قصة وقصيدة عن ابن طواله بالجنوب
قصة وقصيدة عن كرم شمر بالجنوب وبالاخص بمدينه نجرااان
وهذه القصة والقصيدة بالأحرى هي مفخرة لاهــل شمر الامير/مشل بن سالم بن طواله الاسلمي الشمري امير الفوج التاسع والثلاثون بنجران رعاه الله. وهو الوحيد الموجود بالجنوب له سمعة عند
اهل الجنوب كلها واهل الشمال ربعه شمر والي محاذينها من القبائل المجاورة
والبعيدة ودون قصور بالقبايل الاخرى وكل شمر اهل للكرم والطيب وهذه القصيدة من واحد من قبله يام
والقصه كالتالي:
هذه القصيدة سمعها بعرس الشيخ محمد نجل الشيخ مشل من الشاعر
عبد الله بن حفول ال سعد اليامي .كان الشاعر عبد الله اليامي قد مر ببيت
الشيخ مشل وشاف الرجال والباب المشرع والطيب اللي كل اهل الحي من
الطيب يتعطرون فدفعه فضوله فدخل ليرى وش هال البيت ولما دخل وجد
الترحيب ويالله حيه كالعاده وهذا ليس بغريب على الشيخ مشل وقهوه وطيبوه
ووجد العلوم الغانمه وقال على اثرهذا قصيدة جميلة جداً والامير مشل
يستحقها بيض الله وجه واكثر من ذالك وقال الشاعر عبد الله بن حفول اليامي :
فـي غفلـة الحسـاد ناديـت انـا الـقـاف
لبى الندا في صرخة احساس محـزون
قلت احتضر عـذب المعانـي ولاهـداف
وانص الشيوخ الي على العز يطـرون
تنصا هل الطـولات زبـن اللـذي خـاف
روس الـرجـال معقـلـة كـــل مـجـنـون
مـلـفـاك شـيــخ للمـواجـيـب عـــراف
ابـيــه واجـــداده وربـعــه يشـيـخـون
اميـر مـن عهـد الخلايـف والاســلاف
ســاس الامــاره والمخالـيـق يــدرون
مشـل سديـد الـراي شـهـم ومضـيـاف
كـريـم سـبـلا يـمـه الـركـب يـنـصـون
ابـــو مـحـمـد نـايــف وابـــن نـــواف
ابـن طوالـه شبـه قصـر لــه حـصـون
قصـر الـذرى بسمـان الايـام وعجـاف
وملجا لمـن هـم جايـر الحمـل يشكـون
حـلال عقـده مـن هواجيسـه اضـعـاف
ويـروح مــن عـنـده سعـيـد وممـنـون
كـم جـاه شاكـي حاجـة بـيـن الاكـتـاف
يـفـداه منـهـم لــو قضـوهـا يمـمـنـون
المـدح يـا سـاس العوايـد لـه اصنـاف
انتـم بهـا عـن سايـر الـنـاس تــدرون
والمـال دون المـدج والــروح تنـعـاف
بعـد الرضامـن خالـق النفـس والكـون
ذا طبعـنـا يــا مـيـر والطـبـع ينـشـاف
عـن يـام اترجـم صـورة لـك يحملـون
صورةوفاءوالصمت عن وصفها طاف
وفيـك المشاعـر بحـيـث كــل مكـنـون
فالـعـذر ياصـقـر بــدا راس مـشـراف
يـا فخـر قـاف جالـك وافـي ومــوزون
مـتـمـكـن راعــيــه مــابــه تــكـــلاف
وقـول علـى فعـل لـه النـاس يصـغـون
ماقـالـهـا عـنـيـام جــاهــل وخــــواف
بــل قالـهـا الـلــي لابـتــه مايـهـابـون
قبيلـتـه مـمـن لـهـم سـلــم واعـــراف
مـن سعـد ابـن غـوث بزيـاد يعـودون
من يـام ابـن يصبـا مصليـن الاطـراف
لـمـا احتـمـى حــوض المنـايـا يعـلـون
عرفـت للقـاري ومـن يسـمـع الـقـاف
حتى يكـون الهـرج واضـح ومصيـون
حـق المعرفـه واجـب فـيـه الانـصـاف
وهـذا مـن ابـسـط واجــب تستحـقـون
يامير عجز القاف لـو ضفـت ينضـاف
وعـن فعلكـم ابيـات شعـري يعـجـزون
لــو الـكـرم حــي ول راس واطـــراف
ابــن طـوالــه لـلـكـرم راس وعـيــون
وان كـان جـم دونــه الـجـرف هـيـاف
يــارد مـشــل ويـعــل قـــدام يـــردون
وان كـان صيـد سكتـه شوكهـا حــاف
شروا مشل يرقى على الصيد بالهـون
ولو الوفـا سـد عجـز عنـه مـن طـاف
فالسـل مشـل ولابـتـه جـسـر وركــون
ولوكان هو شقرا عصـت كـل عسـاف
في قبضتـه عـوص الاصايـل يطيعـون
والصدق لو يشهر علـي قولـه رهـاف
عـــادات مـثـلـه للـعـوايـد يـصـونـون
مهما وصفت وقلت يبقى لـك اوصـاف
كــل المـجـالات الرفـيـعـه تـــروردون
البـاب مـن طيبـك مـشـرع بــالارداف
والمجـلـس الـلـي ماضيـوفـه يـمـلـون
مجلس شرف يلقـى بـه البـارد لحـاف
ويلـقـى بــه الطـرقـي رجــال يهـلـون
والعود الازرق من على الحـي طـواف
عـطـر بـيـوت الـحـي والــي يـمــرون
هيـف السميـن وينثنـي عنـد الانكـاف
عـز الصديـق وللـعـدى ســم وطـعـون
لـــه لابــــه حـربـهــا ذاق الاتــــلاف
شمـر علـى روس المنـاوي يدوسـون
ضـرب العـدا مـاردهـم عـنـه اســراف
يمامـضـى والـيـوم بـالـحـق يـمـشـون
لــو يجتـمـع شـعـري مـلايـيـن والاف
يـاصــف غـلاكــم عـنـدنـا مـايـكـفـون
فــي ظــل دولـتـنـا ولـيــف ومـيــلاف
احباب واصحاب على الحـق يمضـون
حكـامـنـا ال ســعــود روح بـلـجـنـاف
حاميـن شـرع الله فريضـه ومسـنـون
دمتـو لنـا مـا حولـونـا شــر وخــلاف
ودامـو لنـا فالـحـظ عـالـي ومصـيـون
وصلات ربـي عـد مـن حـج ثـم طـاف
علـى النبـي المختـار يالـلـي تصـلـون
وسلأمتكم ..........
وبيض الله وجه أبن طواله وماهي غريبه عليهم :thumb:
للأمانه القصه والقصيده منقوله :)
