ابن عبيكه والطوب رحمهم الله
بسم الله الرحمن الرحيم
عبدالكريم بن عبيكه راعي قنا رحمه الله معروف بالكرم والصخى واجتمع عليه
دين كثير للتاجر الطوب وخاف ابن عبيكه ان يشتكيه الطوب على امير حايل ابن مساعد
والذي كان في اول سنوات امارته وكان صارما جدا 000
فأضطر ابن عبيكه الى مغادرة ديرته متجها للجوف (( الجوبه ))
عند شخص مكرم اسمه (حامد)00 وعندما طالت غربته اشتاق لاهله وجماعته فقال :
[poem=font="Simplified Arabic,5,white,normal,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
راكبن من عندنا فوق منجوبي =وافي(ن) بالشبر مع زين مركوبه
ياعميلي يوم اوصفه منجوبي =مثل مشي البنت لاجاز له ثوبه
اركبه لاهفت الشمس بغيوبي =من مناخة حامدن راعي الجوبه
ود عبدالله والاخوان مكتوبي =عقبهم عيني عن النوم محجوبه
مشفي(ن) في شوفهم مار مطلوبي =غدي ربي يوفي الدين هالنوبه
دفترين وواحدن دفتر الطوبي =جض قلبي وان تهجيت مكتوبه
اه واويلاه وامر مشروبي= واهني نفسن تهنت بمطلوبه
بيتنا دومن عن الصك مصلوبي= مايصك الباب والنار مشبوبه
وقصرنا زبن(ن) لمن جاه مصيوبي= والضياغم يوم يجلون لاذو به[/poem]
وعندما سمع الطوب هذه الابيات جاء الى ابن مساعد وقطع الدفتر حق الدين وقال
والله مااتسبب بطرد ابن عبيكه عن مناخه للضيوف واشهدوا اني متنازل عن كل الدين
اللي عليه00
وانحدر ابن عبيكه قبل يدري بتنازل الطوب الى المنطقه الشرقيه في بدايات ظهور البترول
وسجل بشركه هناك فضحكوا عليه بعض الناس وقالوا عقب ماانت على سبع خلول مرتكي
للضيوف جيت تشتغل بهالبدله (( لباس الشغل )) فقال :
[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
النشاما تشتغل لاجل الريالي = مانفع خطو الولد كثر القعودي
تر كثير المال عند الناس غالي = قالو ان الجود من حسب الوجودي
نشتغل بالشمس من عقب الظلالي=خادمينن للنصارى واليهودي
خايفن من شقتن تفرش قبالي= ونلبس الشيبان عقب البيض سودي
نجدن اللي هربت ولد الهلالي=شد منه تغريب ولاظنه يعودي[/poem]
رحمهم الله جميعا واتمنى ان اكون افدتكم ياعزوتي0000
الراوي ابن غسلان
