للي ماعنده قوقل ايرث ـــــــــ حائل من الفضاء قريه قريه !

:7ayyoh:



كثار اللي ماقدرو يتعاملون مع قوقل ايرث ــــــــــ وانا اولهم :7ayyoh:


بس عندي الرغبه اشوف حائل من فوق !


ابي اشوف السهال والصحاري والجبال ــــــــــ واللي يبي يشوف مزرعتهم وبيتهم <<< قويه:d:




مدري ليه احس ان هالقوقل ايرث ماجانا بخير :(

يمكن مو بالنسخه هذي ـــــــــــــــ لكن بأصداراته الجايه والمطوره !


الظاهر شي اسمه خصوصيه انس :surprised


لو انه مايخلا من بعض الميزات الحلوه ــــــــــ بس خلو البشر يقعون به




تلقى الراعي يطلق غنمه ويسرح بهن بقوقل ايرث :)

والمديونيه قعدو به :( ــــــــــــ من يطلع من بيته الا وخلق الله بحلقه:tongue:








ايه ايه ملاحظ اني طولته :(

خلاص توصون شي:puzzled:



























http://wikimapia.org/#y=27332735&x=4...0&l=10&m=a&v=2

ايه صدقت يامصيول


ياخي ماودك تغير اسمك احس اني اغلط عليك:) <---احيانن حنون:goooood:



صدقت يامصيول مرتن دق علي واحدن من الربع قال وينك ياريال ( قلت بقلبي وش يبي
هالنشبه )
قلت لوه والله ماني بالبيت:)

قال اعقب قم بس واترك هالكمبيونر اللي بيدك وولم القهوه

قلت وش يدريك


قال قوقل ايرث:)


عاد مهو لزوم تصدقون:7ayyoh:



الوكاد انا والله من الناس اللي انصفر يوم شاف بيتهم بقوقل


تسيف حتى ثوبي شاروه بالمعلاق مطلعينوه ملاعين العصب ومصورينوه:)


الله يقطع دابرهم تسانهم فضخو قلبي وصرت مااطلع من البيت الا بالليل والا
حاط شجره فوق راسي:)



المهم

بوه قوقل جديد بفلوس تشترك مباشر


يعني خلاص هالتصريفات ماتمشي:)



لاهنت

اقتباس:

---

والا
حاط شجره فوق راسي

---

ههههههههههههههههههههههههههههههههههه

سلط الله على شارون .......


صدق انا سمعت ان له اشتراك ...


بس انا عن نفسي اقدر . ادخل حائل واشوف الشوارع والبيوت والتخطيط


وكل شخص بأمكانه .. يسمي بيته بعد ..



ويازين الطبيعه رح لك فوق جبل بحايل وشف الحقيقه بعينك ..



طحياتي ......,,,

8


وش تبين بشارون مايقولون غفى :)


يعني خلونا على اللي عقبوه:)


المهم


فيه نوعين من قوقل


واحد طيب وواحد شرير:goooood:


امزح


بوه نوعين الاول

اانا مجربوه وهو صوره ثابته ملقوطه من ياعي جدي

والله يربع طلعت بيتنا يمار جمسن احمر عند بابنا وحنا ماعندنا جمس عندنا جيب:)

قال اخوي هذا جمسنا من هكالسنين:)

يعني الصوره ملقوطه وثابته


الثاني باشتراك واذا ماني واهم انوه حول اربعميه بس مدري دولار والا ريال الفسحه:goooood:

وميزتوه مباشر يعني ابرمجوه على بيت مصيول يطلع بسروال وفنيله ومتسنهر بالجهاز
وارسل جني( تبع الشركه:) ) ويصقعوه على غاربوه ويقولوه انفهدز:goooood:



شفت وشلون انا خايفن عليك يابعد حيي :)

ياجماعة الخير ــــــــــ دبل تسبدي هالاتصال الزفت !!

تسيف ردين اكزهن وعليه !؟

اقتباس:

---

ياخي ماودك تغير اسمك احس اني اغلط عليك

---

يابن الحلال مصيول سالفتن لحالوه ــــــــــــ علق بظهري ومالي به لا من بعيد ولا قريب !
الله يجازي اللي كان السبب




اجل ثوبك شاروه على المعلاق :(

اقتباس:

---

بوه قوقل جديد بفلوس تشترك مباشر


يعني خلاص هالتصريفات ماتمشي

---

على يدك ـــــــــ سمعت هالحتسي منذو عين جدي ولكني ماشفته قط :)

اقتباس:

---

بس انا عن نفسي اقدر . ادخل حائل واشوف الشوارع والبيوت والتخطيط


وكل شخص بأمكانه .. يسمي بيته بعد ..

---

وهذا وينهو به !؟

اقتباس:

---

ويازين الطبيعه رح لك فوق جبل بحايل وشف الحقيقه بعينك ..

---

اقول ايه ايه ـــــــــ هذا اول يوم الناس متعافين !؟

به شايبن من ربع جيران ولد خالة ابوي <<< مدري وش يقرب لي :)


يقول الشيبان اول يرقون فوق الرعيله ـــــــــــ ويشوفون لينه :) به دواوين ولا لا !

