الشيخ : هندي بن حمود البقمي
الشيخ الشجاع / هندي ابن حمود القرفي ( سيره ذاتيه )
[glint]شيخ شمل قبيلة القروف[/glint]
الشيخ / هندي بن منيربن حمود بن خليوي القرفي البقمي
وقدانقطع نسل ال منير
حياته /
عاش رحمه الله خلال الفتره من (( 1200هه / 1280هه))[/ تقريبا
[glint]عزوته /[/glint]
راعي العليا وانااخو نفــــلا 000اما (ساره الوازعيه) فهي ابنته
صفاته/
الشجاعه والكرم والحميا وهو (راعي العطفه ) والتى اشتهر بها ويلقبونه القروف باالجنازه والجني لما يتصف به من قوه وبأس
وهو الوحيد الذي لم يعلق العاني للشيخ / محمد بن هادي بن قرمله ولذلك صار بينهماوقعه مشهوره قتل فيها ابن حمود بيده 40 فارس من قحطان ثأرا لبناخيه السمي (معيض ابن هلبان ) والقصه مشهوره ومعروفه للبقوم
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
(اربعين اللي سردنا على الحزم الطويل = ماترك هندي ياكود موصلين اله الخبر)
يوم ابن هادي من الزود مخطيه الدليل = السباع الجايعه ربعت جوف الهبر[/poem]
وهي التي صار منها المثل المعروف0 ((يذبح سعيد في ذرا عمانه )
0
وله قصه طريفه مع خاله القريشي حيث طلب من بناخيه الشيخ / هندي ان يسمح له بحضور احد مغازيه وقال (ياهندي فرسي لقحه ولاتلحق هل الخيل اصبرو لي الحقكم ) فلبى طلبه ولكن خاله قال له مره ثانيه (ياهندي لاتعتزي لين تشوفني واصلك ) قاله هندي ابشر 0ويوم شاف له سربة خياله من قحطان وهويلحق بهم ويدجر كما هو معروف عنه ونسى خاله واعتزا عزوته المشهور (راعي العليا وانا اخوا ساره ) فقال القريشي كلمته التي اصبحت مثلا
يقول عنه الشاعر / سعود العامري السبيعي في معركة المردمه وهو يمدح القروف/
[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"] يتلون من يسطى على مابغى طيش=( هندي ) ضديد لكل جمعٍ مضـدي
يدجر الى من صك جيشٍ على جيش=مثل الفهد لاشاف صيـده وهـدي
[/poem]
وقد اصاب الشيخ / ابن جبرين المطيري اصابه بالغه في هذه المعركه واسره عنده وعالجه وتركه بعد ان شفي تماما اكراما منه لشيخ كريم وشجاع 0ولكن بعض شيوخ مطير اعتبر هذه اهانه وليست كرم وقد نصحهم ابن جبرين عن هذه المعركه الا انهم رفضوا نصيحته ووصل الخبر للشيخ / هندي بما حدث بين شيوخ مطير 0ومنهم الشيخ / ابن هدبا وسحلي بن سقيان العوني وحيلان البلي وتوجهوا في موقعة المشهوره واسر هندي حيلان البلي الذي كان سبرلمطير واطلقه ولكن جريشان (قاعد بن هندي ) عارض اطلاقه فقال ابن حمود لابنه كلمته المشهور ( اتركه هو وحصانه والله ان راسه ناموس وحصانه مكسب ) وهذاماحصل فعلا وذكرها الشاعر / سعود العامري بناخي القروف في قصيدة الحميمه منها
[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"] يـم الحميمـه مانوونـا بعقـلان =عيوا وعيينا بضـرب الرماحـي
يحدهم قاعـد كمـا حـد شيهـان =حد الفهـد للراتعـات الضواحـي
عينت ابن هدبا تعشـاه ضرمـان =ويكسر على سحلي خفوق الجناحي
ماعلمك باالكون من قبـل شيبـان =ثم طعتوا النصاح راع النصاحـي
والله لـولا علقـة عنـد حيـلان =مـادون ننفقكـم بحـزم براحـي
هذا العشا من دون حلوات الالبان =من فوق حمرٍ شعاهـا الصياحـي
[/poem]
ويقول عنه الشاعر / سعود العامري في معركة الهضب الاولى مع قبيلة قحطان بقيادةشيخها / عيد ابن شفلوت عندما قتلوامرشد ابن حمود شقيق الشيخ/هندي يصف ابن حمود الذي يطلب ثأر اخوه وهم ينتظرون بزوغ شمس الصباح لغزوقحطان /
