حرب البسوس

[poem=font="Simplified Arabic,5,white,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
لاياحمد والشعر قاف وطواريق=
=واسرار تدفنها البيوت الجميله
والشعر فكره والمثايل توافيق=
=ولاكل من صاغ المثل يستويله
احدٍ نزل واحدٍ رقى للشواهيق=
=ينوف عن بعض العلوم الهزيله
واخوك لانامت عيون المخاليق=
=يجيه مندوب السهر كل ليله
يسهر علي دك الهواجيس والضيق=
=يضحك ويخفي ضيقته عن قبيله
اجا وسلمى والسروات وطويق=
=كنه علي صدر العمودي يشيله
اغيب في همي عن الناس وافيق=
=واصحى علي خيل الهموم وصهيله
واليوم حملي شايله فوق مااطيق=
=عايف ولالي بالمقادير حيله
الدرب طّول والتعب نشّف الريق=
=وانا علي الغايه عدمت الوسيله
مابين غلطات الزمن والمطافيق=
=خذيت من كبوات غيري دليله
اتعب علي عرف الرجال المطاليق=
=اهل الوفا من كل بد وقبيله
اهل الادب والدين واهل المواثيق=
=اللي مشت بالعدل عن كل ميله
والاالردي لويقرن الضحك تصفيق=
=مذموم بلسان الوفا والفضيله
ناس خذت علمه علي غير توثيق=
=تكذب وتلقاله صدى من عميله
اللي تبيع الهرج جمله وتفريق=
=محصولهم علم الندم والفشيله
لقو..لهم..سوق وتجاره وتصديق=
=اهل النمايم جعل ربي يزيله
والوقت يمضي في مسايل وتحقيق=
=نركض ورى طرد السراب ونخيله
وانا عيوني تذرف الدمع وتريق=
=جرح الهوى مايتركه في سبيله
عامين من صار اللقا والتفاريق=
=علمي بها قفّت شمالٍ مشيله
غندورةٍ حبه جرى بالمعاليق=
=بنت الرجال اللي تزّبن دخيله
من بعدها بيبان قلبي مغاليق=
=والحظ خان الجهد وانهد حيله
يلوق لي وصفه بالاشعار وتليق=
=الياطرتلي غرته والجديله
له مبسمٍ يغني عن المي ماذيق=
=وبعيونها حرب البسوس الطويله
في طلته شمس الضحى والمشاريق=
=وفي خصرها عود القصب ينتميله
كنه من الماضي علي العاشق تويق=
=ويثور بركانه ويقدح فتيله
حبه حقيقه دون كذبٍ وتلفيق=
=ياليت ضميانه شرب سلسبيله
بس الهوى دايم عذاب العشاشيق=
=يرميك في كف الظروف البخيله
واناعلى عهد الوفا والمواثيق=
=لوانها صارت علي مستحيله
قلت اتعلل في جديد الطواريق=
=والشعرفكره والبقا للجزيله[/poem]

يآآآآآآآآآه ياسعيد


والله فقت حدود الابداع وتجاوت كل الحواجز
خاطبت الاحساس بلا مترجم..!!


جزله



جزله



جزله


ياسعيد والله جزل..!!!


صح لسانك ودام ابداعك



سجلن من المتابعين لك ولجديدك..

سعيد



والله وصح لسانك يالعصلاوي






قصيده رائعه جداً







ماشاء الله عليك عيني عليك بارده

[align=center] سعيد العمودي


صح لسانك و عذب هتانك


قصيده جميله


تحياتي[/align]

[align=center]الشاعر الرائع

سعيد العمودي

والله من أروع ماقرأت

مفردات جزله قوه في المعاني

قصيده من العيار الثقيل جدا

واتمنى من مشرفين القسم تثبيتها


رائعه جدا


ساأعود لقراءتها مره اخرى فلم اشبع من جزالتها



صح لسانك


اخوك... فيصل اللويش[/align]

صح لسانك




جزله ورائعه



سلمت يالذيب

الدرب طّول والتعب نشّف الريق
وانا علي الغايه عدمت الوسيله

.
.

أي والله شعر .. وجزاله .. بصراحه ياصديقي


انت مختلف جداً .. شاعر من طراز..قليل جداً..


صح قلبك

الاخ/ سعيد العمودي

صح لسانك وقصيدة رائعة تستحق الإشادة

بس الهوى دايم عذاب العشاشيق
يرميك في كف الظروف البخيله
واناعلى عهد الوفا والمواثيق
لوانها صارت علي مستحيله
قلت اتعلل في جديد الطواريق
والشعرفكره والبقا للجزيله


و انت باقي دائما يا سعيد..



صح لساااانك مدد.. بلا عدد..



أخوووك

[align=center]الشعر


الأصيل الأصيل الأصيل


هنا


اشكرك ياسعيد



على هذا الإمتاع



صح لسانك


ياطويل العمر[/align]