شرح برنامج Babarosa Gif Animator لعمل صور متحركه .. !!
.
.
.
السلام عليكم و رحمة الله وبركاته ..
اخواني .. اخواتي .. تحيه لكم .. يسعدني خدمة الجميع هنا ..
شكر جزيل لـ الغالي : ابن جشعم .. على جهده المميز وحرصه الدائم
و متابعته المستمره لهذا المضيف ..
و الشكر موصول لـ الأعضاء المتابعين بإستمرار و المتواجدين دوماً ..
.
.
اعترف بتقصيري تجاه المضايف عامة .. و مضيف الكمبيوتر و التصاميم خاصه ..
ولكن بإذن الله .. سأبذل مابوسعي .. لخدمتكم .. و رضاكم ..
لأن رضاكم .. هدفي .. و خدمتكم .. شرفٌ لي ..
- اليوم سوف اقوم بشرح برنامج Babarosa Gif Animator 3.6
و وظيفة البرنامج : عمل صور متحركه ..
وهذا البرنامج مهم لجميع هواة التصميم وتجد ان مستخدمي الفوتوشوب يجهلون هذا البرنامج ..
ولايملكون معرفه تامه عن الصور المتحركه .. ولكن لديهم مايكفيهم لتصميم صور ثابته ..
وان شاء الله يكون هذا البرنامج نافعاً للجميع .. و مفيداً .. و بالمناسبه فإن هذا البرنامج سهل الإستخدام .. و غير معقّد .. وقبل أن أبدأ بالشرح .. أود أن تقرأ ماكتبته .. لك .. لكِ ..
- عليك أن تستعين بالله .. فلا حول و لا قوة إلا به .. وتتعهد على نفسك بأن لاتستخدم البرنامج فيما يغضب الله عز و جل .. لأنك إذا أردت
أن تفسد به .. تصيب فساداً عظيماً .. و إن أردت أن تصلح به .. أصلحت إصلاحاً كبيراً ...
وربي يوفق الجميع لما يحب و يرضى .. و نبدأ بشرح البرنامج ..
.
.
.
إسم البرنامج : Babarosa Gif Animator 3.6
وظيفة البرنامج : تصميم صور متحركه .
حجم البرنامج : 2,29 ميغا ..
إضغط هنا لتحميل البرنامج ( الزر الأيمن للفأره + حفظ الهدف بإسم )
ملاحظه : لازم تجهز عندك صورتين او ثلاث على الأقل حتى تقدر تدمجهم مع بعض على السريع .. واذا ماعندك تصاميم او اذا ماتعرف تصمم
مو شرط .. شف لك اي صور .. بس حجمها متساوي .. لان البرنامج سهل الدمج .. ماياخذ اكثر من 5 دقايق .. اما اذا تبي تصمم صورك بنفس
البرنامج .. اكيد راح تاخذ منك وقت ..
.
.
اذا انتهى التحميل .. و سويت setup .. افتح البرنامج .. و راح تظهر لك رساله .. كما هو موضح بالصوره التاليه :
http://sashammari.jeeran.com/exclusive/gif01.jpg
سو زي اللي بالصوره .. إضغط على كلمة Try .. ولاتدخل أي بيانات أخرى .. بعدها .. تجيك رساله اخرى .. كما هو موضح بالصوره :
http://sashammari.jeeran.com/exclusive/gif02.jpg
1 - Width .. عرض ..
2 - Height .. إرتفاع ..
3 - Number of Intervals .. الفاصل الزمني ..
4 - Automatic .. أوتوماتيكي ..
5 - Next التالي ..
هو يطلب منك ادخال بيانات حجم الصور اللي تبي تصممها .. لاتدخل اي بيانات .. اضغط على كلمة Automatic .. وراح يصير حجم التصميم
اوتوماتيكي .. ولاتغير شي بالخيار الأول و الثاني و الثالث .. وبعدها اضغط على كلمة Next .. راح تظهر لك رساله .. كما في الصوره :
http://sashammari.jeeran.com/exclusive/gif03.jpg
عندك بالصوره رقم 1 و 2 و 3 و 4 و 5 .. البرنامج يطلب منك تحديد فاعلية الإطار .. ماعليك منه ..