[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"] يامبعدك يانجمة الصبح بعداه =متى نصبحهم ولابان شوفي
يانجمنا اللي باحمر الدم نرثاه =ياكثر يامرشد عليك الحسوفي
[/poem]
الى ان قال /
[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"] الذيب رابع كون مانوحي اعـواه=مرتص جنب الهضب ماله شفوفي
جا يتبع ابن حمود والشيخ عشاه =ممتس زاره مرهين فى الردوفي
من يطرحه (هندي) بسيفه تغداه =يبغى قضاك ولالحق لك حتوفـي
كم سابق في الحزم لاجلك طرحناه =وكم فارس يرميه فى الحزم موفي
[/poem]
وبعد اغارته على قحطان لاخذ ثار التسعه الذين قتلوهم غدرا بعد ان وجدوا جنبية الشيخ / عيد ابن شفلوت مع الفارس / حباب ابن مايق القرفي الذي تفاخر شاعر قحطان بقتلهم في قصيدته منها /
[poem=font="Simplified Arabic,4,orange,bold,normal" bkcolor="gray" bkimage="" border="none,4,gray" type=0 line=0 align=center use=ex num="0,black"] حنا نصرنا عيد عيد اللي لهدنا =بالاد مايـق الثلاثـه ونـزداد [/poem]
تقول القحطانيه عن هذه الغزوه التى وصل عدد فرسانها 500 فارس منهم 200 تقريبا من القروف والباقين من بعض القبائل المجاوره الذين حضروها طلبا للمغنم مع ابن حمود بعد اعتذار نسيبه الشيخ قاعد بن جرشان عن الغزو معه[glint]المشاركه في معركة الهضب [/glint]!!
[poem=font="Simplified Arabic,5,white,bold,normal" bkcolor="darkred" bkimage="" border="none,4,gray" type=2 line=0 align=center use=ex num="0,black"] جانا بها ابن حمود زبن الجـلاوي =جانـا يقـود احكاكهـا والبقاقيـر
باليننـا كمـا تـكـون الـبـلاوي =عند ابلنا والعـج مثـل المعاصيـر
ذيداننـا ماصلفقتهـا الـشـذاوي = مرباعها الميثب ومصفارها النيـر
خيالنـا يطعـن ولاهـوب يـاوي =بشلفٍ يـروي حدهـا للمساميـر
وخيالهم يهوي سـوات النـداوي =وتشوف رووس الزلم وخره دعاثير [/poem]
ويرد سعود العامري واصفا هجوم القروف على قحطان/
[poem=font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"] حنا عليهم فـوق عـدٍ وردنـا =ميرادنا يبري صداًفوق الاكبـاد
تسعين ملبس دعثرت في هددنا =من غيرصرمٍ للجباهي باالاعواد
[/poem]
وتصف الشاعره مرسا العطاويه غزو القروف على العطاوى بقيادة الشيخ/
هندي بن حمود فتقول /
[poem=font="Simplified Arabic,4,white,bold,normal" bkcolor="firebrick" bkimage="" border="none,4,gray" type=2 line=0 align=center use=ex num="0,black"] يوم على بلغبيس كنه ميـت نـوم =العين مانامت من الليـل ساعـه
تواجهوا فى الحزم عتبان وابقـوم =والكل منهم نجدتـه مـن ذراعـه
ياما بكى من عقبهم كـم ميتـوم =كونن على سمو العطاوى مراعـه
السربه اللي جت على الخيل حثلوم =قومٍ على ابن حمود شيخ الشجاعه
[/poem]
ويقول الشيخ / شالح بن هدلان القحطاني مادحا ابن حمود الذي اعاد له ابله بعدوساطته عند ابناء عمه قبيلة السميان
[poem=font="Simplified Arabic,4,white,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"]
غدوبها السميان في وقـت نومـي =غدوبها السميان في وقت الاسحـار
وثورت ابن غنام ومثلـه يقومـي =انا اشهد ان للشيخ هرجه ومثيـار
ونخيت هجرس شوق حان الرقومي =ستر العذارى يوم لوذات الاسعـار
