من يأتيني بهذه القصيدة

السلام عليكم ورحمة الله وبركاته

من يأتيني بهذه القصيدة كاملة ومن هي له

من قفار لحائل سرينا


وأكون له من الشاكرين

السلطان

كنت اتمنى افيدك بس ماعرفت

لا اعلم هي اللي تبي او لا

القائل هو الامير الفارس المرحوم: عبيد العلي الرشيد
المناسبة : غزوة الجوف

هذه القصيدة كاملة:-

[poem=font="Simplified Arabic,5,black,bold,italic" bkcolor="transparent" bkimage="backgrounds/17.gif" border="solid,4,black" type=2 line=0 align=center use=ex num="0,black"]
كان رب الســموات امـرنا=ونستعينه مـدير الهبايب

نطلبه مايخـــيب ســفرنا=ياكـريم جـزيل الوهـايب

كان ســيًر سـببناوســرنا=واعتلينا ظـهور النجايب

من قفـار وحــايل ظهـرنا=مانفاكر بوقـت الحـرايب

كماصـديقك يطـيح بنحـرنا=والدخن مثل صفق الهبايب

كم صـبيٍ لقلبـه جــمـرنا=نجـدعه بين عوج النصايب

كم خـصــيم لجمـعه دمرنا=نجـعله للهـنادي ضـرايب

يانـويـديس مارد ثغــرنا=ماينقصـه بقضـب القضايب

كان امرناالولي واحتزمنا=فـزعةٍ به نســر القـرايب

مانـخــلي لحــيٍ مــدرنا=كذبكم من كبار العـجايب

نعجـب اللي بعيـنه نظرنا=بالوغى دون شقر الذوايب

كان عـن عضـد حرب وسـرنا=واحتـزم كل صـبيٍ وشـايب

نحمـد اللي عليكم نصـرنا=ماتشوف الديار الخـرايب

تايه الراي ياللي حقـرنا=كـم حــلالٍ نحـطه نهـايب
ماسـمعتوا سـوالف بقـرنا=يامـحارب على غـير صايب

باب دخـنه منازل خـبـرنا=طيـب ولا على غـير طـايب

والوعـد خامس مـن شـهرنا=يامـدور لعـوج الطــلايب [/poem]

مشكورة يالوردة الطائفية والله يجعل كل ايامك ورد وسعادة

تحياااتي

ريال فسحة

نعم هذه القصيدة اللي أدورها


الله لايهينك يالغالي ويطول في عمرك

وفيت وكفيت

كل الشكر لك يا عزيزي

اقتباس:

---

ريال فسحة

نعم هذه القصيدة اللي أدورها


الله لايهينك يالغالي ويطول في عمرك

وفيت وكفيت

كل الشكر لك يا عزيزي

---

ماسوينا شي ومتى مابغيت شي تامر امر يالعزوه

عاداتك يالغالي لافزعت تبرد الكبد يالطربه000


تحياتي ياريالوه000

8

ايابعد حيي يابوفهد تسلم يالعزوة