حصه وكشرة منيره

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليل العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصه و كشره و منيره



وهناك رد من احد الشعراء للأسف لم احصل على اسمه يقول:


قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره


اعتقد والله اعلم ان القصيده ليست جديده بل قديمه بعض الشئ ولكنها اخذت اصدائها الى الآن بسبب ذم الشاعر لبنات الخليج ومدح بنات المغرب العربي ممادعى بعض الشعراء والشاعرات للأستنفار والرد عليه.

اخوكم عبدالله الزويمل

وهذا رد طلال الرشيد رحمة الله عليه..!.

[poem=font="Simplified Arabic,5,orange,bold,italic" bkcolor="black" bkimage="" border="solid,5,orange" type=2 line=0 align=center use=ex num="0,black"]
يابن الحلال ان طعتني خل الاســـراف=واترك جمال الغيد لاهل البصيــــره
الزين موبس في الملامح والاوصـــــاف=الزين روح وعفه وطيب سيــــــــره
مانيب من يهوى سريا وانصــــــاف=انا هواي وبس بنت الجزيــــــــــره
بنت الخليج اللي تماري بالاعــراف=وحنا نماري باسمها كل ديــــــــره
مالي غرام بقول وخا وبالــــزاف=اذبحتني عند الطرحه المستديــره
احب قولة ياهلا وعل وما خـــــلاف=من بنت ثوبي بنت الارض النضيـره
اللي تحلاها الظبي حلو الاطـــراف=جمال في عفه ورقه وغيـره
واللي بها سحر مهو سحر عـــــراف=ياعل عين ماتراها ضريـره
عطف وحنان وذوق في لين الاعطــاف=والى كشفت لثامها شفت أميـــره
صعب على اللي بالردي شاف ماعاف=وحلوه علىاللي سنه الله ضميــره
شمس الى من اشرقت والدجا طـاف=غابت نجومك غصب لو هي كثيــره
السيف مايزهى سوى كف سيــــاف=والخيل دون حصانها مستخيــره
بس أنت دورلك على قدك لحـــاف=وان طعتني دور بدلنا عشيــره-[/poem]


لاهنت

هلا وغلا

يالله حي أخوي عبدالله

والله إنك ذكرتني أيام حلوة

هذي القصيدة أذكرها عام 1418 هـ تقريبا

ونسيتها ولا بقى معي غير بيت الامير طلال الرشيد الله يرحمه

اللي يقول:

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="solid,4,white" type=0 line=0 align=center use=ex num="0,black"]
ماني من اللي يهوى واخى وبالزاف=أنا هواي وبس بنت الجزيرة[/poem]

وإلى يومك هذا وأنا أردد هاليبت

على العموم شكرا لك وفعلا قصيدة جميلة

والأجمل ذوقك في اختيار الموضوع

وتقبل فائق إحرامي

قصيدة الأمير طلال الرشيد رحمه الله شدّتني أكثر

فهي رد مخرس لهكذا شاعر


الفزعه كانت من عوايده رحمه الله

وغيرته على بنات بلده كانت تزيدنا غلا فيه

ماله علينا غير الدعاء له بالرحمة


مشكور اخوي عبدالله على هذه المشاركة الرائعه


وشكرا للأخ ريال الفسحه على إيراد الرد


.. تم نقلها هنا لأنه مكانها المناسب..


وفقنا الله وإياكم

يعطيكم العافيه علي المشاركات

والقصائد