نقرة الديدب......توضيح لكم ولهم..حتى يستوعبوا ؟

[poem=font="Simplified Arabic,5,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
شمر ليا شان اللغى والدخن ثـاع=روس الحـرار تهدهـا وتهبدهـا
شمر ودايع نجد شمر هـل البـاع=شمر هل الناموس شمـر وحدهـا
شمر هل الردات يا خليـف بتـاع=شمر حمول الخيل شمـر سندهـا
شمر هل الجولات يا صكت القاع=شمر تعدل المايلـه مـن سعدهـا
شمر طعونه تقصف العمر ووساع=يا جردت بسيوفهـا مـن غمدهـا
شمر زهوا زهيد للمـوت قطـاع=شمر تمس من العـوارف عقدهـا
شمر تقود القوم مع كل الاوسـاع=شمر تشب بنارهـا مـن وقدهـا
شمر زحازيح الجبل ما به اسـاع=شمر هل الجولات يثبـت عددهـا
شمر خلف عقبان وصقور وسباع=شمـر تدلـه بالمعـادي كـردهـا
شمر طنايا طرفـة العمـر بيـاع=شمـر تخـز عقابهـا مع لبـدهـا
شمر ليا دكت على القـوم تنـزاع=شمـر سلايـل لابـة مابعـدهـا
شمر تعلت يـوم شالـع وشـلاع=شمر تبـث زروعهـا وتحصدهـا
شمر ليا هاز الوطن كـل طمـاع=شمر رواق البيت شمـر عمدهـا
شمر هل الفزعه مغاوير الابـداع=شمر به التاريـخ قـال وحمدهـا [/poem]

توضيح ارجو ان لم يسبقني من الاخوان اليه احد.......

قديما عند اهل الباديه حيث نقاء القلوب وصدق النيه
كان الرجل يذكر طيب خصمه
فكان الشخص لايجحد الفعل الطيّب حتى لو كان خصمه هو من فعل هذا الفعل
والشواهد على ذلك كثيره لايتسع الوقت لذكره
لكن للاسف بالوقت هذا اصبح نكران الطيب ونسبه الى غير اصحابه امر سهل

اثناء تجوالي في محرك "قوقل " العظيم :)

لفت نضري موضوع عند ابناء قبيلة مطير ويتحدث عن قتل مطير للشيخ مطلق الديدب
وهو من شيوخ وفرسان قبيلة عنزه
حتى انهم اسمو مكان قبره بــ "نقرة الديدب"

انا هنا اتسائل هل هم قاصدين هذا الشي ؟.
او ان المعلومه وصلتهم عن طريق الخطأ؟

فان كان الاحتمال الاول فعلى الدنيا السلام
وان كان الثاني نحن هنا لتوضيح ماوقعو به

والفاصل بيننا وبينهم قبيلة عنزه:)

يااخوان مطلق الديدب قتل امام شمّـــر
بمعركة المقطيه
وسميت المقطيه بسبب ان بن رشيد ربط مطلق واربعين رجل معه وقتلهم بيده
والمقط هو الربط عند اهل الباديه
وسبب المعركه ان مطلق اعتدا على نزل من شمر فقتل رجالهم
ويقال انه بعدما قتل الرجال جمع النساء فقال ان انتخيتن من بوه تنتخن
قالن الحريم ببن رشيد
قال الديدب شفنوه وراكن وبالفعل وصل العلم للجنازه وغزاه وحصل بينهم معركه ونتج عنه ماذكرناه سابقا
مع العلم ان شمر انذاك زعلو على الجنازه فلم يريدو منه فعل مافعله بالديدب

ولكم الشكر


واستودعكم الله وان انشالله ان كنا من الحيين نراكم بشهر واحد
تخبرون العيد جاء ونبي نقضيه وسط الاهل والاحبه:)
في ارجاء رفحاء المتحده:)

تسلم يالغفيلي

والله كلامك صحيح ايام قبل الواحد يقول كلمة الحق لو على نفسوه

اما بالنسبة لمطير هي لو وقفت على هذي زين على زين
انا سمعت انهم حكموا نجد
وانا سمعت انهم هم طيحوا حكم الرشيد
وانا سمعت ان 6 وقفوا قدام جيش كامل (( فلم هندي ))

تسلم على توضيح السالفة
ولاهنت

لاهنت على هالقصه يالغفيلي ولله درك

لاحرمنا الله من طلتك...وتسلم يمينك

اقتباس:

---

في ارجاء رفحاء المتحده

---

هههههههههههههههههههه
هههههههههههههههههههه
هههههههههههههههههههه
:) :) :) :) :)

الله يرج ابليسك....

