قال : افتني عن حالة الشيبان والشيـخ الوقـور؟
من اجمل ما قرأت من قصائد
للشاعر ظافر القحطاني
[poem=font=",5,,normal,normal" bkcolor="transparent" bkimage="http://www.hellasmultimedia.com/webimages/christ-htm/backgrounds/misc/anistarrynight.gif" border="none,4," type=0 line=0 align=center use=ex num="0,black""]
يالله وانا طالبك تغفر لـي ذنوبـي يـا غفـور=ارجيك والجا لك وانا سالـك واعيـد المسألـه
لوما تطهرني بعفـوك مـا تطهرنـي البحـور=جيتك وذنبـي قـد تعـلاّ غاربـي يـا مثقلـه
أنا من الطين انخلقت , أخطي ولانيـب معـذور=قامت علي الحجّـه بدعـوة رسلـك المرسلـه
مؤمن بتوراتك و إنجيلـك و مؤمـن بالزبـور=و بسنّـة محمـد وآيـات الكـتـاب المنـزلـه
لكن خُدعت بزخرف الدنيـا وزادتنـي غـرور=أبدت مفاتنهـا و ورتنـي مـن العمـر اجملـه
طبعاً بما إني بنـي آدم حصـل منّـي قصـور=واذنبت يا مـولاي ذنـبٍ بالخفـا مـا تجهلـه
أسألك تغفر لي و تستر موقفـي يـوم النشـور=اليا القفت خلقـك صحايفهـا وهـي مستذهلـه
من يستلمها بالشمال افلس وهـو يدعـو ثبـور=ومن يستلمهـا باليميـن افلـح لخيـر المنزلـه
واسألك يا ربي تعاونّـي علـى نيـل الأجـور=أحيا حيـاةٍ مكسبـي فيهـا مـن البـر افضلـه
واسألك جاهٍ مع هل الدنيـا وحـظٍ مـا يبـور=أيضاً وعرفٍ مع هـل الحكمـه ورزقٍ تكفلـه
من لا تهيّا لـه مقـامٍ مـع طويليـن الشبـور=يبكي على ما ضاع من عمره وخيبـات عملـه
وان شاب راسه لا ترجّى فيه تجبيـر الكسـور =لا خير في تالـي زمـانٍ مـا تغانمـت اوّلـه
ومانيب ناسي قصةٍ صارت وانـا ازور القبـور =لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور=عن حالة الدنيا وعن وضع الزمان وعـن هلـه
أنا مضى وقتي ومرّت بـي طويـلات الدهـور=والباقـي بعمـري بعيشـه بينكـم واستكمـلـه
قلت : الزمان اللي يبارينا على خبـرك يـدور=الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجذور=صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور=حط اليمين اعلى الشمال وخاطـره فيـه اسئلـه
قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه
قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه
والبعض لا عبدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه
بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجور=ينقـل جـوازه للسفـر مـن مزبلـه لا مزبلـه
أشيمطٍ ***** قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه
قال : افتني عن حالة الخفرات ربّـات الخـدور=اللـي تصـان ببيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور=بين الفريـق ببشتهـا الضافـي وتـوبٍ تسبلـه
قلت : العذارى فـي زمنّـا ببغـاوات الطيـور=تقليد هرج و عرض ريـشٍ خلفهـا تستخملـه
تلبس عباةٍ ضيّقت حـول ***** والخصـور=فضيحةٍ تكشـف جسدهـا مـن علـوّه لاسفلـه
وموضة شيالٍ تكشف الوجنات والوان الشعـور=والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غش القـدور=تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور=والأب ديّـوثٍ تحكمـه حـرمـةٍ مسترجـلـه
وشلـون يتربّـى عيـال ام التبـرّج والسفـور=الاّ خنـازيـرٍ دمـاهـا بــارده ومغـفّـلـه
قال : افتني بحال الشباب الصلب صيّاد النمـور=الفارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور=البار عنـد امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )=والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور=من قام قالو , , وشملقّف حضرتـه ؟ وشدخّلـه
والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور=لو تعزله عنهـم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه
بدّل حكاه وضيّع سلومـه وحالـه فـي دبـور=وان شاف ضيف يخش حتى انّه يفـارق منزلـه
ناظر لي الشايب بعينٍ تجمـع السبـع البحـور=يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه [/poem]
