بطل لم ينصفه التاريخ

لا اعلم لماذا لم ينصف التاريخ هذا الرجل,او على اقل تقدير لم ياخذ حقه الكافي من الانصاف رغم ان مافعله اشفى غليل كثير من اهل حايل وشمر في وقت يعتبر من اسؤا المراحل التي مرت بها هذه القبيله
بطل قصتنا هو عبدالله بن مخيمر من الشلقان من شمر
اليكم القصه
بعد سقوط حايل تدهورت الحاله الاقتصاديه لكثير من حاضرة حايل وشمر,لذلك كان الملاذ بعد الله في التهريب والكيل من العراق رغم صعوبة هذه المهمه والاخطار المحيطه بها من جهة الحكومه ممثله بالهجانه او مايعرف حاليا بحرس الحدود الا انها كانت ضروريه في ذلك الوقت.
في هذه الاثناء التحق احد افراد قبيلة حرب ويدعى البسيس بمجموعات المهربين من اهل حايل وشمر وتعلم كافة الطرق التي يسلكها اهل حايل.بعد فتره ليست طويله التحق البسيس بالهجانه واصبح مسؤلا عن التهريب من حايل وهذه من اكبر الطوام لانه تعلم الطرق التي يسلكونها عندما كان يهرب معاهم.تضايق كثير من اهل حايل من تصرفات البسيس وعرفته في طرق تهريبهم.
في احد المرات خرج البطل عبدالله بن مخيمر ومعه شخص من قبيله حرب قاصدين العراق وفي الطريق تصادفوا مع الهجانه وكان رئيسهم البسيس فقام البسيس باخذ ذلول الحربي خوي ابن مخيمر"البسيس لم يعلم ان خوي ابن مخيمر من حرب لان البسيس من حرب ايضا وانما قصد اهانة عبدالله ابن مخيمر".بعد ماخذ البسيس ذلول خوي ابن مخيمر عطاه لخويه اللي معه بالهجانه لان ماكان عنده ذلول، وقال البسيس هذا حق الخوي عندنا (قصده إذا الخوي ما عنده ذلول نعطيه ذلول) وشو حق الخوي عندكم ياشمر يقصد إهانة و إستفزاز عبدالله ابن مخيمر. بعد هذا الكلام طبح عبدالله ابن مخيمر من الذلول وخذاله هاك الهودات وهو يصفق البسيس بالراس يمار هو من صيد أمس. بعدها هرب ابن مخيمر للعراق و هرب خوي البسيس اللي معه بالهجانه بدون ما ياخذ بارود البسيس.
بعد ما إنشهرت القضية لقوا ابن مخيمر (قاتل البسيس) مهو طماع ولا حايف لأنه ما خذا بارود البسيس.
بعده توسط محمد بن ضاري لابن مخيمر عند الملك سعود، وقال الملك سعود "أبد يجي ظالم ويرجع سالم" بعد ماعرف القصة الحقيقية.
بعدها جا ابن مخيمر من العراق إلى سجن حائل لين يتم دفع الدية، وكانت الدية هك الوقت ثمان ألاف ريال، لكن ابن مساعد أمير حائل هك الوقت رفع الدية إلى ستة عشر ألف ريال عشان يصعب جمع الدية و من هك الوقت صارت الدية ستة عشر ألف ريال و إرتفعت بالسنين الأخيرة إلى مئة ألف ريال.
وقام تجار حائل و أهله وشمر بدفع الدية كاملة عن ابن مخيمر و أطلقوا سراحه.
وهذي البويتات قلته بابن مخيمر:
[poem=font="Simplified Arabic,4,orange,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وابن مخيمر مننا وافي الأذكار = هو راعي المعروف عالي مكانه
فعل فعلٍ به دروس و تعبار = دون الخوي عيا يشوف الإهانه[/poem]أعتذر عن خلط الفصيح بالعامي لأني ما قدرت أوضح السالفه بأسلوب أخر
بالنسبة للقصة سمعت روايات غير هذي مثل إن سجن ابن مخيمر كان بالطايف ولا أدري والله مني متأكد المهم اللي عنده تفاصيل لا يبخل به علينا و أنا والله ما أدري هو حي ولا ميت كانه حي الله يعطيه طولة العمر و كانه ميت الله يرحمه و يغفرله.

صدقت أخوي الكاسح999

رحم الله أبن مخيمر (حيا / ميتا) .. وسمعت أن خوي البسيس شمري.

أما قبر البسيس - رحم الله أموات المسلمين ، موجود بخب الأطواء - بجهته الغربية إلى الشمال قبل نهاية الخب.

لعلي أستطيع الأتصال بصديق لي يعرف القصة تماما ، وهناك قصيدة قيلت بهذه الحادثة.

وليس غريبا على أبن مخيمر فعله وشجاعته ، فهو ممن ضربوا أروع مثل في الخوة [خوة الشلقان] .

رحمه الله عليه ولا هي غريبه على الدعوج وفعولهم مفخره لكل قبيله شمر

والاهم من القصه عندي (على انه من اجمل القصص اللي قرأت) هي عودتك اخي الكاسح 999 واللي نقول بعدها الحمدلله على سلامتك ونسأل الله ان يكون المانع خير .. اتمنى انه عوده بلا انقطاع فمواضيعك لها بصمه خاصه في مضيف قصه وقصيده خصوصا انك تأتي بالنوادر فقط

تسلم وبارك الله فيك والله يعطيك العافيه

[align=center]الكاسح999 هنا !!

:7ayyoh:

وين الدنيا بك يالعزوة .. وما تغاب الا عن الشر

صراحة .. اشتقنا لك ولمواضيعك:thumb:

والله يعافيك على هذا الطرح المتميّز

لك التحية والتقدير[/align]

ونعم بالشلقان وطاريهم اخي العزيز ابن مخيمر اذا لم ينصفه التاريخ فاشمر تعرف ابن مخيمر وتعرف سولفه والبركه فيك وفي ابنا شمر الاوفياء حيث ان احد الاسباب لفتح هذا المنتدى مضايف شمر هو توضيح تاريخ شمر ورجالات شمر فنحن في خدمه هذه القبيله وامجادها

الله يافيك علي ايراد هذه القصه ورحمه اللهع

حيالله الكاسح
[align=center]
يعلم الله انا سعدنا بعودتك

عندي اضافات كما سمعتها

بالنسبه للبسيس هو بالفعل كان من حرب وزميله كان من المسطح من شمر

اما قبلاهم فكان بن مخيمر من الشلقان والثاني تومي

فاللي سمعتوه ان ذلول المسطحي تصوبت وواجهم بالطريق وطلب ذلول التومي
وعلى ماسمعت انوه طلبهم طلبت رجال لكنه بعد ماخذاه
استهزا بابن مخيمر وقال انا حق خوي خذيت ذلول خويك وش حق خويك يابن مخيمر

وسحب البارود بن مخيمر وقال هذا حق خويي ورماوه يامقطعن تسبدوه
والله اعلم
الروايات اختلفت
لكنها اتفقت على شجاعة بن مخيمر

ويعطيك العافيه يالكاسح[/align]

الله يعطيك الف عافيه على هالايراد
الرائع وتسلم يمينك ..

الف نعم بالشلقان ....................وتسلم ويعطيك عافيه الله لايهينك

السلام عليكم

الله يعطيك العافيه يخوي الكاسح ونعم بك وبأبن مخيمر