؟؟ سؤال لجيمع من في هذا المنتدي وارجوا الافاده
[align=center]بسم الله الرحمن الرحيم
السلام عليكم يا جماعة الربع كلن بسمه
بسراحة هذي اول مشاركه لي في مضيف قصة وقصيدة وانشاءالله ماهي الاخيره :
والمشاركه هي :
يقولون يالربع بسنتن من السنين صارت لهُ سالغه وناس يقلون أنه بحكم العلي وناس يقولون أنه بأوائل حكم الرشيد وهذا والله أعلم .
ماودي أطول عليكم وهاكم الساااالفه 777777
يقولون يوم حكم الدوله العثمانيه بالعراق ،،، وتعين الموالي علي امارات العراق ، يقولون حدي الموالي كان والي للبصره ويرسل موظفين عنده وهالموظفين خليطا كان منهم ((( بدوء من جميع القبائل وبهم حضر وكان بهم اتراك وبهم أكراك ))
وكانوا هالموظفين يجمعون (( الخاوه أو التاوهه )) من جميع الناس كان البدوي ياخذون من حلاله بعارين أو غنم ،، وراعي المزرعه ياخذون منه تمر او حنطه وغيره ،، والتاجر كانوا ياخذون منه ذهب أو فضه أو ليرات ..
وأثناء تجميع التاوه او الخاوه يقولون طمع حدي الموظفين وهو شمري طمع بله صندوق ذهب يبيه لهله بنجد ويشاور نفسه وش يعمل >> وهو يفطن له واحدن يعرفه من قبل من أهل نجد وراح يمه وقاله (( يا فلان )) بالأسم أنا نويت اني أحنشل موظفين الوالي
وأبي أحنشل صندوق الذهب وأنت يافلان تعرف الجوع والقحط اللي يم أهلنا بنجد واللي ابي احنشله اكثره حلال شمر جمعوه الموظفين منهم
مير نبي نتعاهد أنا وياك علي سرقت الصندوق ولا نعلم احد ابد ابد ،، والخاين يخونه الله قال تم >>> يامار العهد هكالوقت يجبون عود لا منهم تعاهدوا ويكسرونه بينهم وهذا العهد يسمي ((( عهد العود ))) سابقاً ومن ظمن ما تعاهدوا عليه أنه لا مسك حديهم ما يخليه خويه لو يموت يموت معه ..
وهم يتوكلون علي الله وهم يحنشلون الصندون وعندك عندك ياما طبوا نجد .
موظفين الوالي راحوا للوالي وعلموه أنهم سرقوا وقالهم روحوا ولا تجون إلا بالسارق راحوا وبعد فتره رجعوا للوالي وقال حدي الموظفين وهو من البدوء :
(( ياسيد غار بالأرض كأنه جغمت مي ))
ورد عليه الوالي : روح جيب الغويري ما لتك لخليك تغير مغاره
ورد الوالي علي الموظف هذا بزعل لانه هو اللي متوجه له عند الوالي => اي متوسط له بالوظفيه الرجال حنشلهم ،
الغويري الشمري بالوقت هذا وصل نجد عند اهل خويه اللي تعاهد معه مرت الايام ولاهي طويله يامار خدم الوالي أو مجموعه من جيشه بديرت خوي الغويري الشمري اللي هي بشمال حائل ،، وهو يذل خوي الغويري وهو يعلم جماعته بقصه الذهب => وشاروا عليه ربعه وقالوا له تري الغويري يخونك ويذبحك يطمع بالذهب ما ما حنا ذابحينه بديرتنا أخاف يدرابنا ، ما رح معه لديرته ولا منك قربت لديرته أذبحه حنا ترانا حولك لا تخاف لان الغويري داهيه ما ينطح ==> وفعلاً تحيلوبه وذبحوه 77777
((( الكثره تغلب الشجاعة ))) وذبحته الغويري كانت حول ديرته
>>>> راحت السنين علي ذبحت الغويري الشمي وخونت خويه <<<<<
وهنا ياجماعت الربع الزبده من القصه والزبده اللي ابي اقوله هالحين ان اللي فات كان مقدمه للقصه 77777
((( وهاكم الزبده ))))
يقلون بعد اسنين نزح بيت من جماعه الغويري الشمري من العراق لنجد وصدفت ان منزلهم حول قبر الغويري ..
راعي البيت هذا له خمس أعيال وبنت وكبر عياله أسمه سند ، والعيال كانوا عند الحلال
وقال الابوا : لبنته (( وفي قول الابو روايتان وانا هنا انقل الرويتان ولا ارجح واحده علي الاخري اقوم بالنقل فقط ))
الاول : قال الاب لبنته ألحقي أخوانك وجيبي الغنم لان أخوانك يبون يعزبون والغنم تعوقهم ...
والقول الثاني : أنه قال أخونك يبون يعزبون مير ألحقيهم وجيبي لنا ركايب ..
راحت البنت ولحقت أخوانه ،، وجعت لبوه يامار ما معه شي
قاله أبوه ::>> وين اللي وصيتك عليه
قالت البنت :: يااااايبه
جيت البيـــاح وشفت قبر الغويري *** متهلهلن ما كن لـه رواد
وضحيتله من غير من ومخاسيري *** ضحيتله بالطايله وشنواد
الطايله >> ذلول أصيل من ركايب الجربان
شنواد >> ذلول أصيل من ركايب العجمان
وروايه ثانيه تقول ان البيت الثاني :
وضحيتله من غير من مخاسيري *** تسعين وفوقهن شنواد
والتسعين >> اي 90 من الغنم
هذا وسلامتكم
لكن في النهايه أوجه سؤالي لجميع من في هذا المنتدي أو اي شخص يقري هذا الموضبوع ،، وعنده معلومه منهوا الغويري ومن اي شمر ارجوا أن لا يبخل علينا ويعطينا التفاصيل عن اسمه ونسبه
هذا والسلام عليكم ورحمه الله وبركاته [/align]
