السلام عليكم ورحمة الله وبركاته
لــقد تفاجأت عندما قرأت ديوانا لأحد المعاصرين فوجدته قد نسب القصيدة المشهورة والتي
مطلعها :
لاتجي بيت العنود ولاتمره والحذر ياللي على عمرك تداري
نسبها للشاعر سعود العرافه وأن العنود هي أبنة عمه والصحيح أنها عبارة عن أربع قصائد
وردت كمساجلة بين كل من عباس أمين من أهالي الوجــه ومحمد الخميس البقعاوي
ومحمد الديري من عتيبة وأما العنود فهي بنت حطاب النصافي وكانت تسكن في قرية لينه
وجدته قد جمع من هذه القصائد عدة أبيات متفرقة ثم نسبها للمذكور والصحيح ماذكرت
واليكم القصة والقصائد .
في عام 1365هــ كان عباس أمين مدير مالية الدويد عندما كانت الدويد عاصمة الشمال
قبل انتقال الدوائر الحكومية للحدود الشمالية وكانت العنود قريبة من الدويد وتتصف بالجمال
الباهر وكان عباس معجبا بها فدخل عليه محمد الخميس ذات يوم وقال له عباس من أين اتيت
فقال ذهبت لأرى العنود فقال عباس :
[poem=font="Simplified Arabic,5,white,normal,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
لا تجي بيت العنود ولاتمره = والحذر ياللي على عمرك تداري
فر قلبي يوم شاف الزين فره = فر طيرن شايفن جول الحباري
قلت عطني من ثمانك بس مره = قال مايكسى العرا ثوب العواري
العنود سهيل والبيض المجره = فرقهن فرق الفتيل عن السواري[/poem]
فأجابه محمد الخميس بالحال :
[poem=font="Simplified Arabic,5,black,normal,normal" bkcolor="white" bkimage="" border="none,medium,gray" type=4 line=0 align=center use=ex num="0,black"]
ليه يا عباس بيته ما نمره = كيف تنحى واحدن للزين ساري
كنت اظن انك صديق وبك مبره = ما دريت انك عدوا لي مباري
الحيا لو انتحا لازم نمره = وما قسم الله على المخلوق جاري
العنود سهيل والبيض المجره = بس يفرقها الزميم والخزاري
يوم لبست ثوبها الاحمر ومره =يا شبيهت مهرتن للشيخ ضاري
مع سواد عيونها محلاه غره = مثل لون البدر بايام الغداري
كم قلب موجل قامت تجره = عرضتها الجال ودروب الخطاري[/poem]
وعندما اشتهرت الابيات عند الناس غضب محمد الديري العتيبي على عباس لأنه
فضل العنود على جميع البنات فقال غاضبا :
[poem=font="Simplified Arabic,5,royalblue,normal,normal" bkcolor="burlywood" bkimage="" border="none,medium,gray" type=4 line=0 align=center use=ex num="0,black"]
العنود سهيل والبيض المجره = اخس ياعباس ماتدرى المداري
انت يا عباس غادي في مغره = قلت قولن مانت عن قصياه داري
تحسب الدعوى على قانون حره = وانت معك الفين ورادن مباري
يمكن انك ذايقن منهم مبره = من طرف لازمك تمدحها جهاري
يذكرون العيش بهدومك تصره = يمها شافوك بالبخشيش ساري
حالفن ما اتركك يا عباس مره = لين تابس مثل دغلوب الخباري
ما ظلمتك بس انا جيتك بجره = والعرب بسلومها تتلي الأثاري[/poem]
فقال عباس امين لمحمد الخميس جاوب عني واعطيك اجازة شهرين تذهب الى اهلك لبقعاء
فقال محمد الخميس ردا على محمد الديري :
[poem=font="Simplified Arabic,5,burlywood,normal,normal" bkcolor="royalblue" bkimage="" border="none,medium,gray" type=4 line=0 align=center use=ex num="0,black"]
تو ماهب الهوى والعين قره = واستراح القلب من كثر الهذاري
يوم بان الهرج للفزاع ذره = تو هذي به يدور له مباري
فزعة الديري مثل غزو الصفره = تو يكرب محزمه عقب القطاري
يذكر انه موقفن بالشعر مره= والرخم سلطان في وسط الصباري
جنب الديبان واترك عنك شره = ياردي الفود وش لك بالخطاري
لو تحصل مثلها ما صمت غره = كان تسري بالظلام وبالقماري[/poem]
وكما ترون فأسماء أصحاب القصائد مذكورين فيها ولامجال لأنتحالها
وبالله التوفيق
اخوكم فواز الغسلان
الراوي
