يوم اسست مملكتها في فوادي جابت شعوبها
طرق على البحر الطويل اتمنى ان يعجبكم
[poem=font="Arabic Transparent,5,burlywood,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياسعود عام اول الدنيا على ماقيل برد وسلام =ياويل ياسعود حال اللي بلاها من هوى قلوبها
البارحه هزني شوقي وهاضت بي جروحن قدام =مابين حمر الخدود وناعس الطرفين وعذوبها
سلت فوادي كما سلت سيوف الجيش وقت الزحام =من نظرة العين بانت لي نواياها ومطلوبها
الجادل اللي بنت في جوف عاشقها بيوت وخيام =يوم اسست مملكتها في فوادي جابت شعوبها
ياوالله اللي دخلت المعركه من دون رمح وسهام =واقفت تلاعب بي المجنونه اللي شمّرت ثوبها
ياطر جيبي وانا ماني من اللي يحسنون الكلام =والبنت لامن حكت تسلب عقول الناس باسلوبها
وش حيلة العاشق اللي روضنّه لابسات الخزام=ان راح زادت جروحه وانبرت لا من قرب صوبها
في مدرستها درست العشق وفنون الهوى والغرام =لين ارخصت لي ادوّج سكة العشاق ودروبها
نلت الشهادة وانا اشهد ان العلم فيه شك وحرام =لكنّ كثر المذاهب يفرق الخاطر عن خطوبها
تلميذ لكن بعد مده غدى له بين ربعه وسام = واصبح يدرس تلاميذ الفصول اللي هوت دوبها[/poem]