من المعروف بالشمال قصه الديدب واخو رثعه ومثل ماقال مشعل والسبب مضايقه الديدب لبعض قوافل اهل حائل اللي جايه من العراق بل تعدّى الامر الى اهانه بعض الناس اللي يتبعون الن رشيد وهالشي اللي ازعل الجنازه وخلاّه يتجه للديدب ويفعل مافعله به
رحمه الله على الجميع
____________
مشكور على التوضيح القيّم يابو ياسر وجزاك الله خير وبارك الله بجهودك

القصة وكما ذكرت وذكر الإخوة معروفة وأمر التزييف فيها غير مقبول أدباً .. دع هذا الأمر لأهل العقل منهم أخي الكريم :thumb:

اقتباس:

---

واستودعكم الله وان انشالله ان كنا من الحيين نراكم بشهر واحد
تخبرون العيد جاء ونبي نقضيه وسط الاهل والاحبه
في ارجاء رفحاء المتحده

---

إجازة سعيدة وعيدك مبارك ،،،

ابو ياسر !!

الله يعافيك على هالمجهودات الرائعة .. لاهنت ،،،

بالنسبة للموضوع ..؟


انا هنا اتسائل هل هم قاصدين هذا الشي ؟.

او ان المعلومه وصلتهم عن طريق الخطأ؟

تلفيق على جهل على تزوير على تزييف يعني سمك لبن تمر هندي:)

اقتباس:

---

والفاصل بيننا وبينهم قبيلة عنزه

---

هذولا عنزه جابو لك العلم الوكاد ماهي تلافيدز:)

من منتدى عنزهـ :-

اقتباس:

---

ينتمي الشيخ / مطلق الديدب إلى بطن الوطبة من السويلمات من الدهامشة من العمارات من ضنا بشر من عنزة ومن غير المعروف تحديدا مولد الشيخ مطلق الديدب في أي سنة ولكن على وجه التقريب في الربع الاخير من القرن الثالث العشر الهجري ، والديادبة هم أبناء عمومة إلى آل بكر مشايخ السويلمات والذين منهم الفارس والشيخ مشعان بن بكر وغنام(غنيم) الربّضا ، وكان أغلب المعارك التي حدثت وإشترك فيها مشعان بن بكر كان الديدب ملازما له فيها ، وإن كان هناك حدثين قد إنفردت بذكر الشيخ مطلق الديدب فيها ونذكر منها:

* مغزى الرطبة :

عرف عن الشيخ صاهود بن لامي من شيوخ الجبلان بن مطير أنه ممن يغزون المغازي البعيده ويأخذ في مغزاه ثلاثة شهور ، وقد سمع عن شجاعة الشيخ مطلق الديدب من السويلمات وقد نذر صاهود بأن يغزي مطلق وأن يذبحه في دياره ، وتفاصيله أنه غزا الشيخ صاهود بن لامي من مشائخ الجبلان من مطير ومعه عبيد بن زيّاد بن طواله من شمر وغيرهم من القبائل الاخرى يريدون ديار عنزة وتحديدا الشيخ مطلق الديدب ، وأثناء مرورهم على ديار عنزة مروا على ديار الشلخان من الدهامشة والصقور وقد وجدوا حواشيش الابل عند إبل الشلخان مادة اي سارحه ولم يكن عندها احد فأمسكوا أحدهم وسألوه عن إسمه ، فقال اسمي عبدالرحمن ، فقال صاهود إسمك غريب بهذه الديار فقال إسمي هكذا ، وأمر صاهود بحجز الرجل وجعل عليه حراسه وماكان من هذا الرجل الا أن هرب وأبلغ مطلق الديدب بغزو صاهود وقد استعد الشيخ مطلق الديدب وجماعته له ، وأما الابل التي أخذها صاهود استفزعوا اصحابها وهم جماعة قليلة من الشلخان من الدهامشة وحاولوا أن يفتكوا ابلهم و جدوا في اللحاق بصاهود ومن معه ولكن لم يلحقوهم ، واكتفى صاهود بما أخذه سريعا هو ومن معه من مطير وغيرهم لانه علم أن الشلخان والصقور اجتمعوا وغيرهم من عنزة لطلب ابلهم فالسلامه والنجاة غنيمة وانتصار في هذا الموقف لهم ، أما عن الشيخ مطلق الديدب وجماعته من السويلمات فلم يصلهم صاهود بن لامي وجماعته ولم تحصل معركة بينهم ، وعند رجوع صاهود بن لامي الى الصمان وكان هناك شاعر من قبيلة بني رشيد قال على لسان صاهود بن لامي يصف ماحث كان يتمنى انه لو واجه مطلق الديدب بقوله :