اشر على الخيار رقم 2 اللي معناه : فاعلية عادية (Normal optimization) ..
والخيار رقم 4 زي ماهو موجود بالصوره .. خلها على 255 لاتغير فيها شي .. وبعدها إضغط على كلمة Next اللي موجوده تحت رقم 5 ..
.
.
بعدها راح تجيب رساله زي اللي بالصوره :
http://sashammari.jeeran.com/exclusive/gif04.jpg
1 - Add .. إضافة ..
2 - Remove .. حذف ..
3 - Finish .. إنتهاء .. و إنتقال لـ المرحله الأخيره ..
إضغط على كلمة Add .. و أضف الصوره اللي تبيها وإضغط عليها ثاني مره واضف الصوره الثانيه .. واضغط عليها ثالث مره واضف الصوره الثالثه..
و كلمة Remove .. تحذف الصور اللي ماتبيها .. اوكي .. ؟
واذا اضفت الصور من جهازك .. إضغط على Finish .. راح تجيك .. الواجهه الرئيسيه لـ البرنامج .. كما هو موضح بالصوره :
http://sashammari.jeeran.com/exclusive/gif05.jpg
هالصوره اللي فوق .. مثل ماانتم شايفين .. فيها أرقام من 1 إلى 9 .. تابع معي .. :
1 - إضافة اطار جديد . تقدر تضيف اطار جديد غير اللي اضفتهم و اللي موجوده عندك ..
2 - إضافة صوره جديده . تقدر تضيف صوره جديده غير اللي اضفتهم عندك و غير اللي موجودات بالقائمه ..
3 - نسخ و لصق .. الصور . تقدر تنسخ الصوره وتحطها بإطار ثاني و تقدر تحط كل صوره بإطار .. على راحتك ..
4 - حذف إطار من القائمه . يعني اذا شفت اطار جاي بالغلط .. كنسله و حط بداله جديد .. على كيفك ..
5 - ترتيب الصور .. تقديمها + تأخيرها .. اذا الصوره اللي برقم واحد تبي تخليها برقم ثلاثه .. مافي مانع .. و ترتب الصور على كيف كيفك ..
6 - مدة العرض .. وهالزر أهم زر في البرنامج .. كل صوره تحدد لها مده معينه .. انتبه لازم كل صوره تضغط عليها ضغطه وحده بالفاره ..
وبعدين تروح لـ الخيار رقم 6 زي اللي بالصوره .. وتحط المده .. و تروح للثانيه .. ولين تخلص ..
7 - الإطار الرئيسي .. هو له شغل .. بس ماله فايده .. يعني خله بحاله .. لاتعترض طريقه عشان مايخرب عليك التصميم :) ..
8 - زر المشاهده .. تضغط عليه عشان تشوف عرضك .. و تنتبه للسرعه وتشوف اذا محتاج تعديل .. او تغيير السرعه .. او تغيير الزيت :) ..
وراح تظهر لك شاشه صغيره بعد ماتضغط عليه .. الأيسر مشاهده .. الايمن إيقاف ..
9 - اذا خلصت كلش كلش من التصميم و تبي تحفظه .. اضغط على كلمة gif اللي تحتها رقم 9 بالصوره اللي فوق .. واحفظ التصميم عندك
بصيغة gif .. و ارفع التصميم للإنترنت .. إذا لك صفحه .. و إذا ماعندك مركز تحميل .. شف ابو سلطان ماقصّر .. فاتح مركز تحميل الصور ..
24 ساعه و لا ينام ماشاء الله عليه .. كل هذا عشانكم .. و يسلم شانكم .. ويسلم شانك يابو سلطان .. و تحياتي للجميع ..
وأتمنى إن الجميع إستفاد من هـ البرنامج .. و أي إستفسار .. جاهز .. تحياتي لكم .. !!
.
.
اخوكم : سالم .. !!
