مرثيه. بالشيخ علي بن مسلم. لشاعر عبدالرحمن عادل الشمري
[poem=font="Simplified Arabic,6,black,bold,italic" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
القصيد بحزته لـو لفـى مانـي خويـه
يطلب الله عند غيري مامرامه مع مرامي
كان له بأهل المعاني نيتيـن فلـي نيـه
مايبدلهـا قليليـن وكبيريـن الاسـامـي
أغلي الطيب على السمعة وسمي به سميه
والتمس له عذر مايدري به الحر القطامي
تنثلم روحي على أهل المرجلة والفايريـه
مثل ثلمتها عقب موتة علي ذيب المضامي
للخلود وللجنان الخضر ياراعـي الحميـه
ياكريم لوتعـداه المكـارم جـاك حامـي
كثر ماهو كان طيب يشهد الباري عليـه
قلت ليته شمري ولايليتن صـرت يامـي
كلن يعزي بنفسه والعـزا ماهـو شويـه
هب يافرجة غيابة كسرت حتـى كلامـي
جرحتني غفلة المنصور عن دمعة مهيـه
وحرقتني عبرة القلب المشوق المستهامي
من غلا مغلينه دموعي جرت ذبله وحيـه
ياسلام الله على روح الفقيـد وياسلامـي
ويش ابي اذكر من يمانيه الجزيلة والنديه
دام كل ايديه يمنى يضربن والموج طامي
كل طيب الصبح لاسواه مفضوح العشيـه
وش يخفي فضة القمرا بلياليها التمامـي
مايملونـه روييـن القلـوب الشرعبيـه
والضوامي لو توردهم على دجلة ضوامي
[/poem]
الشاعر : عبدالرحمن عادل الشمري
