السلام عليكم
يالربع دغيم الظلماوي من اي شمر اللي يعرف لايبخل علينا
لاهنتوا اللي عنده نسب دغيم يفيدنا
عرض للطباعة
السلام عليكم
يالربع دغيم الظلماوي من اي شمر اللي يعرف لايبخل علينا
لاهنتوا اللي عنده نسب دغيم يفيدنا
هلا وغلا براعي اللحيسه
بس ماتوقع ان ماحد يعرف دغيم الظلماوي من اي شمر دغيم معروف هو راع الوالمه
وهو متعب الدلال من الدعوج اخوان عليا من فخذ الشلقان من الزميل من سنجاره من زوبع
وهذا من اشهر قصائده
ياكليب شب النار ياكليـب شبـه
عليك شبه والحطب لـك يجابـي
وأنا علي ياكليـب هيلـه وحبـه
وعليك تقليـط الـدلال العذابـي
الوالمه ياكليـب عجـل بصبـه
والرزق عنداللي ينشي السحابـي
وإدغث لها ياكليب من جزل خبه
وشبه ليا منه هبـا كـل هابـي
أبـي ليـا شبيتهـا ثـم قـبـه
تجلب ربـع سـرات(ن) غيابـي
بنسرية(ن) ياكليب صلف مهبـه
ليا هب نسناسه تقـل سـم دابـي
متكتفيـن وناطحـيـن مهـبـه
متلطميـن وسوقهـم بالعقـابـي
صبه لقرم صرفته ما حسب بـه
يوم البخيل مكنهب الوجه هابـي
وصبه لمنعور مـن جـاه نبـه
يرخص بعمره والدخن له ضبابي
وعده عن اللي مايداري المسبـه
اللي يـدور بالقصيـر الغيابـي
لياباطن الهلبـاج خطـو الجلبـه
يازين تالي الليل خبـط الركابـي
افرح لهم وابدي سـلام المحبـه
ليا شح بالهيـن كبيـر العلابـي
سلام احلى مـن شخاليـل جبـه
واحلى من السمن الجديد الرعابي
وخطو الولد يـوم الملاقـا نكبـه
يصير معنا من حساب الزهابـي
وش عاد لو يلبس زبـون وجبـه
معيرة علـى غضيـر الشبابـي
أنا لقيت الصبـر يازيـن غبـه
يرقيك روس مشمرخات الهضابي
ومن لا صبر ياكليب في حكم ربه
هذاك يوم البعـث مالـه ثوابـي
تقبل تحياتي
لاازيد على اخي خلف الرويتع شي
دغيم الظلماوي
من فخذ الشلقان
من الزميل
من سنجاره
ويسكنون ابناءه وابنائهم حاليا منطقة الجوف
خلف لاهنت يالغالي
معروفه القصيده ومعروف انه راعي الوالمه
مشكور يالغالي بس حبيت اعرفمن اي شمر لاني متراهن مع واحد مشكور
فيصل لاهنت وتسلم يمينك يالغالي
مايبي لها كلام معرووف ياخلفهم
بسم الله الرحمن الرحيم
للفايده قصيده الظلماوي حصل لها مجارات من الشعراء في وقته لشهرتها
مثل ابن ثويني ومطلعها:
ياعلي شب النار ياعلي شبه ,,,, لاساح ظل مشمرخات الهضابي
ولبيد المتينه البلاز من عنزم ومطلعها:
يادعيس شب النار يادعيس شبه ,,,, بين القطوب وطارف البيت نابي
وبدعي بن سمحان السلماني ومطلعها:
جاني جوابن سار باسمي ينبه ,,, دغيم نخاني قال رجلن حكابي
واللي تعرض للظلماوي بدون حق ومنها:
والا اخو ظلماء لو دلاله يشبه ... يذكر لنا دونه ثلاثين بابي
وتكون قصيدة الظلماوي هي الخامسه للفايده
(((الراوي))))