صعبن تمييز يابشر بين الاجناس

[align=center]الاخوة الاعزاء

كل رجل بهذه الدنيا حصلت له مواقف ؟ وعلى ماقال الرجال ماهي واحد


انقل لكم هذه الابيات


وعسا ان تنال اعجابكم


اقول[/align]




[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,10,orange" type=2 line=0 align=center use=sp num="0,black"]
يالله ياللي فارض الحج للناس= بامره تلافا من جميع الجناسي

جل جلاله قدرته حاص الانفاس= وجاعل جبال الارض فيها رواسي

البارحة قلبي غدى فيه وسواس = والليل ساهر ولاطرالي انعاسي

سر ياقلم واكتب ابيوتن بقرطاس = ابيات مازونه على كيف راسي

من واحدن عنده على البدع مقياس= خوذ الذهب واللماص وكب النحاسي

اللي بناله بيت ماهو على ساس = ينهار دامنه على غير ساسي

صعبن تمييز يابشر بين الاجناس = حيث الشكل من بين خلقه سواسي

الادمي يخلق على ذوق واحساس = والزول صورة مكتسى باللباسي

ورجلن بليا قلب ماهو من الناس = لو كان ينهونه بكل اللحساسي

وطيب البشر لوهو بكشخات اللباس = ماظل واحد بالردى قيل خاسي

الطيب يبقاله ارجالن لهم باس = اهل المواقف في نهار الحماسي

ماكل من يركب من الخيل فراس = اصابعك بالخمس ماهي مقاسي

والختم صلو عد ماهب نسناس = على النبي اعداد رمل الطعاسي[/poem]

[align=center]وسلاااامت الجميع



تقبلو تحيااات اخوكم


بطيحان البطيحان [/align]

أخوي بطيحان

صح لسانك وسلمت يمينك

قصيدة جزله من شاعر جزل

مبدع أخوي في كل بيت

تحياتي وتقديري لك

محمد الشمري

الاخ محمد الشمري

اشكرك على المرور

ولاهنت ياالغالي

ملاحظة انا كاتبها بالشعر الشعبي وش جابها بالمنقول علماً بان القصيدة لي


علعموم شاكر ومقدر لك اخي


تقبل تحياااتي لك