قصيدة في الشيخ / متعب بن بدر الشريم
( قصيده في الأمير/متعب بن بدر بن شريم ( أمير الفوج 36)
بديت باسـم اللي عـباده برجواه = عـلـيم مـا تخفى عـليه الخفايا
هو خالق الدنيا من أقصاه لاقصاه = وخـزاينه مـن كـل خـيرٍ ملايا
هذا ومضمون القــصيدة ومعناه = حـبيت أعـد أفعال شـيخٍ نـقايا
مدحٍ بمتعب مسنداً لأعـــدمناه = يسـلم ويخـطنه سـهـوم المنايا
ابن بدر تسبق على الـطيب يمناه = وهاذي سوات أهـل الوفا والحمايا
من روس شمر وكل شىءً ومبداه = والناس تبخص ما مضى من سوايا
والبيت من ساسه يجي جود مبناه = إن جـاد ما جـابه صدوع وهوايا
يبـقى قـوي متحمل كـل ماجاه = متماسـكً مـن صوب كل الزوايا
متعب على ممشىهل الجودممشاه = بـلا قـصورٍ بخـوته والــدنايا
ما خـاب منهو باللـوازم تنصاه = عـريب عـم وخـال ما هم هفايا
أبوه قبله صاحب الـفكر والجاه = والــرأي عنده يوم الاريا عمايا
شجاع ما يخشى المذلة من أعداه = إن جــاء نهار فيه يبس الشفايا
سيل على الأعداء تحدر من أعلاه = اليازما شــال الـصـخر ماينايا
للضد ضد وللـوفي يبدي أرضاه = يافـي لـمـنـهم باللوازم وفايا
الجـد مطني ذكـر فعله سمعناه = اللـي جـمـع بالطيب كل المزايا
مطني فزع من كان بالضيق ينخاه = حـمـاي هـزلات الركاب الونا
يايوما على عـدوان قومه بشلفاه = تموج عـن وجـهه جموع وسرايا
يلكـد جـواده نطح والذل ينساه = يا دش وسـط الخيل راحت عرايا
كـم دار قـومٍ بالمها لك توطاه = بالجيش وألا فــي ظهور السبايا
وأبو طـلال بكـل خيراً عرفناه = مواقـفـه بالـطيب دايـم رهايا
عودٍ من الشجرة يجي من حلاياه = وشبل الأسد يظهر بنفس الحـلايا
حلحيل حـلال الصـعيبات بارياه = أمير فـوج وعـارفٍ بالــقضايا
إليا هـرجٍ له هـرجةً قام يقداه = بالعقل والحكمه وطيب السجــايا
مدحي له إعجابٍ بذكره وطرياه = ولاذم نــاسً فـي جميع النحايا
المدح بالطيب على الفعل يزهاه = وإلا الــردي مدحه ذنوب وخطايا
ولاعاش من لاحاش عزاً بدنياه = والـنـاس ماهم عن وجوده درايا
وصلوا على محمد أختامه ومنهاه = الـمـصـطـفى هو سيد كل البريا
الشاعر/ زيد بن زياد المفضلي الشمري
