نواف بن نهير x عبدالله الشلاقي
قصيـــدة من الشــاعر / نواف بن نهير العلوي الشمري
في مدح الشلقان عموما و مدحه لحميد بن صلفيق الشلاقي خصوصا
[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
سـلام تعـداد النـجـوم المنـيـره =وعد الزهور وعد نبت(ن)بريضـان
يهـدن لرجـال الشيـوخ وشويـره=حميد بن صلفيق من روس شلقـان
ريـس علاقـات الوفـود الكبيـره=ابو شجاع الشوشلي عـاش لاهـان
منـدوب نخـوه بألامـور المحيـره=انخـه وتلقالـي دليل(ن)وبـرهـان
يرقا بنفسـه عـن علـومٍ صغيـره=بمجالس الشيخـان تلقـى بليهـان
من روس ربـعٍ يلطمـون المغيـره=واحد من الشلقان عن عشر فرسان
مثل الذي سجـل بسجـل الجزيـره=ابو صهد سجل الشرف فيه وكـدان
شلقان مدحـه حـق حقـه جديـره=وكل العلـوم الطيبـه حـق شلقـان
ياما غزو في كـل صـوبٍ وديـره=خذو كسايب مـن وراء رم ومعـان
وخويهـم شالـوه رجلـه كسيـره=ولا واحداً منهـم تغيّـر ولا شـان
كنه علـى فـراشٍ توسـد حريـره=مجيدع رقد مرتاح من فوق الامتـان
ولا لحظـةٍ حسـت عليـه الجبيـره=يقول عدي جالـسٍ وسـط ديـوان
مثل الزمول اللـي توافـق هديـره= يقول صكوا بي وانـا قبـل بلشـان
شلقـان وافعالـه جـزالٍ شهـيـره=شلقان فخر الشمري ويـن ماكـان
شلقـان نعمـك وي والله عشيـرهشلقان ياركبوا على نسـل شقـران
شلقان ماتوصـف ربـوعٍ ضريـره=شلقان عليا يانخـت صابهـم جـان
شلقان ابمدحهـم بصـوتٍ جهيـره=شلقان مدحه فايتٍ مـاض الازمـان
ياطـاب الاول مـاتـردى اخـيـره=مبطي يقولونه هل العـرف يافـلان
قلتـه وعبـرت المثـل بتعبـيـرهمالي هدف كـود المعـزه وطربـان
بالمعجـزات السابقـات المثـيـره=أفعال شمـر رجّحـت كـل ميـزان
شيل الخوي بالخوف صعبـه كبيـره=مأحدٍ فعلها والـذي نشّـى الامـزان
كود الدعوج اللي طـووا للمسيـره=رجليّةٍ بالقيض بـه شمـط شيبـان
جو بالربوض من الديـار الخطيـره=من ديرةٍ ماياصلـه كـود شجعـان
ووصل وعينه في ربوعـه قريـره=ورجله نشا جبـره بعطـمٍ وشريـان
وجزاهم القاف القوي مـن ضميـرهقيلٍ حفظ تاريخهـم وسـط الاذهـان
مضرب مثل شلقان محـدٍ خشيـره=نقل الخوي لو هو وراء ضلع حوران
هذا وانا من سـور ضلـعٍ وديـره=دغيرات عند الضلع بالحيـل عيـان
ولا اسب انا بـاق القبايـل وغيـره=كلٍ علـى حقـه والافعـال ميـدان
وختامها صلوا علـى احمـد نذيـره=صفوة قريشٍ عـد حـرفٍ بقـرآن [/poem]
و بما أن حميد بن صلفيق هو عمي و ليس بشاعر فقمت برد الثناء
للشاعر نواف بن نهير الشمري
[poem=font=",6,white,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بسم الله ابداء و أنطلق بالمسيره =لرد التحايا لأهلها دون نقصان
للشاعر اللي من سيوف شطيره =عبده مناديب الفخر نسل قحطان
روسن كبيره ما تبي له خبيره =بالطيب طيب وبالكرم دون نكران
ريف على اللى زابنه مستجيره =غل على اللى معتدي ويش ماكان
أهل العلوم الطيبة و الجزيرة =تحكي بها لليوم من ماض الازمـان
و أفعالكم ما قيل مثله كثيره =محد عملها غيركم يا أهل الاضعان
بثنتين ما سواه غير الدغيره =صارن على صدر الزمن مثل نيشان
نسيتوا الحربي جموع العشيره=و معشية ذيب الخلا فطح طليان
فعول على بعض العشاير كبيره=ماله سواكم يفعله طيب و أحسان
و لا أقول انا حبال البقية قصيره =كلن على فعل الجمالات شرهان
بس أن شمر نارهم مستطيره =و أفعالهم تظهر على راس ما بان
وعندي لأسم شمر معاني كثيره =تأكد كلامي بأنهم روس ضلعان
الشين شوك و اللواحظ شريره =وقت اللقاء تقدح على الضد عيان
والميم ماطر طيبهم جاد خيره=من جودهم سالت على القاع شعبان
والراء ريف للخوي ما نضيره =حق الخوي يرفع على الراس وأمتان
و حنا غدير المرجلة أو محيره =بس الوكاد أنه بنا وسط شريان
نواف ما في خاطري سقت عيره =و أجهدتها يمك محبـة وولهان
وبس أحتراما للبيوت الخطيرة =ماني مكمل و أكتفي بالذي زان
وصلوا عدد نبت الزهور وعبيره=و مما خلق ربي من الانس و الجان[/poem]
