طويلـه
يابدر .. ماني عال .. لـو صحتـي عـال ... شفنـي مـن الصدمـات نفسـي عليـلـه
اشيـل حمـلٍ .. لـو يشيلنـه .. جـبـال ... الله ، وامانـه .. غيـر تصـبـح نثيـلـه
أرمي .. من هموم الزمن .. واسحب أدبال ... وانزل عن ( الجوكـر ) وغيـري يشيلـه
من كثر ماشفت بحياتي مـن انـذال .... !!بديـت اشـك ان النـذالـه ... فضيـلـه
ماطاح من عيني رجل ..!! طاحوا .. رجال ... ورجـال ( يابـن حنيـف ) ماهـي قليلـه
اقرب من اللي قالهـم ضمـن ماقـال .. : راكـان بـن حثليـن .. راعـي الجزيلـه
( هذا .. ولد عـمٍ ، وهـذا .. ولـد خـال ... وهـذا .. رفيـقٍ مالقيـنـا .. بديـلـه )
سبحـان منهـو يابـد غيّـر الحـال ..!! وحـط الجفـا بيـن الخليـل .. وخليـلـه
هـذا الزمـن يبغالـه .. لسـان دلاّل .. !مـن يستحـي هالوقـت .. واعزتـي لـه
وقتٍ به ( الراعي ) غدى .. راعـي دلال ... كلٍ علـى طاريـه .. ينفـض شليلـه ..!!
ومن كان ساسه للـردى مضـرب امثـال ... اليوم .. يحسـب مـن كبـار القبيلـه ..!!
المال .. يابن حنيف ملعون .. ابـو المـال ... ذل العزيز .. وعز .. نـاسٍ ذليلـه ...!!
----------------------------------------------------------------------------------------
(( القصيدهـ : المبخرهـ ))
مافي جديد الا انها .. صارت مثل حـارة عبيـر
المومس اللي تبترم .. عصم الشـوارب حولهـا
ماحولها الا بيّها شايب ، ومشلـول ، وضريـر
من قلة الوالي .. إذن .. تفعل كمـا يحلـو لهـا
قَلّت حياها .. وارخصت حسنٍ وهبها الله مثيـر
من ملعنتها لا مشت ( ترفع طـرف مريولهـا )
من شافها يشهق نفس.. يرجع مع الزفره صفيـر
ترمي الطيور من السمـا يـوم اتخايـل زولهـا
مثل المها .. لكنها عكـس المهـا .. ماتستذيـر
كل من يسره طولها .. سهله .. عليـه يطولهـا
ماكنهـا الا مبخـرة وسـط المجالـس تستديـر
استغفر الله عن خطا كلمة .. بغيت اقولهـا ..!!
يبلغ عدد عشاقها جيـشٍ مـن المرضـى غفيـر
لفّـت عليهـم كلهـم .. ماقصـروا .. غنولهـا
من مصطفى فهمي إلى أن ( صلّعت ) باحمد بدير
حَسبت نفسي بالحَرَم .. مـن كثـر مالبـو لهـا
لبيه يااحلى ( غندره ) لبيـه .. ياالكـم القصيـر
احدٍ فدى شرّابهـا .. وأحـدٍ فـدى .. لنعولهـا
ول قبح الله من ردت نفسه على شروى ( غبير )
المومس اللي بينهـم .. قامـت تـدنّ حجولهـا
مافي جديـد بغيبتـي الا انهـا احسـن واخيْـر
من جيةٍ تبحث خفـا الصاحيـن ، قبـل خبولهـا
-------------------------------------------------------------------------------------
(( القصـيدهـ : موجـز اخـبـآريـ ))
حَكَوْ .. مات الفلس .. لكن أشوف ان الفلـس مامـات
مدام اكثر شعوب الشرق الاوسط .. للأسـف ضـاري
أسف ماهو على ذنب وخطايا .. لأ .. أسف حسـرات
.... اخاف أتجرّأ ..ويجري عليّه .. ماجـرى لجـاري
لنا بامجادنا مغنـى ..... عـن الصـولات والجـولات
. تكى كلٍ على مجده .. ولحـدن عـن .. أحـد داري
على قول البدو ( هي هي ) .. سوالفنا عن اللـي فـات
نعيش بعزة أسـلاف ٍ .. تطيـح .. بموجـز اخبـاري
" فتاةٌ .. تغتصب بارض العراق " .. ونحسن الانصـات
.... نتابع باقي الموجز .. تقـل ... ماللخبـر طـاري
بعدها .. نقلب الموجه .. ونسكت .. ( مالها الا سكات )
اساسا لو ( صلاح الديـن ) عايـش يسكـت اجبـاري
وش يسوي .. مع امريكا ... ؟؟ وهو قائد بـلا قـوات
اذا .. حال العرب .. بنتٍ تغشى .. وجسمهـا عـاري
تحالفنا علـى الدجـه .. وغنينـا علـى ( الجيجـات )
. يطل الصبح .. ماطل .. وسهرنا الليـل ( قمـاري )
عرب سات / وعرب شات / وعرب تطرد ورى الستات
وعرب الهتهم أسعار التداول .. واسـر ياسـاري ..!!
