شبة ضوووو

السلام عليكم ورحمة الله وبركاته

ارجو المعذره اذا كان هناك اي قصور لاهنتو



[poem=font="Simplified Arabic,5,burlywood,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شبيت ضوي باسفل الدعب ياسعـود=بارض(ن)خلا ماغير بـراق ورعـود

الجـو كايـف والسحـاب متـراكـم=منظر طبيعي وكلها سهـود ومهـود

شيمت نفسي عن وجيه وعـن ازوال=ورفعتها عـن كـل دانـي ومنقـود

ودلا ل كيفـي فـوق ضـوي تـلالا=واخذ قصيدي من طرف راس عنقود

اصب فنجالـي علـى جـال ضـوي=فنجال عززوعانـق الطيـب والجـود

والفرخ عـن يمنـاي جنبـي مراكـا=شرشورها يلمع على الـزل ممـدود

اشتقت اسمح خاطري بصوت طلقـه=ولا اظن به سلوه بـلا ريـح بـارود

رزيت لي شاره علـى بعـد مرمـى=وجلست اداعبها على الصوت مردود

لي بالهدف وقعن طغـى فـوق حـده=يوم انتف الابره على البعـد بركـود

مرحوم ياللـي مـع علمهـا رفعنـي=ماجابني عاله مـن الطيـب مفقـود

انا احمـد الله فـي مضاريـب كفـي=تابـس كبـود وينجلـي هـم بكبـود

في طاري النومـاس عـدو مخـاوي=غصب (ن)على الحساد والحق مشهود

بين القصيد وجال ضـوي ومرمـاي=تاه الخفوق بصاحب(ن)منـه ملهـود

رفعت قـدره فـي ضميـري ولافـاد=وفزيت له من غرقة النـوم ياسعـود

ابيـه لاعـدوا هـل الطيـب عــدا=الصاحب اللي خيـب الظـن مقـرود

طاوع قليـل الفـود ناس(ن)تضحـك=تضحـك عليـه بسـبـة(.........)

هو يحسب انه حـب والا بـه هيـام=وهـم مصالـح مالهـا حـد وحـدود

لابد ما يصحـي مـن النـوم حـزه=ما ينفعـه عـذره ولا فيـه لـي زود

صاحـي وفكـري لاتهقويـت هقـوا=ولاني ضعيف النفس ورادهـا عـدود

يعـل راسـي يـوم ينـزل مـذلـه=طلقه!!!من الجثري على سم عبـرود [/poem]
وسلامتكم

صح لسانك ورفع الله مقامك وشانك