غزيت أنا ياعبيد بهلال عاشـــــــور
ــــــــــــــــــــــــــــــــــــــــ ـ وأول صفر والتوم كله تمامـــــــــي
ثسعين ليلةٍ فوقهن تقل ناطــــــــــور
ــــــــــــــــــــــــــــــــــــــــ ـ جانا الشتاء ماشفت زرق الاوشامي
كم فاطر من نيها تزعج الكـــــــــور
ــــــــــــــــــــــــــــــــــــــــ ـ تفصم مضاريس الرسن والخطامي
اليوم دوك ذراعها يشذب الـــــــزور
ــــــــــــــــــــــــــــــــــــــــ ـ مع دربنا يوم ارمسن العلامــــــــي
يذكر لنا ياعبيد شلخان وصقـــــــور
ــــــــــــــــــــــــــــــــــــــــ ـ بايمن شعيب اصواب ذيك الزوامي
لعيون من تزها الملابيس وخصـور
ــــــــــــــــــــــــــــــــــــــــ ـ أبو رموش مثل ريش النعامــــــــي
ندوسهم ياعبيد مع فجة النــــــــــور
ــــــــــــــــــــــــــــــــــــــــ ـ كما يدوس الحــر فرخ القطامـــــي
ياليتها في مطلق وافي الشـــــــــور
ــــــــــــــــــــــــــــــــــــــــ ـ هاذيك هي اللي عليها السنامـــــــي

وصاهود يتوجد ويتمنى لو أن هذه الغزوة وأخذة الابل حصلت في مطلق الديدب ويصفها بأنها قمة سنام النصر والمجد ولكن لم يحصل ذلك..

ويقول عبيد بن زياد بن طوالة من شمر مجاراة للقصيدة التي قيلت في مغزى صاهود:

حنا غزينا والنخل تو مابــــــــــور
ــــــــــــــــــــــــــــــــــــــــ ـــ لما استوى طلع النخل بالتمامـي
تسعين ليلة فوقهن تقل ماســـــــور
ــــــــــــــــــــــــــــــــــــــــ ـــ بالقيظ ماذقنا لذيذ المنامــــــــــي
الجيش باد وبيدن كل مثبـــــــــور
ــــــــــــــــــــــــــــــــــــــــ ـــ متلطمن عيا يرد الكلامــــــــــي
نمشي باثر صاهود عساه ماجــور
ــــــــــــــــــــــــــــــــــــــــ ـــ مرذي لطفقات البكار ابن لامـي

ورد على صاهود بن لامي شاعر من شعراء السويلمات من الدهامشة من عنزة جماعة مطلق الديدب يتهكم بالغازين ويقول بأنهم ينتظرون قدومهم يقول:

الخيل مرعاها بصمعا وخافـور
ــــــــــــــــــــــــــــــــــــــــ متليمين وينطرون ابن لامـــــــــي
إن سلم راس اللي ذبحتوه بنذور
ــــــــــــــــــــــــــــــــــــــــ مطلق صليب الراي شيخ الجهامي
إن جابك الله يابو سفاح للخــور
ــــــــــــــــــــــــــــــــــــــــ وحنا جنبها زان الكلامــــــــــــــي
اما خذيتوها وعدنا بعاثــــــــور
ــــــــــــــــــــــــــــــــــــــــ ولا غديتو بين ربعي اقسامـــــــي

