الغلا واقف على بابه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياحمود راع الغلى واقف على بابه=افزع ترى النار بالخفاق مشبوبه

ياحمود ياما سهرت الليل باسبابه=وشلون يرقد خفوقن غاب محبوبه

ياحمود دربي طويل وشمسنا غابه=وقدامنا الجال قبل الريف وخبوبه

فرقى عشيري يلوح الموت بانيابه=وان قلت ننسى يطيح القلب بدروبه

ياحمود ناظر سواد الكحل باهدابه=اللي حروف اسمها بالقلب مكتوبه

عين اشقرن بالهدد يدلي بمخلابه=في روضتن من غمام الوسم معشوبه

لاشاح شوفه كفخ من كف قضابه=وادلى على صيدته ماهو على دوبه

يرمي رماحن لوسط الروح سلابه=وخلا الحباري بوسط الروض مرعوبه

كن اخو رثعه سحب صرخه من اجرابه=والا القذايف على العدوان مصبوبه

ريش الحباري تطاير عقب مضرابه=وتلقى الثنادي بوسط الريش مذبوبه

طيرن عليه الله اكبر عاش من جابه=تلطيخ كفه بدم الصيد عذروبه

ماداج بالسوق فوق كفوف جلابه=يشبه لشيخن دخل والربع حيوا به

كفه تشادي كفوف الزين بخضابه=ياحمود حبه سحرني يالله التوبه

ياما حلا نقشة الطراز بثيابه=لابان زوله ونور الشمس بغروبه

لو شافها العابد اللي وسط محرابه=ينسى الياشافها التفكير بذنوبه

ماحافها راعي الديره وحطابه=ولابان هرج الجفى منها ولا نوبه

واليوم روح الشقاوي بالهوى ذابه=ودنياي تمشي بها الساعات مقلوبه

ودي بشوفه وربعه تفتل اشنابه=وهذي مواري جحيم القوم وحروبه

لو حال دونه جنود الروم واحزابه=وساقوا جنودن تحتهم كل منجوبه

ماخفت رجلن بوجهي شال مصلابه=ياحمود وارواحنا له يوم مسلوبه

الخوف ما فاد ناسن راحت ارقابه= كني عن الخوف راقي راس مشذوبه

وان طحت دونه وشال الروح قصابه=والله فلا طال عمر الناس بهروبه

احفر لقبري بحايل حول صبابه=بجبال حايل او السراح بالجوبه

فرقى الحواسد ونوم القبر وترابه=ولا عيشة الروح وسط الناس مغلوبه

واعلن من الشام للسبعان مع طابه=زين الوصايا عن الغسلان منسوبه

اللي يبي عاشقن في حق وطلابه=كل المطالب عن العشاق مشطوبه[/poem]

كن اخو رثعه سحب صرخه من اجرابه

............................والا القذايف على العدوان مصبوبه



الاستاذ الراوي و الشاعر الرائع / فواز الغسلااان




امتعتنا والله بهالقصيده.. صح لسانك يا بعدي ولا هنت..



اخوووووووك

صح لساااااااااااانك مبدع دائماً

كل حرف تكتبه يجب قرائته


لاهنت فواز الغسلان

صح الســـانك
ابيــات بقمة الروعه
لاعدمنـــاك
\
/
\

تح.يـــتي

صح الله لسانك يالغالي


فعلا قصيده رائعه


وغزليه رايعه:goooood:


لاهنت يابعدي وصح لسانك مليون

الاستاذ الراوي و الشاعر الرائع / فواز الغسلااان




امتعتنا والله بهالقصيده.. صح لسانك مليون ولايكفون


ننتظر هطول غيثك


لاعدمناك



وافـــــــر التحايا

هايس الشمري000مانع السرحاني




مشكورين يابعد الناس على التشجيع المستمر000



(((الراوي)))

ريال فسحه0000



اشكرك بعنف وقوه يالذيب على حروفك الجميله تحياتي



(((الراوي))))

خبايا الصخووور0000



اشكرك جزيل الشكر على حروفك الجميله والنبيله000


تحياتي (((الراوي)))

نومــــــــــــــــــــــــــاس



حروفك مشكوره يالغالي ولك تحياتي الغاليه000



(((الراوي)))