---------------------------------------------------------------------
حية .. وسحلية .. وعقرب ... وتمــســـــاح ....... !!!!
________________________________________
:
:
:
:
((هبوط اضطراري ))
من طاح .. من عينك ؟؟ ومن فيه ماطـاح ؟؟
........................................ . ذي طيبتك .. واليوم .. تدفع ثمنها
:
:
:
حتى لو انك كنت .. صاحي .. ولمـــاح
..................................... أصحاب ( كيف الحال ) محدٍ .. بخنها
:
:
:
صفو على جمر الحسـَد .. والعـفن .. فاح
..................................... ولمت عفون الخلق .. ريحة .. عـفنها
:
:
:
يالله دخيلك .. كلـها .. شالت .. رماح
........................................ . حتى الوغـد قام .. يتخمــّــش رسنها
:
:
:
مات الحيا والمرجله .. دمها .. ساح
........................................ كلٍ كشف .. عن سوء نيه .. دفنها
:
:
:
دامه .. زمن عقرب ، وحيه ، وتمسـاح
....................................... خل الأسود .. اتنام .. ماهــو زمنها
:
:
:
قالولي انطح .. صيحة الصوت .. بصياح
....................................... واعزل احرام السالفه .. عن كـفنها
:
:
:
قلت الخساره بالردي .. عندي ارباح
........................................ ومثلي .. يعلي هامته .. ماطـمنها
:
:
:
ترسي جبال طويق لا هــبت ارياح
..................................... وانا من اول .. ماخذ الراي .. منها
:
:
:
اقولها وانا .. مروّق .. ومـرتاح
.................................... شل الله .. لسان العــفون .. وبدنها
:
:
:
:
--------------------------------------------------------------------------
المـ ـ ـ ــصـــ ـ ـ ـيــ ـ ــبـ ـ ــه ..!!
المصيبه كان ترمع .. جبت لك معي المصيبه :
.................................... شطر بيتٍ .. لو كتبته .. ماسلمت من الرقابـة
لا وربي .. ماكتبته ..لجل اباارضي به حبيبـه
.................................... راضيه والحمـد لله .. دون مااسهـر للكتابـه
لا وربي .. ماكتبته لأجل .. غيري .. مايجيبـه
.................................... جايبٍ قبله كثير .. ومابلشت بكيف جابـه ..؟
ولا وربي ماكتبته .. لجل ابيعه .. واشتري بـه
.................................... لعنبو من بـاع حظـه بالقصايـد واشترى بـه
ماكتبته غير فيه .. وعن قناعه .. تحتميـبـه
.................................... غير مشعل ماهقيت ان لي صديق ٍ ينهقابه ..!!
يوم ربع الشعر فازوا بالقصايد والـف خيبـه
.................................... فاز مشعل بالمراجل .. يـوم فـاز ولاغرابـه
نسل ابن عبار .. نار .. وذيبٍ امعط يقتديـبه
.................................... عقل ابوه ، وثقل ابوه ، وفعل ابوه ، وكل مابه
من عرفت الطيب .. ماقد شفت والله مثل طيبه
.................................... جاوز اهل الطيب شان وبان طيبه ، في شبابـه
يوم ربعي ماانتخو لي .. فز لي قبل انتخـيبـه
.................................... جا يسوقه طيب جدٍ .. بالشدايـد .. يعتزابـه
مدحٍ بوجهه مسبـه .. ميـر مدحـي مايعيبـه
.................................... لأنّ غيره .. ماهقيت ان لي صديقٍ ينهقابـه
------------------------------------------------------------------------------------
