اتشرف بتواجدي معكم

[poet font="Simplified Arabic,14,silver,normal,normal" bkcolor="" bkimage="http://images.webshots.com/ProThumbs/20/11420_wallpaper280.jpg" border="double,3,gray" type=0 line=350% align=center use=sp char="***" num="0,black"]
كل القصيد

ما بعد شفتك ولا صوتك وصل=ولا رساله منك جتني فالبريد

بس احبك حب مثله ما حصل=والمشاعر كل ساعه لك تزيد

انتي الطاف السعاده والامل=ينتشي في حضرك كل القصيد

لو رسمتك في مدارات الغزل=كوكبٍ يضوي على العالم بعيد

تنبت الصحرا نواوير ونفل=وتصبح الدنيا لها شكلٍ جديد

في شفاتك انتثر طعم العسل=لهفة انفاسك يذوب لها الجليد

وان تكدرتي وبان بك الزعل=نظرتك فيها عبارات الوعيد

عينك الحورا بها معنى الخجل=ورمشك القتال يفعل ما يريد

ان تمشيتي على الارض بمهل=كن كل الناس من حولك عبيد

وان وقفتي يصبح الكايد سهل=وان مشيتي خطوتك شكلٍ فريد

ان سكتي يصبح العالم ملل=وان تكلمتي يصير الكون عيد

في جمالك يضربونبك المثل=الحلى يجري بدمك فالوريد

كامله ذوق وحلاوه مع اصل=في خفوقي شلت لك حبٍ اكيد

لو لمحتك كان توصيفي كمل=وصار زايد من بعد همه سعيد

بس ما شفتك ولا صوتك وصل=و لارساله منك جتني فالبريد



[/poet]

الا خ زايد نحن الذين نتشرف بك

وياهلا ويامرحبا

اقلط محلك القلب

اخوك 000 فيصل اللويش

الا خ زايد

اما بخصوص القصيده

رائعه من رائع

وصح لسانك


فيصل اللويش

زايد الرويس نتشرف بوجودك معنا

ومحلك القلب كما قال الاخ فيصل

نسعد بامثالك من الشعراء المميزين

اما القصيدة كالعادة رائع والاجمل اسلوبك الراقي
لا تحرمنا من ابداعاتك

الاخ العزيز فيصل اللويش








لا هنت ياعزيزي






وشكرا على ترحيبك وردك









تقبل تحياتي

اخي زايد

شرفنا وجودك

وقصيده روعه

وصح لسانك

اخي الغالي

الشاعر

زايد الرويس


فعلا انت تستاهل كلمة شاعر


لاهنت يالغالي على هذه المشاركه

وصح لسانك

وسجل اعجابي

واعذرني على التاخير في التعليق

صح لسانك مره اخرى

ولاتحرمنا من هطولك الرائع

تقبل تحيات اخوك الصغير

الراسي

زايد الرويس


الاسم يكفي
اشهر من نار على علم


نوّر المنتدى


هلا يا بن رايس


اخوك
داهم العصيمي

الاخ العزيز سويلم الشمري






هلابك والله





انت من الناس الذين افتقدتهم فعلا




رسالتك وصلتني





ولكن للاسف الذاكره تخونني كثيرا






تحياتي لك

ياهلا

وغلا


ومسهلا



أخوي الغالي

(( زايد الرويــــــــــــــــــــــــــــــس))


ياهلا بك مرحبا يامســــــــهلا

،،،،، ،،،،،،،،،،،،،،،قلتها وعندي لك أكثر يالرويس


أنت شرف لنا وتواجدك بيننا له ثقله


لك كل الود والتقدير