المشاركة الأصلية كتبت بواسطة صلفه
مساااااااااااااااااااااكم الله با الخير
قصيده اعجبتني وحبيت ان انقلها لكم وان شاء الله تنال اعجابكم
ساقت مشاوير الشقا وأردف _الليل 777سريت ودروب السهر سرمديه.
ازريت اسوق الهم وأحط واشيل777وتعبت اكابر والمواجع نديه.
الحيل مل من التعب مابقى حيل777والجفن ماله بالسهر مقدريه.
البهدله ... والمهزله ... والغرابيل7777ابطال وسنين العمر مسرحيه.
الهم والحرمان والحزن والويل7777ضيوف وجروح الوفا شاذليه.
والصمت والهوجاس بوح التعاليل7777والخوف مسرى والليالي مطيه.
يالله عسى درب السنع بالمقابيل777وألا الليالي الي مضت جرهديه
حر(ن) كفخ واستاسرته المحابيل777وعقب السما الرحبه هوى للــــوطيـــه
حر(ن) غدر فيه الزمن والمداخيل777مقرود وكفوف العطايا رديه.
غلطة عمر منها جنيت البهاذيل777ذنوب غيري حطها الله عليه.
غلطه ودحدرها القدر بالمحاصيل7777ورضيت بالمقسوم غصب عليه.
تناقلتها شلة القال والقيل7777وحطو عليها لين صارت قضيه.
وقامت تناهشني رخوم الرجاجيل7777اهل الملامه والعلوم الرديه.
اللي تجيك أخبارهم بالتفاصيل7777ويحرفون الهرج عن سوء نيه.
بالله قلي ياسود الوجه ياليل777وضح النواياكيف صارت خطيه.
قل لي من اللي ضلل الحق تضليل777ومن علم الوافي يخون بخويه.
ومن بروز الأوهام خدعه وتمثيل777ومن طلسم الواقع وخان الوصيه.
من قال لي دربك مهود وتساهيل777ومن علم الضحكات تمشي عليه.
من كفن دموع الوفا بالمناديل7777ومن هو جزا الحسنه بمليون سيه.
اللي قتل حلم الضلوع المناحيل777وقال انقتل فيك العوض والبقيه.
جاوب سؤالي يااسود الوجه ياليل7777وضح النوايا كيف صارت قضيه.
وسلامتكم
وصح لسان شاعرهاroooose roooose
