لا تشتكي ياقلب

الاخوة الاعزاء بهذا المنتدى القيم اشارك معكم
بهذه القصيدة وآمل أن تنال أعجابكم



[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مبداي باللي حاصين كـــل الانفاس = الواحـد اللـــي أسس الكون تأسيس
الواحـد العالــم خـــــفيات الارمـاس = ومحي العظام الهامدات المخاسيس
وخــلاف ذا هاضت تعابير الاحساس= بأمثال مـن بدع البيوت النباريس
القاف فــي قلبي لـه عيار وقياس = آخـذ نوادرها على الكيف واقيس
مــاني بليـد القول لاقــال يحتاس = لاقال خمس ابيوت عنده محاويس
يبلش ليا طـم الزبــد عالي الساس= وهبت عليه من العواصف نسانيس
لاحــام فـي جوه أفروخٍ وقـرناس = واصبح فريسة للطيور القرانيس
وضيــــع دليله تايه الراي وانــــــداس = لاحين مـاعدوه ضمن المفاطيس
البــال ضـاق ودق بالفكر هوجـــــاس = وتــواردٍ فكري أكثار الهواجيس
وروابعٍ تضرب علـى أخماس وأسداس= لازل واحــد جن عشره مناكيس
ليلــي قضا والعين مـاذاقت أنعاس= أسباب مـابين الظلوع المقاويس
لا تشتكـــي ياقلب أنا رافع الراس= مـن خلقتي وأنا بدرب النواميس
اللــه وهبني قــوة العزم والباس =وشعــاد لوصارت عقد ولواليس
أنا جبل مايهزني ريح نسنناس =ولا درت بالي في تصرف مطافيس
مـادام صارت بين مسوي وبـلاس= ما أتعبت أنا رجلي بسوق المفاليس
لاقلتهـا شكـوى ولاقلتهـا يـاس= وحياة مـن يجلي ظلام الغطاليس
ولاهمنـي كلمة خفـا كــل نداس= اللــي فعايلهم خطط ونـواديس
عندي خبربالسوس موذي للأضراس = لصــار مايخلع تصير الحواسيس
لاشفت انا ماعفت من بعض الاجناس = اشوم عنه بدون شرحٍ وتـدريس
رافع مقامي عـن حكي كـل هلاس= اللـي سـوالفهم تلـج المجاليس
جمـي غزير ليا بـدى الحبل مساس= ولاعم انا الطيب على فعلت الهيس
هـذا وأنـا دارس مـع كـل دراس= فـاهـم ومتعلم رموز القواميس
لاخير فــي قولن مزيف بقرطاس = وقولن بلا برهان يظهر بسابيس
رجـأي بالله مـا رجيته مـن الناس = عــلام ما تخفا البحور المغاطيس[/poem]

وسلامت الجميع

،،،

،،

نبأ سار

قدوم شاعر جزل

اهلا بك اخي ... وحياك الله


سعدنا بهذا الهطول العذب


كفو .. ونعم بك يالقرم

دمت بخير

الراسي

[align=center]


بطيحان البطيحان

قصيده جزله

صح للسانك ..[/align]

ياهلا بالأخ الشاعر بطيحـــان


وقصيدة تستحق التصفيق من الكل


بارك الله فيك اخوي

صح لسانك يابطيحان

أبيات جميلة

تحياتي:هندالتويجري

صح لسان ونبضات قلبك الوفيه


الى الامام دومااا

الاخ الراسي


اسعد الله ايامك بكل خير


الله لا يهينك وان شاء الله عند حسن الظن بي


سلمت ودمت

تحياتي لك

الا خ اجا

صح بدنك


تحياتي

الاخت أم نواف

تحية طيبة وبعد

الله لا يهينك ولكي الشكر على التنسيق


تحياتي لكم

الاخت هند التويجري

تحية طيبة وبعد


بارك الله فيك

والله لا يهينك


تقبلي تحياتي لكم