الوصية والمقرود

السلام عليكم يا فلاوية وغير فلاوية

هذا ياطويلين العمر والعمرات واحد مات أبوه وتركله وصية بشرط أنه يخلي شخص ثاني يقراه ولا يقراه هو مهما حصل.
ثاني يوم وهو طالع من البيت حزين مر من عندالقصاب الي كان أبوه معامله
قال ليه ما اخليه يقرالي الوصية
يوم قراه القصاب زعل وقال والله لو ماانت ولد فلان كان بهالصاطور على راسك أطلع من محلي ياحقير.
طلع المسيكين وهو بايه مايدري وش السالفة وشوي لقى هندي يكنس الشارع قال صديق ممكن يقرا هذا رسالة، قراه الهندي وقال إنتا مافيه كويس إنتا سيم سيم زبالة يالله أمشي (وقام يمحطه بعصا المكنسة)
شافهم شرطي وخذاه هو والهندي للقسم وسأله الضابط وش فيه؟
قال طال عمرك أنا قصتي كذاوكذا
خذا الضابط الوصية وقراه ويوم خلص تغير وجهه وقال للهندي معليش صديق إنتا يقدر يروح
وقام يسفل ويتفل على راعي الوصية وقال للعسكري حطه بالتوقيف يما يعرض على القاضي.
بعد ثلاث أيام جاه حكم بإبعاده عن المدينة على أول طيارة
وهو بالطيارة شافته المضيفة مهموم سألته مالك في أيه قال له السالفة ويوم قرت الوصية قالتله إنتا وسخ وماعندك دم وقامت تصارخ عليه
سمعهم الكابتن وجا يركض قال له الولد ياكابتن إنت رجال فاهم وتكفى فهمني

يتبع

ياوالله المقرود صحيح ، ويش هالوصية القشراء .

متابعين يا أبو طروق

شكراً لك لاهنت.

هلا أبوعارف

آسف إني قطعت السالفة (الظاهر شيبنا بسرعة نتعب) والمشكلة إني أكتب بإبهامي.
نتابع:-
قال الكابتن عطن الوصية أقراه لك
يوم قراه قام يراعيله شوين وقال: إنت أنذل إنسان شفته بحياتي والله ما تقعد بالطيارة ولا دقيقه ودعا أمن الطيارة وقالهم هالحيوان هذا تنزلونه في براشوت الحين
لبسوه براشوت وقطوه من الطيارة وهو بالجو قام يتذكر أبوه ويقول أنا وش سويت لأبوي عشان يسويبي كذا ماني خابر زعلته بشي كنت بار بوالدي وياما سهرت عنده وهو مريض حتى راتبي كان ياخذه ويعطيني مصروف ومع هذا ماعمري بينت له إني متضايق طيب ليه يسويبي كذا أنا لازم أقرا هالوصية وأعرف وش قايل فيني أبوي وطلع الورقة من جيبه وقراه يوم خلص قال: (معقولة أنا كذا) وفك البراشوت وانتحر............
وسلامتكم
إنتهى

{لاحد ينقد علي القصة كذا}

:
.




ابو طرووووق ( لاتعوده )


وش مكتوب بالوصــيــه ؟؟؟؟


يآآخي الشفاااايه ماتخلي أهله :)




.
:

بالمختصر والله حتى أنا أموت وأعرف وانشالله إذا لقيت الوصية أعلمتس

"شكرا على التشريف"

ياعمـــــــــــــا <<<<<<<<<<<<< خوش بدايه :)

ابو طروق بالله هذي سالفه ؟؟؟ ياخي أحس أني اتابع طاش على الام بي سي كل شوين فاصل وتاليته ...

















طـــــــــــــــــــــــــــــــــــــاش مدري طـــــــــــــــــــــــــــــــــــــــ ـاح

[align=center]عزيزي ،،


مانبي حرق أعصاب :(



الوصيه تجيبه تجيبه


واللي انتحر ،، تنبش قبروه وتطلع الورقه :148r:









علقتنا باخي:a:[/align]

أنا أخبركم بالوصية اللتي طار فيها الهواء ولا طاحت إلا في يد شارون وعندما قراءها راح في خرايطها أصبح في غيبوبة من هاكاليوم إلى الدفنة إن شاء الله وكانت مكتوبة بالعربي وأرسلتها حكومة العدو الصهيوني لبريطانيا لترجمتها وعندما عرف عنها توني بلير إستقال من الحكم.

وهي الآن يتداولها البرلمان الكويتي وكل يوم يطرد وزير حتى يخلصون ومن ثم سوف ترسل للبشير ليقراءها ونشوف وين ينتهي بها المطاف بعد ذلك


شكراً لك أبو طروق على هذه القصة الممتعة والمثيرة للجدل.

الكنبيوتر وش دراك إني مشارك بهالقصة في طاش ماطاش هالسنة وانشالله تشوفه وتعجبك.
وبالنسبة للفواصل تراه مفيدة (لوتدقق)
شكرا لتشريفك

تشاو

أبو ثوب باشا
أبشر طال عمرك أبي أدور الوصية بس لو ترسل معي فرقة من جحافلك للحماية خوفا من سرقة الوصية

(أنا نسيت أقول إن الرجال طاح بالبحر وتقاطعنه أسماك القرش)
أسأل ريال الفسحة يمكن يعرف حدا هالقروش يوم كان بأعماق البحار