ونخيت قانان الحصـان العزومـي =زبن الرديـه لاتـلاذوا بالاشـرار
وازروا عليها ياجـدون السلومـي =لاعلقـة تلـزم ولاعانيـن صـار
وجاني بها ابن حمود شيخ اللزومي =من الضياغم متعبة قحص الامهـار
خيالهم كن الفـرس بـه عزومـي =وتفاقهم يقدم علـى الملـح لاثـار
[/poem]
اما الشاعره القريشيه السبيعيه فتصف الشيخ / هندي بن حمود وتقول /
[poem=font="Simplified Arabic,4,orange,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"] وجدي عليهـم وجـد زراع زربـه =غـدا بهـا سيـل تقفنـه اشعـوف
وجدي علـى خلـي خيـال سربـه =طاحت قريشي (ن) نحر سربة قروف
خلي طريح ويعوي الذيـب قربـه =قبره ورا ( العبله) تذرا عن الشوف
يـا لايمـي جعلـك تبـلا بحربـه =(هندي) قوي الباس مامره الخوف
[/poem]
ويتطرق له الشاعر / ابن عسيود المرزوقي ويصف الاماكن التي ينزلها الشيخ / هندي بن حمود ويتمنى ان يكون معه في حله وترحاله في قصيده غزليه منها /
[poem=font="Simplified Arabic,4,white,bold,normal" bkcolor="green" bkimage="" border="none,4,gray" type=2 line=0 align=center use=ex num="0,black"] ياليتني ويا حسين الوصوفي = نرعى لنا ذودٍ عزيبٍ مغاتير
عشرين ياثلاب منهـن خلوفـي = عشرين من ضمخ البكارالمعاشير
ونحيا الحيا نرعى بهن الدفوفـي = ولاكثرو البدوان ننحي إلى النيـر
ننحي مع ابن حمود شيخ القروفي = حيثه مقد ٍ للضعـن والمظاهيـر[/poem]
ويروى ان الشيخ / حمود بن محصن بن رباعان الروقي سأله الباشا فقال له من اشجع شيوخ القبائل فلم يرد عليه 0 فقال له الباشا ( تستحي ان تقول انه انت )فقال له ابن رباعان لا والله ان جت للصحيح ماني باشجع شيوخ القبايل انا معي عتابه الهيلا اللي تهيب منها اللي مايهاب اشجع شيوخ القبائل شيخ ((شملول عرب يقال لهم القروف من البقوم )) حنا نعلق العاني لابن هادي لادخلنا نجد وهو ينزله جوس 0
ومما يروى عنه انه كان يأخذ الجزيه من اهل الشعرا في نجد
وعندما بلغ هندي بن حمود ان الشيابين وضعوا (الجنايه) على البقوم ومنعهم عن المحدار الى نجد قال للقروف جهزنا للمحدار ما ابن فهيد براد البقوم عن نجد واللي بيعلق العاني له يروح له وكان بينه وبين احد مشايخ البقوم وقفة خاطر بسبب هذا الموضوع فقال الشاعر سعود بن دغيليب العامري
هذه الابيات /
[poem=font="Simplified Arabic,5,white,bold,normal" bkcolor="darkblue" bkimage="" border="double,4,gray" type=0 line=0 align=center use=ex num="0,black"]
العلقه اللي تدور ماندورها = تجسر بنا فى الخطر حلوات الالباني
نرعى بسودٍ طويلاتٍ صناقرها = بين الحفيفين تمشي مالها عاني ؟
باالعزوه اللي لياشانت نواظرها = لاد الحميدي ترجح كل ميزاني[/poem]
وقد نعت قبيلة القروف هذا الشيخ الشجاع الذي خاض بهم نجد جوس بقصيده لدي منها هذه الابيات/
[poem=font="Simplified Arabic,4,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"] الموت ماخلى الخوان المواليـف =خذ الشيوخ اللي تقـد الجهامـه
عينتوا ابن حمود حام المواجيف =حطوه في قبرا غويط الظلامـه
تبكيه بيضٍ يركبـن الجحاليـف =هو سترهـن لانطلـن اللثامـه
وتبكيه سرفات البكار المشاعيف =يبغن مرباع الشفا كـل عامـه
ويبكيه غوجٍ ضارين باالمحاريف =لا حال دون الخيل عج وعسامه
[/poem]
