قالو تكلم

[align=center] الاعزاء اقدم بين ايديكم هذه القصيدة وآمل أن تنال أعجاب الجميع[/align]


[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قالــــــــــوا تكلم قلت ياناس تكفون = المعـــذرة يكفــــــــــــي كلام الحميدي
شــــــــاعر وبدعه لاضخم القاف مازون = وفــــي كـــــــــل طاروقٍ يقوله يجيدي
قالـــــــوا عذر مامن عذر يأبو سعدون = لازم تــــســــمـعـــــنا كــــــلامٍ يفيدي
قلـــت أبشروا ماكان بالصدر مكنون = لوكـــــان مـــــــالي رغـــــبة بالقصيدي
بقلـــبي هواجيسٍ كثيرات وأشطون = وشكـــــوى لغيـــــر الله حشا ما تفيدي
ربٍ حــــــما عــبده مــــن الحوت ذنون = هـــو مكتفل بأمـــــــور شون العبيدي
من خلقت آدم يوم ياطا علـى الكون = لحين يومـــك خــــــــــذ كــــلامٍ أكيدي
دنياك تمشي كـــل يومٍ على لون = اللــــــــه يمــــشينا عـلــــــى ما يريدي
واحد شكا دنياه من الوقت مغبون = واحـــــــد يقول ايــــــــام ليتـه تعيدي
واحــــد نقل هـــــمه على حب مزيون = نجــــل العيون اللــــــى سهمهن يصيدي
يقــــــول جرحه بين الاضلاع مدفون = وأن مــــــت لحســــــــابه ترانــي شهيدي
اللــــــه خـــلق بالخلق صاحي ومجنون = وفــــي حــكمته مـــــــــاكل راين سديدي
تسمع براين مايشربك بحــفون = والــــــــراي الآخـــــــر لك يفك الحديدي
جيلٍ نـــــمىو أجيــال قبله يروحون = دنيا تــــعبرنــــا ليــــــــوم الـــــــوعيدي
الــعــلــــم يبقا والمخاليــق يفنون = وياســعــــد مـــــــــن له طيبة بالرصيدي[/poem]




[align=center]وسلامت الجميع [/align]

لا اله الا الله

ويتواصل الابداع البطيحاني ليروي عطاش النفوس للشعر الجزل

صح لسانك يبو سعدون

وحنا بعد نقول (قالوا عذر مامن عذر يبو سعدون:))

طاب حضورك يالغالي

تحياتي

الاخ الاصمعي

تحية طيبة وبعد

شكرا ولاهنت بالغالي


تقبل تحياتي لك

رقيّ

إنبثاق

ثقه


وإبداع


هذا ماوصلني من قراءة قصيدتك أخي الكريم


بارك الله فيك

صح لسانك أخوي

قصيدة رائعة من شاعر مبدع

تقبل مروري

الاخت / ام نواف

اسعد الله مساءك بكل خير

مرورك شرف لي

وشكرا ولاهنتي


تقبلي تحيات اخوك

الاخ / ابو نايف الوبيري

تحية طيبة وبعد


مرورك شرف لي ووسام على صدري


دمت بخير

تقبل تحيات اخوك

صـــــــــــــــــ لسانك ـــــــــــــــــــــــح

القصيده رائعه من شاعر مبدع

وفالك القصايد الجزله


اخـــــــــــــــوك: فيصل الاسلمي.....

الاخ/ فيصل الاسلمي

اسعد الله صباحك بكل خير


صح بدنك

ولا هنت يالنشمي

تقبل تحياتي لك

[align=center]
بطيحان البطيحاان

صح لساانك وبدعت بأبو سعدون :thumb:

ولاهنت يابعدي



تقبل تحياتي

أخوك[/align]