والشاعر يذكر بالابيات أن الخيل والقوم التي تريد غزوها يا شيخ صاهود هي في المنطقتين المذكورة صمعا وخافور ، وأنهم والمين وينتظرونك يابن لامي ، وأن راس الشيخ مطلق الديدب الذي ذبحتوه بالنذر وليس بالسيف سالم وغانم ، وأن التحدي الحقيقي هو أن تأتي يابو سفاح(صاهود بن لامي) إلى الخور وهو في الشمال وهناك يزين الكلام وليس في مكان ما غزيت ، ثم يوضح الشاعر أما خذيتوها اي السمعة والطايلة ونشوة النصر أو غديتوا وأصبحتوا بين جماعتنا السويلمات أقسام من تحكيم السيف..

* وقعة المقطية سنة 1318هـ تقريبا:

وهو أن الشيخ مطلق الديدب وجماعته في معركة الصريف ساعدوا الملك عبدالعزيز بن سعود وإبن صباح وجيشهم بخلاف أكثرية قبائل عنزة التي كانت مشاركة مع عبدالعزيز المتعب الرشيد وشمر في هذه الوقعة ، وبعد هزيمة جيش مبارك الصباح ومن معه من القبائل في هذه الوقعة لم يتوانى الشيخ مطلق الديدب في غزو القبائل بل كان مفرطا الشجاعه في وقت كانت القبائل تخاف أن تغزي وتنهب بعضها وتهاب ابن رشيد بعد هزيمته لمبارك الصباح وجيشه في وقعة الصريف ، وكان الامير عبدالعزيز المتعب الرشيد يلحق فلول المنهزمين من جيش إبن صباح وإبن سعود ويحكم فيهم السيف ويبحث عن من قاموا بمعاونة إبن صباح والذين من ضمنهم الشيخ مطلق الديدب وجماعته ، فما كان الا أن حاصر الأمير عبدالعزيز المتعب الرشيد ومن معه من جيش كبير من شمر وغيرهم من القبائل الشيخ / مطلق الديدب والذي كان بمعيته 40 رجل من قومه على حين غره ، وقام إبن رشيد بربطهم بالحبال ومقطهم به وحكم السيف تحكيم شنيع فيهم لم يرضي جماعته وخاصته ما فعله بالشيخ مطلق الديدب وكانت نهاية هذا البطل الشجاع وسميت حادثة وفاته بسنة المقطية وهي قبل فتح الرياض ، وقد قال الشاعر العزي راعي البّره وهو عبدالعزيز بن عيسى الهذيلي المطيري وقد أشار على مبارك الصباح بعدم خوض معركة الصريف ألا إن مبارك بصق بوجهه وقصد راعي البره بعد هزيمة جيش إبن صباح والقصيدة طويلة وذكر أحداث كثيرة لابن رشيد ونذكر من ضمنها بعض الابيات و مايخص المقطية يقول:

جابوك شمر ياطويل الذويبه........بين السبايا وبين عذبات الأنياب
ياللي تقوده قل حقه غديبه...........مع وقعة البرّه ومن كان طلاب
ومن لاعليهم حجةٍ يدّعيبه........ذا موسم اللي حاضره سد من غاب
ياذيب سفوه ناد ذيب القريبه.......وإجذب من السلمان والحزل وإنصاب
وإجذب من سباعٍ بالمقاطع مغيبه.......وإجذب من السوده للجوف والضاب
وباقي السباع الغايبه وين هي به.......إقنب لها ياذيب في كل مرقاب
يلحق بها سبعٍ رديٍ نديبه.............وشهب النسور وكل فرّاس بالناب
ولا تفرس إلا كل بيضا سنيبه.........إفرس مشاكيلٍ وزلبات وركاب
مثل الهشيم اللي بفيضة شعيبه.......هشيم طلحٍ كل الايام عياب
بأرض الصريف اللي وطاها وطيبه.......شرق وشمال وقبلةٍ عنه معزاب
الضبعة العرجاء غدت به رطيبه.........وكل السباع الضاريه كيفها طاب
ياويل عمّي جرّها من حسيبه..........(....) على الرمش شقّن الإياب
شيخٍ يراعي يوم حزّة نشيبه..........على جموعه من المغلين ضبضاب
من فوق جال مثل وصف الرقيبه.........خيالة الشرفه ومحدٍ معه تاب
زلفاهم الدجّال نقرة نشيبه...........نار المسيح وذل يلحق بمطلاب
من فوق حرذونٍ يحز الشطيبه.......بفقر الوقارى رادفه عقب ماشاب
في فرصةٍ حدر الدجى مادريبه........قب السلاح وبدّل السيف مشعاب
والغوج خلي مالقى من يجيبه.........عند ابن شايم مالقى الغوج ركاب
عاضوه بالحوّى فياضٍ عشيبه........مايشبع الرجال من عشب عشاب
ذكوه في ديرٍ كبير المصيبه.........تسعين ليله مقعد الشيخ ماطاب
دار الفلك ياللي هبوبه مجيبه..........شيخٍ يريد الحكم ماهو بنهّاب
على النقى يرد النضا مع شبيبه.........لابان في قوم المعادين مضراب
كونه صباحٍ مايدوّر عقيبه..........من غب كونه ينصب السوق حسّاب
إيضا الدواسر كون وإيضا عتيبه.........واللي حضر منهم عن اللي مضى تاب
كون ابو متعب مع صديقك يصيبه..........قوم ابن مرشد صابهم مثل ماصاب
جاب الله الديدب وهو ينثني به............عشىّ ولا بقىّ بهم كود نجاب
سرى وبّدل كل عوصا نجيبه.............تجوير ربدا دوّلت عقب الأعقاب

---

---

سبق ان طرح طرف من هالموضوع بالمضايف على الرابط هذا:)

http://www.shmmr.net/vb/showpost.php...0&postcount=27

---

موضوع بمنتديات قبيلة مطير

" معارك صواب والأخيضر وغزوات بن لامي "

وهذا رد واحد عنزي على الموضوع ؟.؟

اقتباس:

---

الله بالنور يا نشاما

هالحين خابر هالموضوع منزله واحدن قبل واذا مانيب غادي لي رد عليه وهذا الحتسي مبطي وهالحين جاي وطبان بن غالب وقال الموضوع بصيغة ثانية مار البلا محدن نشده وين المنهج العلمي وين المصدر التاريخي واحدن فكر وكلن غدى بنفسه لان الموضوع نصر للقبيلة واذا انه نصر ما يهم وشلون ينكتب ياهو صحيح والا ماهو صحيح معتمد على منهج او مصدر علمي مثل هاللي يقولونه الاخوان وينشدونه بموضوع العمار اللي طرى به هزيمة لمطير

خلاصة القول اللي اعرفه عن هالموضوع قلناه بالموضوع الاول اللي كتبه خالد الجبلي اما هالحتسي الجديد صار وقعتين وصار به ذبحة لمطلق الديدب لا وقبره اسمه نقرة الديدب

اقول يابن غالب لو مانيب عنزي وادل ربعي اقول انك صادق وهرجك على المتمة لان وقتها مادري من هو الديدب والا ابن لامي واخذ الكلام على ظاهره

اما عن مطلق الديدب هاللي بها المعركة ذبحه ابن رشيد بوقعة المقطية هو واربعين رجال من عنزة ذبحوهم شمر وهاللي نعرفه وشلون صارت صواب واخيضر وتاليتها نقرة الديدب مادري منين جات

وعيبن علي اقول انك كذاب مار اقول توكد الله يهداك على ما يقولونه الربع بالمنهج العلمي اللي تولجونا فيه قرابتك

---

الحق ظلما والمصقّل دليله ...

لك التحيــــــــــــة ،،،

والسلاااااااااام ...

بَاَرَكَ الله بِـ " العَظِيم " قُوقَل

الذِيْ أخْرَج لَنَاَ هَذِة القُصّه والقَصِيْدَة ..

وللهِ ياَ مشْعَل .. إنَّ

قُصَص الأولِينْ مُؤلِمَه .. وسُيوفَهُم " رَهِقَه "

والحَمْدُ لله أنِيْ لَم أعِيشُ بِـ زَمَنْ مَطْلَق الدِيبَدب ولا غِيْرِة ..

.
.
.


.

وقَسَم أنْخَرع من هالسوالف :0082:

كُنْ بِـ آمَاَن

.