اليوم خص اليوم به حفل ذرفان
[align=center]قصيدة القاها الشاعر / نايل بن سالم البقعاوي
في حفل أقامه الذرفان من شمر تقديراً للشيخ / سطام بن غازي النعس الشمري
وأخوه سالم بن غازي النعس وأخوانهم[/align]
[poem=font="Simplified Arabic,6,white,bold,normal" bkcolor="black" bkimage="" border="ridge,5,red" type=1 line=0 align=center use=sp num="0,black"]
بسم الله الرحمن رب الثقلان = اللي نصلى له ونقرى كتابه
واللي بداء بالرب ماهو بخسران= بدايةٍ يا حي من هو بدابه
واليوم ياجديده شبيهك فلا كان= غنى ومثل اليوم زان الغنابه
غنى بعال الصوت في كل الألحان= وخلى صدى صوتك على ام الذيابه
اليوم خص اليوم به حفل ذرفان=ماهو خفي ياهيه كلٍ درابه
يازين لم الشمل من بين الاخوان= ولافيه اشين من فراق القرابه
نعمين ياسطام وسالم كحيلان=اللي عطو من طيب وصدر ورحابه
ترفع لهم بيضاء على راس مابان= بيضاء تلاعج مثل لون السحابه
واللي سعى بالصلح فهد الثنيان=مفحم ركابه ما ينوخ ركابه
صحيح ما للحمل الا بليهان= يشيل حمله فوق ما به طلابه
والا الأمير سعود يا طير حوران= يفزع ودرب الخير دايم سعابه
كم واحدٍ جاله من الوقت ضميان= واسقاه حلوٍ سلسبيل شرابه
وافرج عن المسجون من وسط الاسجان= في ضلمة ٍ عزيل من هو هوابه
ضلمة قبر لاكن بلا دفن واكفان = والروح موجوده وهمه عثابه
والشكر كل الشكر ليات من كان = ساعي بدرب الخير في كل جابه
تكاتفو للصلح في درب الإحسان = دايم ودرب الخير ما صك بابه
وانا من اهل بقعاء طويلين الأيمان = أساعده من روق ساسه عتابه
حنا وشمر قربنا قرب الأخوان = لأن تجمعنا عروق القرابه
ما هي قرابه بس فزعه وجيران = ومن يسأل التاريخ يعطيه مابه
نفرح بفرحتكم ونحزن بالأحزان = أقولها عن لابتي بالنيابه
والمعذره ان كان بالهرج نقصان = ما ني نبي الله ولا من الصحابه [/poem]
