قصيدة الشاعر بدعي بن سمحان الزميلي الشمري بعد وقعة الجميماء
[align=center]بسم الله الرحمن الرحيم
السلام عليكم ورحمة الله وبركاتة[/align]
[align=center]إخواني بعد التحية
حقيقة انا مقل الدخول في المضايف
لكن وجدت بموضوع كون الجميماء قصائد بعد الموقعة ومن ضمنها قصيدة للشاعر بدعي بن سمحان الزميلي الشمري
ولكنها ناقصة
وحببت انا اضعها هنا كامله
وهي نقلاَ عن والدي يرحمه الله[/align]
[align=center]قصيدة الجد / بدعي بن سمحان الشمري يرحمه الله بعد كون الجميماء[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="groove,6,crimson" type=1 line=1 align=center use=ex num="0,black"]
راكبَ حر براسه زعانيف = يزها الدويرع والرسن والسفيفه
حر سبيق وعايزَ بالتواصيف = لولا حلايا الذيب يشدا هريفه
طلق الذراع زاهباً بالتكاليف = نسل الوضيحة من وضيحان اليفه
مرباعة اللبه بحد القفاقيف = ومقطانة التيم ونجدٍ مريفه
يلفي لمشعان راع العجاريف = راع النياق اللي زينٍ عنيفه
اللي خذوهم شمر بأول الصيف = يارسل قله يمحش افمه بليفه
غدوبهن أهل الرباع المشانيف = أهل النقا وأهل العراض العفيفه
ماهو إنت ياللي تضرب الجار والضيف = يالأسود ياللي مثل وجه الوصيفه
ترسل على الخطار جبان وخليف = وناسٍ يغث البال كثر تغليفه
واليا دوبحوا مثل النسور المهاديف = وثيابهم عن المصًنع لصيفه
ولياجا من الدحه يغلف تغاليف = متتيسٍ ربعه يقولون حيفه
ياأولاد وايل خيلكم صدرت عيف = وتطعينكم للقاع ماله خليفه
أقواكم الكيشه حمير المناتيف = أهل العراق اللي قليلٍ عريفه
ناسٍ مع النوري مصيبة هذاريف = أهل الحويِط والعلم والحليفه
وأذلهم الي يذل ويعز ويخيف = والناس عند الله جنود ضعيفه
شرابٍ خمرٍ مايهاب المياهيف = لوهو حصان كان عجلٍ جديفه
يبي بوجه يالي هل السيف = ويبي يالي نجد وحساها وقطيفه
ويبي ياخذ خزنة حايلٍ بالمناكيف = وديارنا ياكل خصابه وريفه
وجوه الرجال اللي تعرف المصاريف = وعاقوا نويه قبل ياصل مقيفه
مزنٍ نشا من حايلٍ له رفاريف = يمطر غضب وكل القبايل يخيفه
بسعود كساب الثنا مكرم الضيف = وعيا على كل البوادي مضيفه
وخواله اللي طوعوا نجد بالسيف = وردوا على كل البوادي سليفه
ياكربوا شحص المهار المزاغيف = حل القبل والجيش حول رديفه
يارددوا لقشوشهن والأطاريف = يلزم جموع الضد ويكثر جعيفه
الليل طرد وسرد والمال تجعيف = مع شمرٍ وحلو لجَة خليفه
وليا وقع عظوب زين التحاريف = ماني بحال المجعثن وبن شيفه
ياحيف ياالشعلان ياحيف ياحيف = صارت فوايدكم تحلل منيفه
وهي لجميع البدو مابه مصاريف = خطرٍ نجيك ثم عقبٍ تعيفه[/poem]
[align=center]وتقبلوا مني أجمل تحية
أخوكم نايف السمحان[/align]
