قصيده نبحث عن قائلها000000

مساكم الله بالخير جميعا
هذي ابيات لقصيده لااعرف من قالها ولكن مااعرفه عنها انه بعد معركه حصلت بين شمر وقائدهم الشجاع اللذي لايعرف الموت الامير عبد العزيز الرشيد ( الجنازة ) رحمة الله عليه وبين الملك عبد العزيز ال سعود رحمه الله وقواته و بعد انتهاء المعركه قال الملك عبد العزيز للخويا اللي معه من ياصف لي المعركه اللي صارت اليوم بقصيده وقام واحد منهم وقال انا ياطويل العمر اصفها لك بس عطني الامان واله الملك عبد العزيز اذا جبت القصيده نفس مادار بالمعركه تسلم على روحك ثم قال الشاعر


شفت لي خيال لاقا الف خيال
والفين خيال من رجال مشاكيل
عبد العزيز الشمري ماضي الافعال
اللي ضحايا والديه رجاجيل
ليت العذارى حمل منه بعيال
والا بلاش من الضنا كلهن حيل

وبعد انتهاء القصيده هز الملك عبد العزيز راسه وقاله سلمت.
وارجو من الاخوه ومن المشرف العام من يعف القصيده ومن قائلها وبعد اي معركه قيلت ان لايبخل علينا

وسلامتكم........

المخاوي مساك اللة بالخير

حسب ما سمعت من الشيبان انة فيصل ابن عبدالعزيز في مجلسة سئل من هم عندة

عن اشجع البادية اي بادية نجد فقال ابن بصيص من مطير عطني الامان طال عمرك

فقال لك ما اردت فقال اخو نورة عبد العزيز ابن متعب ابن طلال ابن عبداللة الرشيد
الملقب بالجنازة

والدليل انة ابن بصيص القائل ان ابن بصيص كان يحمل لواء مع ابن سعود ويقود الف من الفرسان وكان الجنازة مبعد عن ربعة ولا يشوفونة ولما هاجوة ركب فرسة واغار عليهم

وكان جيش ابن سعود ثلاث بيارق كل بيرق بالف خيال

وكان يضرب الجيش من النص ويذبح ما يستطيع الى ان زرع الخوف بقلوبهم

وجت شمر واللي ذبح واللي طق

وهي واللة اعلم معركة الصريف


والقصيدة كما قلتها

يامن خبر خيال عن الف خيال
والفن خيال من رجال مشاكيل

عبدالعزيز الضيغمي ماض الافعال
اللي ضحايا والدية رجاجيل

الاخ المخاوي ارجو ان اكون رديت بالاجابة الوافية

تقبل تحياتي

تسلم والله ياخوي سويلم وعز الله انك ماقصرت ...ولي تنويه على اسم
الجنازه وهو الامير عبد العزيز بن متعب بن عبدالله الرشيد.........ولك تحياتي.

المخاوي شكرا على التنوية غلطة مطبعية

والكل يعرف ان متعب وطلال كلهم اخوة ابناء عبداللة

الف شكر

هو الفارس والشاعر : زيد بن غيام المطيري

من أشهر فريس الجبلان من مطير

كان معاصر لحكم الامير // عبدالعزيز بن متعب بن عبدالله بن علي الرشيد ( الجنازه ) .

كان الفارس زيد وكعادته دائماً يجلس يتقهوى منذ الصباح الباكر

ومعه أبناء عمومته من الجبلان

وفجأه اتى رجل من نفس قبيلته مطير

يبشر الجالسين بأن الامير عبدالعزيز بن متعب قتل في روضة مهنّا

فلما سمع الخبر الفارس زيد بن غيام وقف وقال :

( الله لايبشرك بالخير ماهو مثل هذا اللي ينبّشر به ) !

فوقع الفنجال من يده

وأخذ يقول هذه الابيات الرائعه :




يا من خبر خيال يسوى الف خيال
...........................................مع الـف فـارس كـل ابوهـم مشاكيـل

عبدالعزيز الشمري ماضـي الأفعـال
.........................................الــلـــي ضـحــايــا والـــديـــه رجــاجــيــل

لـيــت الـعــذارى حــمــلٍ مــنــه بعــيــال
........................................وإلا خلـقـهـن ربّـهــن كـلّـهـن ِحـيــل

ياريت من يعرف باقي القصيدة يكتبها لنا

مشكورا سلفا