الطيب فرصه والجمايـل توافيـق
http://galbk.jeeran.com/2004-07-13-124432.gif
[poem=font="Simplified Arabic,6,orange,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الطيب فرصه والجمايـل توافيـق=ومن لاتوفق ماكتِـب لـه جمالـه
ومن لارقى للطيب روس الشواهيق=مازان لـه وقتـه علـى مابدالـه
وما دام لفعول الجمايل عشاشيـق=كسب الجمايل مايجـي بالسهالـه
ولو انها تشرب مع فكّـة الريـق=كل ٍ خذاله كل مـا أصبـح بيالـه
والطيب منوه للقلـوب المشافيـق=كلٍ يتـوق ومنوتـه راس مالـه
والمدح مايزهى على الرجل ويليق=الاّ لاصارت وافيـات ٍ خصالـه
يستاهله رجـل ٍ يفـكّ المزانيـق=اللي يقـال ونعـم لاجـا مجالـه
ومن ساقته نفسه وهو مابعد سيـق=لأجـل الجميـل يزيّـن الله فالـه
والمرجله ماهي بتحتـاج تنسيـق=من بين قلب اللي عشقهـا وبالـه
ومن عادة الدنيا تخـون المواثيـق=تفتـرّ مكرتهـا سـواة المحالـه
ولولا اللوازم ماعرفنـا المخاليـق=مانعرف الرجّـال ليـن انعنالـه
والكفؤ تظهر فزعته حزة الضيـق=وينشاف في الشده بعيـن العدالـه
نسل الرجال متّعبيـن الملاحيـق=متوسط مـن بيـن عمـه وخالـه
واللي يطيق ولا بغى قال ما أطيق=تحرم عليـه المرجلـه والشكالـه
والهيّنه تكبر على اللاش والهيـق=له في الرخاء قاله وفي الضيق قاله
والطيب شاره والضماير صناديق=واللاش طيبـه ماتعـدّى ظلالـه
وأنا أسبر قلوب الرجال المغاليـق=والصامت أقطع غايته من مقالـه
ومادام في الدنيا رجال ومطاليـق=نصيتهم والـلاش مالـي ومالـه [/poem]