قلت له اي والله مابكم خير ياشيبان هالوقت :) ــــــــــــ الواحد مابه حيل يرقى الدرج ماهوو يبي يشابط الرعيله :)

الوكاد مافطنت الا والمقداعه تمشي الفين ـــــــــــ هقوتي تسان مانا واهم يوم علمي بروحي انه جتن من جهة جدي :)


وانتي تقولين طبيعه ـــــــــــ طيب قريتنا 140كيلو والله لو ادربل بعيون الربع كلهم ماقطع على رمثه :)

اقتباس:

---

طحياتي ......,,,

---

اقول ياكثر طيحاتس ـــــــــــ دقيتي الارض !

اقتباس:

---

بوه نوعين الاول

اانا مجربوه وهو صوره ثابته ملقوطه من ياعي جدي

والله يربع طلعت بيتنا يمار جمسن احمر عند بابنا وحنا ماعندنا جمس عندنا جيب

قال اخوي هذا جمسنا من هكالسنين

يعني الصوره ملقوطه وثابته

---

وهذي مثل اللي فوق :(

اقتباس:

---

الثاني باشتراك واذا ماني واهم انوه حول اربعميه بس مدري دولار والا ريال الفسحه

---

اخر ماوصلن ان فيه نسخه تجريبيه ماعتمدوها ـــــــــــ دورته ومالقيته :)

اقتباس:

---

وميزتوه مباشر يعني ابرمجوه على بيت مصيول يطلع بسروال وفنيله ومتسنهر بالجهاز
وارسل جني( تبع الشركه ) ويصقعوه على غاربوه ويقولوه انفهدز

---

ياخي نبي نتحضر من عرض من تبدوا ـــــــــــ هذا يقاله بنطلون وقميص <<<< بغيت اقول بلوزه :)

واما جني :) ــــــــــــ خربت مانبي هالبرنامج كله :(

اقتباس:

---

شفت وشلون انا خايفن عليك يابعد حيي

---

يابعد حيي وميتي هالصوابر ــــــــــــ مايخاف عليك صديز :)


الا سمعت ان به بعض المواقع محظوره ــــــــــــ يعني مايلقطه لك

مثل البيت الابيض :)

هلا بمصيول بعد حيي


اسمع انا ذبحتن الشفايه ودليت ابحث عن هالقوقل ايرث


ولقيت

رابط حفظ

http://earth.google.com/earth4.html

( شوفوا ايسر شي ايقونة خضراء للتحميل مجانا:) )


ماهي النسخ المتوفرة للبرنامج؟
Google Earth
Google Earth Plus في السنة20$
Google Earth Pro في السنة 400$


وللتوسعه قليلا

Google Earth Free :
تتمتع ببعض خدمات قوقل ايرث وليست جميعها وهي مايحتاجه المستخدم من المعلومات من استفسارات واكتشافات وغالبا ما يستخدم في التخطيط لرحلة او البحث عن تجارة ويقدم مساعده ودعم عن طريق الموقع فقط ولاكن درجة وضوح الصور وسرعة عرض الصور اقل من اشتراك plus-pro.



Google Earth Plus:
معد للاستعمال الشخصي وهي تعتبر نسخة محسنة من قوقل الارض برسوم اشتراك 20 دولار في السنة والذي يعطي سرعة في الاداء ودعم جهاز GPS وبعض الادوات الملاحية والتخطيط وقراءة البيانات المستورده من معالجة النقاط اي الملفات التي تم حفظها واستردادها .ويقدم دعم للعملاء عن طريق البريد الالكتروني وليس الشبكة.


Google Earth Pro:

1. العقارات
يستفيد اصحاب العقارات بتوفير الجهد والوقت والمال في البحث عن الاماكن الحيوية للعقار واعطاء دراسة تحليليه عن الموقع ومدى اهميتة وماهو نوع الاستثمار اي ان العقارات في موقع تخلتف عن موقع اخر وهذه نظره يفهمها العقاريون.



الزبده قريت باحد المواقع ان اللي يقولون مباشر مهو مباشر وانما يتم تحديث
الصور باستمرار...



وااذا عندك اربعمية دولار وبلشانن بهن ترا اخيك على قد حالوه :goooood:




تامر شي


خدم لزم


حاجه شين من الديره

:goooood:

ياملا العافيه ـــــــــــ بيض الله وجهك وفالك القوقل ايرث :)

400$ يعني يطلع حروة هالالف وميتين ريال فسحه :)

تسيف مابك خير انت وصوابرك ـــــــــ هالدولار يسوى ثلاث ريالات :(


خلن اروح اطقطق به شوي ـــــــــ جاز لي هالقوقل ايرث :)

يالغالين



مستحيل تصير الصورة مباشره


هذا لوه اثر بالسياسه







وقوقل ايرث
الصوره اللي بوه
من سنة جدي




عاد ترو ماهي من سنة جدي
له تقريبا اربع سنين.













.
ومستحل تصير الصور الملتقطه من الاقمار ثلاثيه ابعاد أو فديو
مستحل.







وسلمت يمينك مصيول على هالموضوع