[ .. ( وســط الزحــام ْ ..!! )..]
بسم الله و الصلاة و السلام على رسول الله
اعتذر عن غيابي
و أطلب الصفح ْ بهذه ْ ..
[poem=font="Simplified Arabic,4,black,normal,normal" bkcolor="burlywood" bkimage="" border="solid,1,black" type=1 line=0 align=center use=ex num="0,black"]
ايييه انا اللي عشت / بالدنيا غريب = ما عرفت اللي أبي / وسط الزحام
يمكن اتغلــّـى / و لكن ما اغيب = يمكن اتشرّه / و لكن باحترام
( ما هو اكبر هــم ّ / ادوّر لي حبيب) = و الطموح ابعد / من احدود الغرام
و ان عشقت ..؟ / العشق و الله ما يعيب = دام لي مبدأ / و قيمه / و اهتمام
شفني كيف ارمي يديني / " بالقليب " = ما لقيت الا الصدى / وسط الظلام
و الصدى ( جاوب) / و انا ماقدر ( اجيب ) = و ادري اني ( لو ابي جبت الغمام )
كل هالعاااالم / على افعالي رقيب = و القرايب همــّـهم / بس الملااااام
خيـــّبوا فيهم / ظنون ٍ ما تخيب = لين حدّوني / على عيال الحرااااام
يحسبوني لا تردّا بي / نصيب = برمي احزاني / على قلوب الأناام
مندفن في وسط صدري / قلب ذيب = ما دِفن راسه / مثل راس النعام
صرت اضـم ّ الجرح بعيوني / و اطيب = و اجمع همومي / على صدري .. و انااام
يا قصيدي و انت لي / حسبة صحيب = تفزع لهمـّـي/ اذا شح ّ .. الكلاااام
خلــّـك لأوتار حزني / عندليب = دام بين الليل / و الصبح انسجام
لا تحط ّ اللوم / كله بالنصيب = و لا تخليني / على حد ّ .. انهزام
طبعي أغرب / و الغريب / اني غريب .!! = ما عرفت اللي أبي / وسط الزحام[/poem]
و دمتم ْ سالمين ْ
اخوكم / محمد بن راشد الغنام
