قصيدة رثاء

[align=center][size=8]بسم الله الرحمن الرحيم

عندما يبكي الشعراء لفقدان شخص عزيز تكون قصائدهم هي الدموع التي يرثون بها,

وها نحن أمام قصيدة لشاعر / ثويني بن ذياب العفتان الشمري (بجاره) الشيخ / فهيد بن مسلط الشريم[/align]
رحمه الله وأسكنه فسيح جناته [/size]
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=1 align=center use=sp num="0,black"]
يالله يامعطي العطى دون تحديد = ومن تاب تمحي ماكتب له بلوحه
ندعيك تمنح جنت الخلد لفهيد = ويارب تغمد جنت الخلد روحه
وتجعل ثرى قبره شعاع(ن) وتبريد = وعبيرها في داخل القبر فوحه
وسجله مع الي وحد الدين توحيد = وندعيك له بالمغفره والسموحه
فهيد أخو خزنه مثل شامخ الحيد = ونفسه على كسب الجمايل طموحه
رأيه حكيم ووافي بالمواعيد = فقيدة(ن) أثر علينا نزوحه
ذخرك ليامن شفت بالامر تعقيد = وليافزع حقك ضمان(ن) نجوحه
عنيد(ن) وصعب(ن) على الخصم ومكيد = وطيب مع الطيب بعيده شبوحه
عنيد رأي إن شاف من الخصم تهديد = وعند التسامح هو سريع صفوحه
جزل العطى ماهو جبان(ن) ورعديد = ويمناه بالمدات ماهي شحوحه
يشدى لبير(ن) لاغرف جمه يزيد = قراح مابه لادباج وملوحه
يزيد لياكثرة عليه المواريد = بفهيد يفرح من تحرى صبوحه
جانا خبر فقده قبل فرحة العيد = وحان الفراق وجدد القلب نوحه
ولوكان كثر النوح للميت يعيد = نحت ليامن خدي تبين جروحه
والموت حق وكثرت النوح مايفيد = مايرجع الميت على من ينوحه [/poem]

هلا بك أخي مانع

حبيت أمر على هذه القصيده

ورحم الله فهيد واسكنه فسيح جناته

دائم تنتقي ألأحسن

ولاهنت على هذا النقل

شكرا من القلب

[align=center]


الغالي

مانع السرحاني

صح لسانك ولسان شاعرها

والله يغمد الفقيد بواسع رحمته





اخوك... فيصل اللويش[/align]

رحم الله الميّت وحفظ الحي

مشكور اخوي مانع على هذا النقل الرائع


بارك الله فيك

[align=center]سيف الدولة rooose3

فيصل اللويش rooose3

أم نووووف rooose3


شاااااااكرو مروركم الجميل


وحسن مشاعركم [/align]